Josua 5:14 - Godido Vua Maeje

¹⁴ Fu ijiege kuamoga e ije fu kuae, Na e ani ijiebuo ruaeva baki ro na E Ireobo ijadufuo e bijaevo ijiebuo e nigofo rekiro ruaevano kuae. Fu ijiege kuaramoga Josua fuka uri fu aguaena tua uimutumutu sakae ijia dijei. Areme fu uri e ije kuae, Nana E Ireobo ijadufuo imevo. Ro E Ireobo ije fu vua irere noefuo a kuaraemano kuae?

Josua 5:14 Referans Kwoze

Iko Zinume 17:3

Areme Aburame fu vua ije fiemo fuka ma ireobo oeserei ijadufuo fu uri Godi aroena tuana nikubae fuone ijia dijei. Fu ijia dijemoga Godi fu kua, Ivia na osiki vua ige kuaena abe mareke. Nare kuaedo a e uruvana aesakae binobino ijia kariva ijiebuo asae reke.

Ruki 20:42

Ijadufuo maeje fune Devidi korofuo buki Sami ijia isoena kuae, Godi E Ireobo ijare uri E Ireobo none kuae. Ani ro umui maeneke none igia E Ireobo rena fine. A ijia fike na e ani one bu aena nigaraevo ije kena una dia tare one ijadufuo rotire ijia uniano kuae.

Revaresoni 12:7

Ro anera ugaeki Maekero fu anera fuone ijena ire duregoni ijiakiro anera fuone ijena ka ireobo saove ijia bijae.

Joni 20:28

Fu ijiege kuaramoga Tomasi fu una kuae, E Ireobo na vierafega aeje aka ma E Ireobo none ro kuke a ma Godi noneno kuae.

Matiu 8:2

Bu ijiege nuve vako ijia e be adame tatie igeki bu kua reforasino kuavo ije abema ijare kekena Jesu vako ijia ruae. Fu keke augesana kuae, E Ireobo a oemarekuma ni vajae none ige amaerijiega na una madieno kuae.

Iburu 2:10

Ro Godi e ije fu ire boeje amaeriana samuagiamo ije fune mukoreigia rena Jesu kuamo fu isejavaena barone areme una urima ijadufuo fuka maturae. Jesu fu ijiege rema ijia fune e uruvana kaenamiamo bu una Godido anafa reva ijia bu vame ma karivako ije abei.

Firifiani 3:8

Ijadufuo iviama vame binobino ro ire boeje na ude kenoeva ije naneka totei. Ijadufuo maeje na vierafe naka Jesu Kuraesi E Ireobo none ije mukoreigia gana vierafeke. Ijadufuo na fuefuo ire boeje na ude vierafena renoeva ije naneka ire muture igege ijuegafiae. Na vierafe na ijiege rekina naka Kuraesi abekiro na ijadufuo ijiege rei.

Ekisi 9:6

Ijadufuo ni urina are Damasikasi ijia vaga e be ijia fino fu irere a redufuo ijene kuarano kumei.

Ruki 1:43

Ro kuke irerefuo E Ireobo fu ire sumiki ige remoga asie fuone ije a na giekiro ruae.

Una Kaenamiae 4:10

E Ireobo fu ijiege kuaramoga Mosisi fu una kuae, Ro na vua kuaevo ije fuka totiekinu ro itire none fuka irufuinamimiemo. Na isuibe nane ijiege rena ruovo ijadufuo iviama a kuariemo ije na vierafe na uria ijiege rekono kuae.

Iko Zinume 17:17

Godi fu ijiege kuaramoga Eburame fu vua ije fiemo fuka ireobo oeseremo fu tuana ume ijia dije. Fu ume ijia nana kikinu fue kuaemo, Eove fu juaevasia uvani aderedi (100) furima ije fu izege ame nafedufuo? Ro kuke Sera fune ma barasire ro juaevasia fuone ije fune naeniti (90) furima ije fu izege ame nafekono kuae.

Ruki 5:12

Maza be Jesu fu sidove be ijia fino ijia e be adame katire bu kua reforasino kuavo ije abema ijare kekena Jesu gakiro ruae. Fu keke Jesu fino ijia tua sakaedo ijia dijena uri Jesu soesoena kuae, E Ireobo a vierafe a oemarekuma ni vajae none ige amaerijiega fu una maradieno kuae.

Una Kaenamiae 4:13

Rove Mosisi fu una E Ireobo kuae, A isekie nika ebe kuaga fure vano kuae.

Nabasi 22:31

Areme E Ireobo fune ijia uri Beramedo ni ije ke kuderiamoga fu ijia anera ije fu sime farena vame ijia manino ijene gae. Fu ije ga areme uri fu manino ijia auge sana tua uimutumutu sakaedo ijia dije.

Josua 20:1

(-)