1 Baami 17:3 - Baibo Busansulushi Bwa Libuku Ili

³ “Swaawo pamusena uno uye kwicwe, ukayube kuKalonga ka Keliti kwicwe lya Joodani.

1 Baami 17:3 Referans Kwoze

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

Ciyubululo 12:6

Mwanakashi lakwe wakacicila muluyanga, umo muli musena wakamubambila Lesa. Nkomunya uko ulaakulamwa kabotu kwanshiku shili cuulu amyaanda yobilo alimwi anshiiku shili makumi osanwe alyomwi.

Bene Ebulu 11:38

Cishi ca panshi tecakalinga kubeeleteewo! Bakalinga kusubyaangilabo mumayanga alimwi amutulundu akunookalabo mushimfweengo sha panshi alimwi amushilingo.

Milimo ya Batumwi 17:14

Paciindi ceenka ico bashomi bakaambila Paulo abasankwa bamwi ayi baye kulweenge, sombi Sailasi aTimoti bakacaala muBiliya.

Joni 8:59

Lyalo ingayi banyumfwe boobo bakabwesa mabwe ayi baume Jesu, sombi wakabayuba akuloboka kuswa muŊanda yakwe Lesa.

Jelemiya 36:26

Mpomunyaawo mwaami wakaambila Jelamelo mwanaakwe, Selaya mwanaakwe Asilyelo aShelemiya mwanaakwe Abidelo kuya mukucata Baluki mulembi wangu anebo neJelemiya. Sombi Mwaami Lesa wakatushisa.

Jelemiya 36:19

Lyalo bacinenenene bakaambila Baluki ayi, “Webo aJelemiya mulyeelete kuya mukuyuba. Kutabi muntu nabi womwi weshi eshibe nkomubete.”

Kulumbaisha 83:3

Batoopangana miyeeyo ya bushishi ayi balwane bantu banu. Batoopinga baabo mbomutabilila.

Kulumbaisha 31:20

Bantu abo mulabashisa muliimfwa lyanu, kubashisa kuswa kumiyeeyo ibiibi ya balwani. Mulabashisa mumusena wanu mutaamu cakulibilika ayi bafunwe kumatushi aswa kubalwani babo.

1 Baami 22:25

Mikaya wakakumbula ayi, “Ulaakwishiba na ukaye mukuyuba mucipinda ca mukati kaŋanda.”

1 Baami 17:2

Lyalo Lesa wakaambila Elija ayi,

1 Baami 17:4

MuKalonga aka mweshi ukanoonwa maanshi alimwi ndalwiita bacikwangala ayi banookupa shakulya kweenka uko.”