1 Baami 11:4 - Baibo Busansulushi Bwa Libuku Ili

⁴ Paciindi ndyaakacembela bakamulengesha kulambila balesa beensu. Taakalinga kulemeka Mwaami Lesa, Lesa wakwe mbuli bwakalinga kucita Defedi ishi.

1 Baami 11:4 Referans Kwoze

1 Baami 9:4

Na ukanoonsebensela cakushomeka alimwi cakubula kampenda mubuumi bwako mbuli iso Defedi, alimwi na ukanookonkela milawo yangu akucita shoonse nshendakwaambila,

1 Baami 8:61

Nobantu bakwe Lesa, amushomeke kuMwaami Lesa lyoonse akukonkela milawo amilasho yakwe yoonse, mbuli mbomucita bulya.”

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

1 Baami 11:6

Wakabisha kuli Lesa alimwi taakalinga kushomeka kuli nguwe cakumaninina mbuli bwakalinga Defedi ishi.

2 Makani 34:2

Josiya wakacita shiluleme pameenso a Mwaami Lesa mukukonkela shoonse isho shakalinga kucita Defedi mushali wakwe mukulukulu. Wakalinga kukonkela milawo yoonse yakwe Lesa cakutapusa.

2 Makani 17:3

Mwaami Lesa wakapa coolwe Jeoshafati mukwiinga wakakonkela nshila shitaanshi sha baishi. Taakalinga kulambila Baali.

1 Baami 11:2

Wakabeeba nakubi kwaamba ayi Mwaami Lesa wakakasha bene Isilaeli kweebana abaswamashi kuloondesha kwaamba ayi inga balengesha bene Isilaeli kulambila balesa bamwi.

Dutolonomi 17:17

Mwaami uyo teelete kweeba banakashi baanji mukwiinga inga bamulengesha kuswa kuMwaami Lesa. Teelete kuba asilifa alimwi agolodi uunji bunene, sobwe.

2 Makani 25:2

Wakacita shintu shiluleme pameenso a Mwaami Lesa, sombi taakalinga kushicita camoyo woonse.

1 Makani 29:19

Amupe Solomoni mwanaangu moyo wakulyaaba kuli ndimwe cakumaninina kwaamba ayi anookonkela milawo amilasho yanu yoonse akuyaka Ŋanda yanu iyo njendabambila kale shintu shoonse.”

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

1 Baami 15:14

Nacibi kwaamba ayi Asa taakwe kunyonyoola misena yoonse yakulambililaako ya patulundu, wakalinga kushomeka kuMwaami Lesa mubuumi bwakwe boonse.

1 Baami 15:3

Abija wakacita shibiibi sheenka baishi nshebakacita. Taakalinga kushomeka cakumaninina kuMwaami Lesa, Lesa wakwe mbuli bwakalinga kucita Defedi mushali wakwe mukulukulu.

1 Baami 14:21

Leoboamu mwanaakwe Solomoni wakalinga kucite myaaka makumi one amwaaka womwi ndyaakaba mwaami wa cishi ca Juda. Wakalela kwamyaaka ili likumi ayosanwe alimwi ayobilo muJelusalemu, musena uyo Mwaami Lesa ngwaakasala mucishi ca Isilaeli coonse ayi anoolambililwaako. Banyina Leoboamu bakalinga ba Naama bakaswa kuAmoni.

1 Baami 11:42

Wakalinga mwaami muJelusalemu wa cishi coonse ca bene Isilaeli kwamyaaka ili makumi one.

1 Baami 11:38

Na ukanoonyumfwila camoyo woonse akukonkela milawo yangu alimwi akunsangalasha mukucita kweelana amilasho yangu bweenka bwaakacita Defedi musebenshi wangu, ndaakuba awebo kwalyoonse. Ndaakukupa bwaami bwa bene Isilaeli akulengesha bamulunyungu lwako kupyana bwaami bwako bweenka mbondakacita pali Defedi.

1 Baami 9:10

Solomoni cakamutolela myaaka makumi obilo kuyaka Ŋanda yakwe Lesa alimwi aŋanda yakwe ya bwaami.

1 Baami 6:1

Ndipakeenda myaaka ili 480, bene Isilaeli ndibakaswa kuIjipiti, mumwaaka wane Solomoni kaalela cishi ca Isilaeli mumweenshi wabili wiitwa ayi Sifu, Solomoni wakatalika kuyaka Ŋanda yakwe Lesa.

Dutolonomi 7:4

Mukwiinga inga batanjilila bana banu kuswa kuMwaami Lesa, Lesa wanu kwaamba ayi balambile balesa bamwi. Na ico cikacitike mulaakukalasha Mwaami Lesa. Paceebo ceeco ulaakumunyonyoola noonse cakufwambaana.

1 Baami 3:3

Solomoni wakalinga kumusuni Mwaami Lesa alimwi wakakonkela kwiisha kwa baishi baDefedi. Sombi alakwe wakalinga kubenga milambu akutenta tununkila kabotu pashipaililo shipusenepusene.

1 Baami 11:9

Mwaami Lesa wakakalalila Solomoni mukwiinga moyo wakwe wakaswaako kuMwaami Lesa, Lesa wa bene Isilaeli uyo wakaboneka kuli nguwe mankanda obilo.

Kulonga 20:3

“Utalambili Lesa aumwi, sombibo ndime.

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.