1 Baami 16:7 - Baibo Busansulushi Bwa Libuku Ili

⁷ Makani akaswa kuMwaami Lesa akushinina Baasha abamuŋanda yakwe akaambwa kwiinda mumulaluki Jewu mukwiinga wa shibiibi isho nshaakacita kuMwaami Lesa. Wakasonkomona bukali bwa Mwaami Lesa, kuteshibo ceebo ca bubi ubo mbwaakacita mbweeke bwakacita mwaami Jeloboamu, sombi aceebo cakucaya bamuŋanda yakwe Jeloboamu boonse.

1 Baami 16:7 Referans Kwoze

Osiya 1:4

Lyalo Mwaami Lesa wakaŋambila ayi, “Mwaana uyo mutumbe ayi Jesiliilu mukwiinga coonoonobo ndaakupa mulandu bamulunyungu lwakwe Jeyu. Ndaakucita boobo ceebo bantu baanji mbwaakacaya kuJesiliilu. Munshila iyo ndaakumanisha bulelo bwa Isilaeli.

Isaya 2:8

Cishi cabo ciliswitebo shibumbwabumbwa. Balalambila shintu nshebakalipangila amaansaabo beene.

Kulumbaisha 115:4

Sombi balesa babo mba silifa agolodi abo bakabumbwa amaansa a bantu.

1 Baami 14:14

Mwaami Lesa ulaakubika mwaami pabene Isilaeli uyo weshi akamanishe bamulunyungu lwakwe Jeloboamu. Ncakwiila teshi kalekale, ndyoonoonobo ndyeshi akacicite ico.

Milimo ya Batumwi 2:23

Kweelana akuyanda kwakwe mwiine Lesa, wakabambila limwi ayi Jesu ulaakwaabwa mumaansaanu. Mpeeke mwebo mwakalengesha ayi bamucita shibi bamupope pamucilingano.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

1 Baami 16:8

Mumwaaka wamakumi obilo ayosanwe awomwi wa bwaami bwakwe Asa mwaami wa cishi ca Juda, Ela mwanaakwe Baasha wakaba mwaami wa cishi ca Isilaeli. Wakalela muTesa kwamyaaka yobilo.

2 Baami 17:13

Mwaami Lesa wakatuma beshinkombe abalaluki mukucenjesha bene Isilaeli abene Juda ayi, “Amusanduke kuswa kushibiibi shanu akunyumfwila milawo amilasho iyo icanwa muMilawo njindakapa bamashali banu bakulukulu kwiinda mubalaluki basebenshi bangu.”

2 Makani 16:7

Paciindi ico Anani mulaluki wakaya kumwaami Asa akumwaambila ayi, “Ono mukwiinga mwebo mwakacinka manungo mumwaami wa bene Silya pamusena wakucinka manungo muMwaami Lesa, Lesa wanu, bashilumamba bene Isilaeli boonse bamana kumuloboka.