Iburu 6:11 - Godido Vua Maeje

¹¹ Ijadufuo no vierafe e besubesu jaka giriesana ijiege renoeke. Jaka maza boeje ijiege urukeigia renoekina ja maza rade irere ja oe vafaena samuavo ije kedufuo.

Iburu 6:11 Referans Kwoze

Iburu 3:6

Ro una Kuraesi fuje fu ma Godido Fari. Ijadufuo fu ma vierafena Godido i ije mukoreigia oe vafaena ame fari ije fu agane fuone samuagiamo ijiege e fuone samuagiame. Ro no mukoreigia Kuraesido vua irere no fiena ma vierafeva ije giriesa farena oemarekinu Godi irere fu nuvuefuo rekuveno ije samuakuva ije noeje none Godido agane ijena besu reve.

2 Fita 1:10

Ijadufuo erafano nika giriesana Godido vame maeje na kuariavo ije mukoreigia vierafekinu ijia mimatana kenoefo. Ja ijiege kenoega e bu ijia gia areme vierafero jaeje ja e bino Godire kumena karauniamoro bu ijiege vierafeke. Ro ja maza boeje ijiege renoekuva jabe mamoena una ise bino renoeke. Ro rade ja oekuva E Ireobo Jesu Kuraesi e ije fu e boeje karauniamo ije fu ja oemarekinu anadiana kaenamiaga ja are fuone maeje fu samuamo ijia maza boeje karivake.

Iburu 3:14

Ro no vua amure no fieva ije mukoreigia vierafena abe gikikimana fare vakuva maza rade no Kuraesido sanaema ije akaegue abeke.

Revaresoni 2:26

Ro erare fu mukoreigia Setanido vame ise fu biesirimo ijia naebe mamoe ro fuka giriesana asidiana vame maeje none na vierafeva ijiaru kena vakuma na una ruakuva ijia na ja daro ije Asoe none fu miema ni besu ije miaga ja aesakae boege samuadufuo.

1 Joni 3:14

No kairafa nuvuone ijena oetuanamivo ijadufuo no vierafega no vame ise ije bu no kaenamuo baromuna vako ije none arena una vame ma kari vako ijia ruae. Ro erare fu naebe kairafa fuone ije mukoreigia oetuamo ije fuje fu uria vame baromuna vako ijia vake.

2 Fita 3:14

Ro kuke kairafano jaeje jaka uria maza ije fu una ruadufuo ije samuave. Ijadufuo nika giriesana vame maeje Godi fu oemaedufuo ijiaru renoefo. Ja ijiege renoekuva ja maza ije ja Godido nidua ijia irevo ije jaka iriaebaki maturae ro dazena iredufuo.

1 Fita 1:21

Ijadufuo iviama jane Godi mukoreigia vierafe ijadufuo maeje Kuraesire vame jone maeje amaeri. Kuraesi fu baronemoga Godire kenujamo fu una urimoga fu dabe aroena nidoe. Ijadufuo iviama oe jone boeje jaka Godi fu rade una ro ifejiadufuo ja ije ma vierafekinu karinoeve.

2 Tesaroniasi 3:13

Ro kairafa none eranebe ja naena Kuraesi ma vierafevo ije jane vame ma ijia kenoejo ijadufuo jade arevo.

Romeni 15:13

Ijadufuo naka joefuo Godido baname isoega fu ifejiaga ja jone ma vierafevo ijia jaka oemarekinu kafaena karivake. Ro kuke fu Kavene Akae ijadufuo daro ijia ifejiaga ja maza boeje ma vierafena kari vake.

1 Tesaroniasi 4:10

Ijadufuo ja e kairafa jone gue Jesu ma vierafevo are Mesedonia ijia kariva ije jane ijiege oetuave. Ro iviama no una kuke kia nine maza boeje ijiege kairafana oetuanamikinu karinoefo.

1 Tesaroniasi 1:5

Ro Godido vua maeje no abe kuariaeva ije nome vua ijiaru kuariaeva baki. Ro noka Godido Kavene Akae ijare daro muomoga noka vua ijene darokuma kuariamoga ja fiena ma vierafei. Ro jane vierafe izege no jaena ijia karinoekinu irere no renoeva ije no jone ma ijadufuo ijiege renoe.

