1 Baami 13:11 - Baibo Busansulushi Bwa Libuku Ili

¹¹ Paciindi ico kwakalinga mulaluki mucembele wakalinga kwikala muBetelo. Bana bakwe bakesa bamulwiita cakacita mulaluki wa kuBetelo mucishi ca Juda bushiku bweenka ubo alimwi ancaakaambila mwaami Jeloboamu.

1 Baami 13:11 Referans Kwoze

2 Baami 23:18

Mpomunyaawo Josiya wakabalwiita ayi, “Mutacicaati, amucileekebo. Mafuwa akwe taaelete kuseneshekwa.” Lyalo mafuwa akwe tabakwe kwaakushaamo nabi kukusha a mulaluki uyo wakalinga waswa kuSamaliya.

2 Pita 2:16

Lakwe wakakalalilwa ceebo ca shibiibi shakwe. Mbongolo ngumunyama utaambi, sombi yakaamba bweenka mbuli muntu akukasha mulaluki uyu kucita shabuluya.

1 Timoti 3:5

Ceebo na muntu taaendeleshi kabotu bamuŋanda yakwe, ino inga weendelesha buyani coonde cakwe Lesa?

Mateyo 7:22

Pabushiku ubo bwakoombolosha, bantu baanji balaakuŋambila ayi, ‘Nkambo, Nkambo, sa tatukwe kushimikila akukusha bashikaswa, alimwi akucita shaankamiko muliina lyanu?’

Esekelo 13:16

Ncakwiila balaakuloba balaluki bene Isilaeli abo bakaambila bene Jelusalemu ayi, ‘Kuli luumuno,’ kakuli taaku luumuno. Nebo neMwaami Lesa Shinkusu shoonse ndaamba.”

Esekelo 13:2

“Webo omuntu, Laluka mapensho pabalaluki bene Isilaeli abo balaluka sha mumitwi yabo beene. Ubaambile ayi, ‘Amunyumfwe maswi a Mwaami Lesa.’ ”

1 Baami 13:25

Bamwi bantu bakalinga kwiinda munshila umo bakabona mubili wakwe ankalamu kaiimfwi pafwaafwi. Bantu abo bakaya kuBetelo akuluula ncebakabona.

1 Samwelo 10:11

Mpeeke bantu bakalinga kumwishi lyoonse ndibakamubona kaacita boobo bakeepushanya ayi, “Ino nciinshi cacitika kumwanaakwe Kishi? Sa Saulo alakwe waba mulaluki?”

Shakubelenga 24:2

akubona bene Isilaeli kabayakite mukowa amukowa. Mpeeke Mushimu wakwe Lesa wakamutanjilila,

1 Baami 13:10

Aboobo taakwe kwiinda nshila yeenka njaakaleta, sombi wakeenda imbi.

1 Baami 13:12

Mulaluki mucembele uyo wakabeepusha ayi, “Njili nshila njaatola ndyaalinga kuya?” Bakamulwiita nshila iyo.