1 Baami 9:16 - Baibo Busansulushi Bwa Libuku Ili

¹⁶ Kalekale mwaami wa kuIjipiti wakalwana bantu ba muGesa akubakoma. Wakacaya bene Kenani boonse bakalinga kwikalaamo akutenta ndabala iyo. Kuswawaawo wakapa ndabala iyo kumwanaakwe mwanakashi ndyaakeebwa kumwaami Solomoni.

1 Baami 9:16 Referans Kwoze

1 Baami 3:1

Solomoni wakapanga bushicibusa aFalawo mwaami wa kuIjipiti kweeba mwanaakwe. Wakamuleta mundabala ya Defedi umo mobakalinga kwikala kushikila ndyaakamanisha kuyaka ŋanda yakwe ya bwaami, Ŋanda yakwe Lesa alubumbu kushinguluka Jelusalemu.

1 Baami 9:24

Lyalo mwanaakwe Falawo mwanakashi ndyaakaswa muNdabala inene yakwe Defedi kuya mukwikala kuŋanda Solomoni njaakamuyakila, Solomoni wakaleta bulongo akweelanishisha kwicwe lya ndabala inene.

1 Baami 7:8

Ŋanda yakwe Solomoni iyo yakalinga mulubansa lumwi kwisule lya Cipinda Cakoomboloshesha yakayakwa mbuli maanda amwi oonse. Wakayaka aŋanda imwi ikoshenye aŋanda yakwe kuyakila mukaakwe uyo wakalinga mwanaamwaami wa kuIjipiti.

Joshuwa 16:10

Sombi bene Efuleemu tabakwe kutanda bene Kenani abo bakalinga kwikala muGesa. Kushikila asunu bene Kenani balekala abene Efuleemu, sombi balasebenseshekwa anga mbasha.

Joshuwa 10:33

Paciindi ici Olamu mwaami wa kuGesa wakalinga wesa mukucafwa Lakishi, sombi Joshuwa wakamukoma pantu pomwi abashilumamba bakwe, cakutashiyaawo nabi womwi.