1 Baami 11:7 - Baibo Busansulushi Bwa Libuku Ili

⁷ Pakalundu, kwicwe lya Jelusalemu wakayaka musena wakulambililawo Kemoshi lesa wa bene Moabu ulensha bunya amusena wakulambililawo Moleki lesa wa bene Amoni ulensha bunya.

1 Baami 11:7 Referans Kwoze

Shakubelenga 21:29

Mapensho kuli ndimwe nobene Moabu! Mwebo nomulambila Kemoshi mwanyonyoolwa! Lesa wanu ulalengesha basankwa banu kulobokela kushishi shimwi, abalo banakashi Sioni mwaami wa bene Amoli wakabacata.

Boomboloshi 11:24

Koshiite acishi ico cakakupa Kemoshi lesa wako. Aswebo tunanooshiite aceeco cakatupa Mwaami Lesa, Lesa wesu.

Milimo ya Batumwi 7:43

Mwakalinga kunyamuna lesa wanu Moleki mutente alimwi anyenyeenshi ya lesa wanu Lefani. Isho shakalinga shibumbwabumbwa nshemwakapanga ayi munoolambila. Paceebo ceeco, ndaakumutandila kulaale kwiindilila kucishi ca Babiloni.’

Milimo ya Batumwi 1:12

Lyalo batumwi bakaboolela kuJelusalemu kuswa kuKalundu ka Olifi, apo pakalingabo mushinso ufwaafwi.

Milimo ya Batumwi 1:9

Ndyaakamana kwaamba boobo, wakatolwa kwiculu boonse kabamubwene. Mpeeke likumbi lyakamufwekelesha bacileka akumubona.

Mateyo 26:30

Ndibakamana kwiimba lwiimbo lwakulumbaisha Lesa, bakaya kuKalundu ka Olifi.

Sekaliya 14:4

Pabushiku bweenka ubo Mwaami Lesa ulaakwiimikana paKalundu ka Olifi ako kalangene andabala ya Jelusalemu kulubasu lwa kwicwe. Lyalo kalundu ako kalaakubanishikwamo tobilo kuswa kwicwe kuya kumbo akupanga cinyika cinene. Musa wa kalundu ako kalaakusena kulubasu lwa kumatwa alimwi musa umwi kumalenge.

Danyelo 12:11

“Kuswa paciindi ico kubenga milambu ya bushiku abushiku yaakukashikwa kushikila paciindi Cintu cilya Ciloondesha ndyeshi cikeemikwe, palaakwiinda nshiku shili 1,290

Danyelo 11:31

Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.

Esekelo 18:12

Ulalyatilila bakandu abaabo bataaku mbobabete. Ulacita bupambi alimwi taapilushi cintu ncaakacatila shinkongole. Ulalambila shibumbwabumbwa akucita shintu shilensha bunya.

Jelemiya 48:13

Lyalo bene Moabu balaakulisenda kuli Kemoshi lesa wabo bweenka mbuli bene Isilaeli mbobakalisenda ndibakalinga kucinkite manungo muli Betelo.

Isaya 44:19

Ncakwiila shikubesa shibumbwabumbwa taaciteewo kalango nabi maano a kwishiba ayi misampi imwi ndakakunkisha mulilo. Pamakalangasha ndakapangilawo shinkwa akuyokelawo nyama ndalya. Misampi imwi yoonse yakacaala ndakeebesesha cibumbwabumbwa. Ono mbulya ntoofukamina cipansha ca cisamu!

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

2 Baami 23:10

Mwaami Josiya wakanyonyoola musena wakulambililaako wa kuTofeti muCinyika ca Inomu kwaamba ayi taaku muntu weenga wabenga mwanaakwe musankwa nabi mwanakashi ayi ngumulambu wakutenta kuli Moleki.

2 Samwelo 15:30

Defedi wakatolelela lweendo lwakwe akutanta Kalundu ka Olifi kaaya cilila buumpute. Paciindi ico wakalinga kulifwekete kumutwi alimwi kaali myeendobo. Abalo bamwi boonse bakalifweka kumitwi yabo akunooya cilila buumpute pakutanta kalundu ako.

Dutolonomi 27:15

‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’

Dutolonomi 13:14

mulyeelete kunyumfwishisha kabotu. Na mwacana ayi ncakwiila bubi bwa mushobo uyu bwacitika,

Shakubelenga 33:52

mulyeelete kutandaanyamo bantu boonse bekala mucishi ico. Munyonyoole shibumbwabumbwa shabo sha mabwe asha sheela alimwi amisena yabo njebalambililaamo.

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Matalikilo 33:2

Lyalo wakatanjishaako bakasuwa bakwe abana babo, pesule lyabo wakabika Leya abana bakwe, kwisule lyabo wakabika Lakelo aJosefu.

1 Baami 11:5

Wakalinga kulambila Ashitaloti lesa mwanakashi wa bene Sidoni alimwi aMoleki lesa wa bene Amoni ulensha bunya.

1 Baami 11:6

Wakabisha kuli Lesa alimwi taakalinga kushomeka kuli nguwe cakumaninina mbuli bwakalinga Defedi ishi.

1 Baami 11:8

Kuswawaawo wakayaka misena yakulambililaako ya patulundu uko bamakaakwe baswamashi boonse nkobakalinga kutentela tununkila kabotu akupa milambu kubalesa babo.

1 Baami 15:12

Wakatandaanya basankwa bakalinga kucitana bufuule kushipaililo bakunsengwe kuswa mucishi cakwe. Wakalobya ashibumbwabumbwa isho abo mbwaakapyana nshebakalinga babumba.

2 Makani 21:11

Wakayaka misena yakulambililaako ya patulundu mucishi ca tulundu ca Juda akulengesha bene Juda abene Jelusalemu kubisha pameenso a Mwaami Lesa.

Jelemiya 32:31

Bantu bamundabala inene ino bakasonkomona bukali bwangu akunkalasha kuswabo bushiku mbobakeeyaka. Aboobo ndipingite kwiinyonyoola

Jelemiya 32:35

Bakayakila Baali shipaililo muCinyika ca Inomu pakunootentela lesa Moleki bana babo basankwa abanakashi. Ico ncintu nceentakwe kubaambila nabi kuciyeeyaawo kwaamba ayi inga bacita cintu cilensha bunya ca mushobo uyo akulengesha bene Juda kubisha.”

Jelemiya 48:46

Mapensho kuli ndimwe nobene Moabu! Bantu abo bakalinga kulambila Kemoshi bamana kunyonyoolwa. Abalo bana banu basankwa abanakashi batolwa busha.

Mika 1:5

Shoonse ishi shitoocitika ceebo cakubisha kwa bamulunyungu lwakwe Jakobo, nkokwaamba ayi shibiibi sha bene Isilaeli. Ino ngani wakalengesha bamulunyungu lwakwe Jakobo kubisha? Sa te nindabala inene ya Samaliya? Ino ngani wakalengesha bene Juda kulambila shibumbwabumbwa? Sa te nindabala inene ya Jelusalemu?