Matiu 4:12 - Godido Vua Maeje

¹² Ijiege rena rade Jesu fu fieke Joni bune dabe dibure nujaeva fiena fune una urina are Gareri ijia vae.

Matiu 4:12 Referans Kwoze

Maki 1:14

Areme bu maza be Joni dabe dibure nujakoga rade Jesu fu sakae Gareri ijia vae.

Ruki 3:20

Erodi fu ude ijiege rei ro rade fu fieke Joni fu una fuesina kuaemo fu fie. Ijadufuo fu e fuone kiamo bu Joni dabe dibure nujae. Ro Erodi vame ije fu Joni fake rema ije fuka ma isema rei.

Matiu 14:3

E Erodi fu ijiege kuariaema ijadufuo maeje fure ude kiamo bu Joni fare tona mesiri dibure nujae. Ijadufuo maeje Joni fu maza boeje kuarana kua, Vame ije a uvia one Firifido bara Erodiase a abema ije aka akae tuasemano kuamo ijadufuo fu ijiege rei.

Joni 3:24

Ro e Joni ire ije fu renoema ije bu naebe abe dibure nujaeva ijia fu ijiege renoe.

Ruki 4:14

Areme Jesu fu sakae Gareri guove ije fu una ruaema ije fuka Kavene Akae ijare dabe ninarumoga fu daro abena oenoekinu i fuone mei. Fu va sidove besubesu e Jiusibuo are bu afuina vua kuaevo ijia aruna vua nijasianoe. Fu ijiege renoenoga e boeje bu vua fuone ije fiena uri dabe aroe.

Maki 6:17

Ro Erodi ijiege fu kuaema ijadufuo maeje fu fure ude kiamo bu Joni fare tona mesiri dibure nujae. Ijadufuo maeje fu uvia fuone Firifido bara Erodiase abeno Joni fu kua, Aka isema remano kuamoga fu ijadufuo dabe dibure nujae. Fu kua, Vame ije a una uvia one ijadufuo bara ije abema ije aka akae tuasemano kuamo ijadufuo fu ijiege rei.

Joni 4:54

Jesu vame sumiki inokiro ije fu rema ije fu Judia oenoena areme una Gareri ruaema ijia fu ijiege rei.

Joni 4:43

Ijiege rena mu inokiro furinoga Jesu fune una urina gafia Gareri vae.

Ruki 4:31

Areme Jesu fune vakuma are Kafoniamu aesakae Gareri guove ijia keke. Fu ijia kekena maza ije bu mauike karina Godido baname isoevo ijia va e Jiusibuo are bu afuivo ijia aruna e boeje vua nijasiae.

Matiu 11:2

Fu ijiege renoekoga Joni fu dibure ijia fina Kuraesi irere fu renoeno ije fie. Ijadufuo fune uri e vua fuone fievo gue kiamo bu Jesu kuagakuae vae.

Ruki 23:5

Faereti fu ijiege kuariamoga e ijia ireva buka una kukuma darokuma kume, Funeka fure e boeje kaenamiana kame una vierafe fuone ijia nijasiakoke buka oe binobino vierafekinu naebe ma karive. Ro kuke vua fuone fu nijasiamo ije funeka sakae Judia guove ijia ireobo reme. Fune fure Gareri ijia zinuevena ruoma iviama fune igia ruaemano kumei.

Joni 1:43

Areme nituame Jesu fune are Gareri ijia vakiro vierafenoeno ijia fu e Firifi bie. Fu biena kuae, Urina na nuvedieno kuae.

Joni 2:11

Jesu ire sumiki ije fu zinuevena remoga e boeje bu gaeva ije fu are Keina sakae Gareri guove ijia rei. Fu are ijia vame fuone sanaema ije remoga e boeje bu gae. Ro e vua fuone fievo boeje bu ijia gana uri fu ma vierafei.