1 Bene Kolinto 1:6 - Baibo Busansulushi Bwa Libuku Ili

⁶ Makani aamba pali Klistu ashimpa muli ndimwe.

1 Bene Kolinto 1:6 Referans Kwoze

Ciyubululo 1:2

Joni wakasansulula shoonse nshaakabona alimwi shoonse ishi shilaamba pamaswi akwe Lesa akupa bukamboni pasheesho shakaamba Jesu Klistu.

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

1 Timoti 2:6

uyo wakalibenga ayi alubule bantu boonse. Cilya cakaba ncitondesho paciindi ceelete ayi ncakwiila Lesa ulisuni kupulusha boonse.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

2 Bene Kolinto 12:12

Shaankamiko ashitondesho sha nkusu sha kwiculu, isho shitondesha butumwi bwangu bwancinencine shakacitwa pakati kanu cakukalika moyo.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Ciyubululo 12:17

Lyalo shinshimwe uyo wakakalala ceebo ca mwanakashi uyo. Mpeeke wakaya mukulwana abamulunyungu lwa mwanakashi bamwi boonse abo bakonkela milawo yakwe Lesa alimwi akushoma bukamboni bwakwe Jesu.

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

Bene Galatiya 3:5

Sa Lesa uyo wakamupa Mushimu akucita shaankamiko pakati kanu, wakacita boobo mukwiinga mwakakonkela Milawo nabi ayi mwakanyumfwa Makani Abotu akwaashoma?

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.

Milimo ya Batumwi 23:11

Pabushiku bweenka ubo mashiku, Mwaami Jesu wakeemikana pafwaafwi aPaulo akumulwiita ayi, “Yumya moyo! Wapa bukamboni bwa pali ndime muno muJelusalemu, anu amwalo muLoma ulyeelete kucita bweenka mbowacita muno.”

Milimo ya Batumwi 22:18

Ndakabona Mwaami kaandwiita ayi, ‘Fwambaana, swaamo muJelusalemu muno mukwiinga bantu teshi banyumfwe makani apali ndime ngweshi ubalwiite.’

Milimo ya Batumwi 20:21

KubaJuda abaswamashi bakunsengwe boonse, ndakalinga kubakonkomesha ayi balyeelete kusanduka kuswa kushibiibi shabo akusandukila kuli Lesa kwiinda mukushoma muMwaami wesu Jesu.

Milimo ya Batumwi 18:5

Ono Sailasi aTimoti ndibakashika kuswa kuMakedoniya, Paulo lakwe wakalibenga ayi unanooshimikilabo akulwiita baJuda ayi Jesu ngoUsalitwe wakwe Lesa.

Maako 16:20

Bashikwiiya bakaya cishimika Makani Abotu koonse koonse. Alakwe Mwaami wakabapa nkusu shakucita shaankamiko, kutondesha bantu ayi maswi akwe ngancinencine.]

Ciyubululo 12:11

Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.

Ciyubululo 6:9

Ndyaakalamatula kalamatila wasanu, panshi lya cipaililo, ndakabona myuuya ya baabo bakacaikwa ceebo cakushimikila maswi akwe Lesa alimwi aceebo ca bukamboni bwancinencine.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

Milimo ya Batumwi 11:21

Nkusu sha Mwaami Lesa shakalinga ambabo alimwi bantu baanji bakashoma akusandukila kuMwaami Jesu.

Milimo ya Batumwi 11:17

Ono na Lesa abalo wakabapa cipo ca Mushimu Usalashi ceenka ncaakatupa aswebo nditwakashoma muli Jesu Klistu, ino nebo ndicite nkusunshi shakukasha Lesa?”