1 Baami 3:9 - Baibo Busansulushi Bwa Libuku Ili

⁹ Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

1 Baami 3:9 Referans Kwoze

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Tushimpi 16:16

Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.

Bene Ebulu 5:14

Sombi shakulya shiyumuyumu nsha bamanene. Kwiinda mukusebensesha maano, balakonsha kupansaanya cibotu acibiibi.

Joni 5:30

“Nebo taaku nceenga ndaciita palwaangu nemwiine. Ndoombolosha bweenka Lesa mbwaandwiita. Aboobo koombolosha kwangu kuliluleme mukwiinga nshikakatili kucita nsheensuni, sombi shiyanda wooyo wakantuma.

2 Samwelo 14:17

Ono nemusebenshi wanu ntokwaamba ayi, ‘Maswi anu nobaami aabe aayo eshi ankalike moyo, mukwiinga nkambo nobaami mulibo anga ngumunjelo wakwe Lesa mukwishiba cibotu acibiibi. Mwaami Lesa, Lesa wanu abe amwebo’ ”

1 Makani 22:12

Mwaami Lesa, Lesa wako aakupe lushibo abusongo kwaamba ayi ukalele kabotu cishi cino ca Isilaeli kweelana aMilawo yakwe.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Bene Efeso 5:17

Paceebo ceeco mutabi anga mbantu baluya, sombi amweeleshe kwishiba sheesho Mwaami Lesa nshaasuni ayi mucite.

Kulumbaisha 119:144

Kwiisha kwanu kuliluleme lyoonsebo. Amumpe busongo ayi noocibukila buumi.

Kulumbaisha 119:34

Amumpe maano kwaamba ayi ndame milawo yanu, ee, kwaamba ayi nkeekonkele amoyo wangu woonse.

2 Bene Kolinto 3:5

Swebo palweesu taaku ncetucite ceenga catulengesha ayi tube ankusu shakucita mulimo uyu. Nkusu nshetucite shilaswa kuli Lesa.

Mateyo 3:14

Sombi Joni wakalinga kusuni kumukakila. Wakamwaambila ayi, “Nebo ndime njelete kubombekwa amwebo, ono mwesa buyani kuli ndime?”

Shikushimikila 7:11

Busongo mbubotu anga mbuboni bwakupyana mukwiinga bulacafwa baabo bacili boomi.

Tushimpi 20:12

Matwi akunyumfwisha ameenso akubonesha, nguMwaami Lesa wakalenga shoonse.

2 Makani 1:10

Anu amumpe busongo alushibo ayi nkonshe kulela bantu aba. Kwabula boobo inga ndakonsha buyani kulela mushobo wa bantu banu uyu unene bobulya?”

1 Makani 29:19

Amupe Solomoni mwanaangu moyo wakulyaaba kuli ndimwe cakumaninina kwaamba ayi anookonkela milawo amilasho yanu yoonse akuyaka Ŋanda yanu iyo njendabambila kale shintu shoonse.”

Bene Filipi 1:10

kwaamba ayi mukakonshe kusala bwikaalo bwiindaawo kubota. Lyalo mulaakwaanguluka kuswa kububi boonse akutumpenda paBushiku ubo aakuboola Klistu.

2 Bene Kolinto 2:16

Kubaabo batoosoweka, bweema ubo mbwalufu. Sombi kubaabo beshi bakapulushikwe, mbubotu alimwi bulaleta buumi. Ono ngani weelete kucita mulimo wa mushobo uyu?

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Shikushimikila 7:19

Busongo bulapa muntu womwi nkusu kwiinda baleli bali likumi mundabala.

Jelemiya 1:6

Lyalo ndakakumbula ayi, “NoBaami baLesa, noBeshinkusu shoonse, nebo nshicishiiwo kwaamba alimwi ncili mwanike.”

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.

Kulumbaisha 119:73

Ndakalengwa akubumbwa kuswa kumaansaanu. Ono amumpe maano kwaamba ayi njiye milawo yanu.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

1 Baami 3:10

Mwaami Lesa wakakondwa ayi Solomoni wasenga busongo.

1 Baami 10:24

Bamucishi coonse ca panshi bakalinga kusuni kuya mukunyumfwa busongo ubo Lesa mbwaakamupa.

Jelemiya 45:5

Sa utooliyandweeta shintu shinene abuumbi? Utashiyandoolibo ceebo ndaakuleta kunyonyoola pabantu boonse. Sombi webo teshi ukacaikwe kuli koonse nkweshi ukaye.’ ”

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.