Iburu 8:8 - Godido Vua Maeje

⁸ Ijadufuo maeje e Isureroko bu vame akae isuiko ije bu irinavo baki ro buka ijuonevo. Ijadufuo fu vua be buefuo ijiege kuae, E Ireobo ije fu kuae, Igia fiefo, na maza ije na e Isurerokiro e Judiako ijena akae iviaeko na nijadufuo ije fu uria ruome.

Iburu 8:8 Referans Kwoze

Iburu 12:24

Ro kuke jane Jesu e ije fu Godi guere ro ema guereva ririkua ijia manino ro kuke fu kavuane fuone kurosi ijia usiaena vame iviaeko amaerima ije fu fino ijia ruae. Ro Kuraesido kavuane ije fuka e Eborodo kavuane ije fu sakae ijia usiaema ije ma asi. Ijadufuo kavuane fuone ijare e boeje ijiebuo ise ije giana aremo.

Iburu 9:15

Ijadufuo Kuraesi fu baronema ije fu e ije bu Godido akae ije tuasena ise revo ije karauniakiro fu ijadufuo kavuane fuone usiae. Ijadufuo fure vame iviaeko amaerido e ije Godi fu kumema ije bu vame ma karivako ije fu miakono kiaema ije abeke.

2 Koriniti 3:6

Ro kuke fune fure no ifejuoko no vame iviaeko ije Godi fu e karauniamo no ijene nijasiave. Ro vame isuiko Mosisido akae ije irinana nuvevo ije fu e karauniamo baki. Ro fuka e kaenamiaga bu vame ije bu oena baromuna vako ijia vake. Ro vame iviaeko ije maza boeje ijia ma karivako ije fu Kavene Akae ijare kena vajuomo.

1 Koriniti 11:25

Fu ijiege rei areme fu una kuke urina kafusi ije do vuaeni veseva ijene abei. Areme fu kiae, Do vuaeni ige kafusi igia nafuema ije fu kavuane none ijieki. Ro kavuane none fuka ma darokido fu ise jone boeje sojiaga ja una Godina besu mazieke. Ijadufuo ja oenoene una besu afuina do vuaeni ijene ikuva ni izege na joefuo baroneva ije vierafefo.

Ruki 22:20

Areme fune kuke una kafusi ije do vuaeni usiaeva ije abe miakinu kiae, Vuaeni ige fu vame iviaeko ije Godi fu joefuo amaeridufuo ijadufuo nuga ijene. Ijadufuo na baronena kavuane none ije na joefuo usiaevo ijia ja vierafero nare vame jone amaerivo ja una Godina besu revaro ja ijiege vierafeke.

Maki 14:24

Ire ije fu kavuane none igeki. Godi fu rade kavuane none ije fu korosi ijia usiaemo ijare abena vame iviaeko ije fu e boeje ijiebuo ise ije fu giana areko kuaema ijene amaerina e ijiebuo ise ije sojiadufuo.

Ruki 17:22

Areme Jesu fune una kuke e vua fuone fievo ije kiae, Ja maza rade jaka karina mazani ije Ema ijiebuo Fari ige na una ruadufuo ije gakuae ijafuneke. Rove e boeje ja mazani ije fu rega ja gakuva baki.

Iburu 7:22

Godi fu vame ijiege rema ijia fune Jesu abena vame iviaeko mukore nuvuefuo amaeri.

Iburu 8:6

Ro Kuraesi fu i fuone zinone ifaejemo ije fu iviama abema ije fuka ma anuigi. Ijadufuo fune i ijare e ije bu ume igia zinone ifaejevo ije ma asidiae. Ro kuke fune vame iviaeko ije Jesu fu amaerima ijare vame isuiko akae ije fuka ma asi. Fu maza ije fu no kuo vame iviaeko ije nuveno kuema ijia fune ire maeje fu nuvuefuo redufuo ije kuarue.

Iburu 8:13

Ro maza ije Godi fu e boeje vame iviaeko amaerikiro kuariaema ijia akae isuiko ije fune abe biona nijaedo fu rade bakiredufuo.

Ruki 5:38

Ijadufuo vuaeni iviaeko ije buka kena una kamui iviaeko ijia usiaeke.