1 Baami 13:7 - Baibo Busansulushi Bwa Libuku Ili

⁷ Mpeeke mwaami wakaambila mulaluki ayi, “Katiya kuŋanda yangu uye ulyeeko cakulya. Ntookupa cilambu ceebo ca ceeci ncewacita.”

1 Baami 13:7 Referans Kwoze

2 Baami 5:15

Wakaboolela kuli Elisha abantu bakwe boonse akumwaambila ayi, “Ono ndeshiba ayi taaku Lesa umwi, sombibo Lesa wa bene Isilaeli. Ono nkambo, ndaseenga ayi mutambule cipo kuswa kuli ndime nemusebenshi wanu.”

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Jelemiya 40:5

Ono kaantana kusanduluka ayi nooya, Nebusaladani wakeelikaawo ayi, “Boolela kuli Gedaliya mwanaakwe Aikamu, mwishikulu wakwe Shafani. Gedaliya uyo wakasalwa kumwaami wa bene Babiloni kuba mweendeleshi wa mandabala a muJuda. Koya ukekalaakwe pakati ka bantu uko nabi kuya kumwi kuli koonse nkoosuni.” Lyalo wakampa cipo, shakulya akundeka ayi nooya.

Boomboloshi 19:21

Aboobo wakabatola kuŋanda yakwe akusanina mbongolo shabo. Abalo beensu bakasamba kumyeendo, lyalo wakabapa cakulya.

Boomboloshi 13:15

Mpomunyaawo Manowa wakaambila munjelo wa Mwaami Lesa ayi, “Sa inga tamutulindiliiko tumutelekele mwanaampongo?”

Matalikilo 18:5

Ntooletaawo atwakulya tweshi tumupeeko nkusu shakutolelela lweendo lwanu. Mwampa bulemu kwisa paŋanda yangu, ono amuleke mutebete.” Mpeeke bakakumbula ayi, “Twalumba, amucite mbomwaamba.”

1 Baami 14:3

Umutolele shinkwa likumi, ashinkwa ubotu wamise alimwi akangomo ka buuci. Umwiipushe ceshi cikacitike kumwaneesu, ulaakukulwiita.”