1 Baami 19:10 - Baibo Busansulushi Bwa Libuku Ili

¹⁰ Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

1 Baami 19:10 Referans Kwoze

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

1 Baami 18:22

Mpeeke Elija wakaamba ayi, “Nebo ndi mulaluki wa Mwaami Lesa uyo wacaalaawo, sombi pali balaluki bakwe Baali bali 450.

Kulonga 34:14

“Tamweelete kulambila lesa umwi, ceebo nebo neMwaami Lesa, ndishibusuba.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

1 Baami 18:30

Lyalo Elija wakaambila bantu ayi, “Amusene pafwaafwi anebo.” Mpeeke bakasena. Elija wakatalika kubamba cipaililo ca Mwaami Lesa ico cakalinga camwayululwa.

Shakubelenga 25:13

Fineyasi alimwi abamulunyungu lwakwe boonse bananoolibo bapailishi lyoonse, mukwiinga taakwe kusumina ayi bantu balambile balesa bamwi alimwi akulengesha ayi bene Isilaeli balekelelwe cibiibi cabo.”

Shakubelenga 25:11

“Mukwiinga wa ceeco cacita Fineyasi mwanaakwe Eliyasa alimwi mushikulu wakwe Aloni mupailishi, bukali bwangu pabene Isilaeli bwamana. Lakwe taakwe kusuminisha muntu uli woonse kulambila Lesa umwi, sombibo ndime. Aboobo nceceeco ncentakwe kunyonyweeta bene Isilaeli ceebo ca bukali bwangu.

Joni 2:17

Lyalo bashikwiiya bakeebaluka Malembo akwe Lesa aamba ayi, “Lusuno lwangu lwa ŋanda yanu nobaLesa, lulancata kumoyo.”

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Osiya 5:11

Bene Isilaeli batoolyatililwa, bashiya cishi ico cakalinga caabo kwakubula mwiipusho ceebo cakukakatila kucinka manungo mushibumbwabumbwa isho shitakoonshi kubacafwa.

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Kulumbaisha 119:139

Moyo wangu ulacisa abuumbi ceebo balwani bangu basuula maswi anu.

Kulumbaisha 69:9

Lusuno lwangu lwa ŋanda yanu nobaLesa, lulancata kumoyo. Matushi bantu ngobakamutukana oonse aboolela pali ndime.

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

1 Baami 19:14

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bapwayoola shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

1 Baami 19:2

Aboobo Jesebelo wakatuma nkombe kuli Elija ayi “Na ciilo paciindi ceenka cino nkabule kucita kuli ndiwe mbowakacita balaluki abo, balesa abakancaaye.”

1 Baami 18:20

Aboobo mwaami Aabu wakeeta bantu boonse ba muIsilaeli pantu pomwi abalaluki abo kwaamba ayi bakumane kuKalundu ka Kamelo.

1 Baami 18:17

Ndyaakamubona Aabu wakaamba ayi, “Ndakucana sunu, webo noocita shifulunganya mucishi ca Isilaeli coonse!”

1 Baami 18:10

Kweelana ambocibete lushinisho ayi Mwaami Lesa, Lesa wanu ngumuumi, mbweeke ubo mwaami Aabu walema kumulangoola mushishi shoonse sha pacishi ca panshi cino. Na mwaami wa cishi ico nceenga weepusha wakaka, uyo mwaami ulyeelete kushomesha cakulumbila ayi tamumo mucishi cakwe.

1 Baami 20:35

Ono kwiinda mukutumwa kuMwaami Lesa, umwi pakati ka balaluki wakaambila mulalukinyina ayi, “Ngume!” Sombi lakwe wakakaka.

1 Baami 20:22

Lyalo mulaluki wakaya kumwaami Aabu akumwaamba ayi, “Amuboolele mukalibambile kwiinda waawa mukwiinga mwaami wa bene Silya ulaakwisa alimwi mukulwana mwakali paciindi ceenka cino.”

1 Baami 20:13

Paciindi ceenka ico mulaluki wakaya kuMwaami Aabu akwaamba ayi, “Mwaami Lesa waamba ayi, ‘Utaloondi kufula kwa bashilumamba abo! Ntookupa nkusu shakukoma balwani bako sunu, lyalo ulaakwishiba ayi ndi Mwaami Lesa.’ ”

Bene Ebulu 11:37

Bamwi bakalinga kucaikwa kwiinda mukuumwa mabwe, bamwi bakalinga kupasulwa pakati, abalo bamwi bakalinga kucaikwa amipeeni. Bamwi bakalinga kweenda kabafwete shipaya sha mbelele nabi sha mpongo, bakalinga bakandu akupenshekwa alimwi akushupikwa.

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

2 Baami 10:16

Jewu wakaamba ayi, “Kwesa anebo ubone mbuli mboontoosebensela Mwaami Lesa cankusu.” Lyalo bakaya boonse kuSamaliya.

Jelemiya 36:26

Mpomunyaawo mwaami wakaambila Jelamelo mwanaakwe, Selaya mwanaakwe Asilyelo aShelemiya mwanaakwe Abidelo kuya mukucata Baluki mulembi wangu anebo neJelemiya. Sombi Mwaami Lesa wakatushisa.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Kulumbaisha 78:37

Tebakalinga kushomeka kuli nguwe, tebakalinga kushomeka kweelana acipangano cakwe.

Kulumbaisha 119:26

Ndindakamulwiita shoonse nshendakacita, mwakankumbula. Anu amunjiishe milawo yanu.

Kulumbaisha 119:126

NoBaami baLesa, ciindi cashikila ncemweelete kucitawo comwi ceebo bantu batoopwaya milawo yanu.

Isaya 49:4

Mpomunyaawo ndakaamba ayi, “Anu ndakalinga kulipenshabo kusebensa. Ee, ndakalinga kumanabo nkusu kwakubula mpindu. Sombi shintu shoonse sheelete ndime shili mumaansa a Mwaami Lesa. Ncakwiila cilambu cangu cilaswabo kuli Lesa wangu.