Josua 2:19 - Godido Vua Maeje

¹⁹ Ro erare fu are one ije arena keke vame ijia oenoeno bu kanakuva ije funeka korufuo irufui abeke. Ro agane one boeje bu uria are one ijia kariva ijia e bu kaniakuva irufui ije nore abeke.

Josua 2:19 Referans Kwoze

Ekisi 27:31

Bu ijiege revoga Foru fu urina e Romuko e ireobo ijiakiro e azo kevo fuone ije kiae, E gure sisime abe ruovo ije bu sisime ige arena subinae vakuva jaeje janeka oekono kiae.

Ekisi 18:6

Rove buka uri fu ijuonena vua ise kuaravoga fu uri ugone fuone kuokuo ije nidua buone ijia kananae. Fu kanakanakinu kiae, Ja oenoene maza rade irufui bino biediakuva ije na nare isema reva baki. Ro jane kojo revo ijadufuo ja ije vierafedufuo. Na Godido vua maeje nane kuariae rove ja naebe fie. Ijadufuo ivia nane urina una e Jiusi baki ije nijasiake vakono kiae.

Una Kaenamiae 12:23

Ja ijiege reke E Ireobo fu ijia oenoekinu e Ijifitiko ije kaniamo fu viene jone ijia fanu kavuane ije gakuma are jone fu asidiake. Ro fube anera fuone fu e kaniaga bu oevo ije kuaga fu are jone ijia aruna ame fari amure jone ije kaniaga bu oeke.

Una Kaenamiae 12:13

Ro jaeje fanuve kavuane ja kena are ja karivo viene guegue ro ado ijia aziva ijare nuga igege ijia namo ijadufuo na ijia gake. Na kavuane ije gakuva nabe ja kaniakiro na asidiana e Ijifiko ijiaru isekafiake.

Iburu 10:29

Ijadufuo vame besu ijiege eranebe bu Jesu Godido Fari ije abe buzeivo ije Godi fuka kame vame ise ijia isekafiake. Ro kuke eranebe bu Jesudo kavuane ije fu e ijiebuo ise ije sokiro usiaena vame iviaeko ije abena marema ije dabe una ire omise igege vierafevo ije Godire kame isekafiake. Ro kuke fu e ije bu Kavene Akae ije fu ma rejiamo ijadufuo vua ise kuaevo ije Godi fuka kame vame ma ise ijia isekafiaga bu ireobo isejavaedufuo.

Firifiani 3:9

Ro kuke na vierafe naka fuosiki besu reke. Ro iviama na maturaeva ije na akae isuiko ije mukoreigia iriniaeva ijadufuo na maturaeva baki. Ro fune Godire none izege na Jesu Kuraesi ma vierafevo ijia fu na mesirina na nidua fuone ijia maturae.

Ekisi 20:26

Ijadufuo na ige kuariako fiefo. Na vua boeje Godi fu vierafe na ja kuariadfuo ije nane kuariae. Ro ja Godi ijuonekuva ije na nare isema reva baki.

Matiu 24:17

Ro e ije fu are fuone ado ijia ajia fino ije fude una arina are guove ijia sinuome fuone karidufuo.

Josua 2:14

Areme e inokiro ije bune uri kuae, A no ifejuona karaunuokuma nodua no ja karauniake. Ijadufuo a no ruaeva ije a naebe e bino kuariakuma no vua irere no kuaraeva ije nobe toteke. Ro E Ireobo fu aesakae ige abe muokuma no akina agane one boeje karauniakono kuae.

Josua 2:12

Ijadufuo ja isekie nika E Ireobo jone ijadufuo ive ijia kurana kieko ja agane none ijena jabe kanuokiro ja karaunuokono kiega na fiefo. Ijadufuo maeje maza ije ja ruaeva ije naka ja marejiae. Ijadufuo na vierafe jaka nuga be nijasiega na ijia gadufuo. Na ijia gana vierafero maza ije ja are ige tuguakuae ruovo ije ja orafa none ijiakina makirafa ro uviarafa ro anafa buone boeje ja karaunuokiro na ijiege vierafeno kiae.

Josua 2:20

A irere ige no renoevo ije e bino kuariakuma no vua ige a kuomoga no kua no rekono kuaeva ije nobe rekono kuae.

Una Kaenamiae 12:22

Ro ja ikuva nine ine kia iseke isofino kuavo ijia abe fanu kavuane ja kena disi ijia veseva ijia abiena abe viene guegue ro ado ijia azifo. Ro e jone besukua be fube are fuone ije arena keke vakiro buka are ijia karike fu vakuma ve irasefo.