Korosiani 1:5

Ja amure Godido vua maeje fu jone vuaema ijia jane ire maeje Godi fu jone redufuo ije jane fieva ijadufuo jaka ma vierafe. Ja ire ije Godi fu saove ijia joefuo kanafuina samuamo jane fie. Ijadufuo jaka Godi ma vierafekinu oetuave.

Firifiani 3:15

Ijadufuo na vierafega e ije ja Godido Kavene ijia e damuiki reva ije jaka vame na renoejo jadua ja ijiege renoeke. Ro e gue eranebe ja una vame ni be kekuae vierafevo ije fu Godire korufuo ifejiaga ja vame maeje vierafedufuo.

Garesiani 6:9

Ijadufuo nobe vame maeje no kenoejo ijia aemueva igege kenoedufuo. Ijadufuo maeje no naebe arekuva no maza ije Godi fu nijaema ijia ire maeje gue kedufuo.

1 Koriniti 15:58

Ijadufuo erafano ja isekie nika giriesana kevafo. Ro jade mamoega e gue bu vame binobino ijia jone izege ja ma vierafevo ije kame iserejiavo. Ro nika E Ireobo ijadufuo i ijene maza boeje mena ifenana vafo. Ijadufuo maeje jane vierafe ire binobino ja fuefuo renoejo ije jame aemasane abena renoejo baki.

1 Koriniti 13:13

Ijadufuo iviama ige Godi fu vierafe noka ire inokubeke ije uria giriesana revadufuo. Amure ije fu vierafe noka fu ma vierafena ifenake. Ro ire be ije fu vierafe noka ire maeje Godi fu nuvuefuo saove gufia reko kuema ije oe vafaena samuakinu karidufuo. Ro ura be ije fu vierafe noka nuvuone mukoreigia oetuanamidufuo. Ro ire inokubeke ijia ire ije ka ma anuigi no abe ni veri vadufuo ijeja noka nuvuone mukoreigia oetuanamidufuo.

Matiu 24:13

Rove e ije erare fu fuone ma vierafemo ijia fuka uria giriesana vakuma ubine ijia kekemo ije Godire e ije kenujake.

1 Joni 3:19

No kairafa nuvuone ijene ijiege mukoreigia ifejiakinu oetuakuva na vierafe none Jesu Kuraesido makae ije nuvena kenoeve. Ro kuke no Godido nidua ijia oemarekinu oenoeke ro nobe fu gana jumeke.

Korosiani 2:2

Na i gikikimana ije na ijiege rekina ja kavene jone ijia daro abeke. Ja daro abena uri jone oetuanamikinuro Godido vua sauiki ije mukoreigia vierafeke. Ro vua sauiki ijeja Kuraesi Fari fuone ijene. Ro igia fie, Godido vierafe maeje fu mukoreigia vierafena remo ije no Kuraesido duvado ijia giadufuo.

Korosiani 1:23

Ijadufuo nika giriesa ijuoebaki rena darokuma Godi besu ije ma vierafefo. Ro jade mamoena Godido vua maeje ja ude fieva ije arevo. Ro igia fie, na Foru nadua na Godido imena vua besu ije dabe are irore igia nijasianoeve.

Romeni 12:8

Ro fu daro muona kuoko jani e gue ejafiana kuaria bu i buone mukoreigia meno kuokuma ije noka ijiege reke. Ro eranebe fu ja daro miana kiako sinuome jone e gue ivajiano kiakuma ni oe jone ijiakuma ivajiafo. Ro eranebe fu ja daro miana kiako ni e jone samuagiano kiakuma ije nika giriesana bu mukoreigia samuagiafo. Ro kuke eranebe fu ja daro miana kiako ni e guebuo oefiane giana ifejiano kiakuma nika oemarekinu ifejiafo.

Garesiani 5:5

Ro noeje no Godido Kavene ijare daro muoko no ma vierafevo ijadufuo noka Godido nidua ijia maturaena karikuae no ijadufuo samuave.

Ruki 1:1

Eko Tiofirasi, e boeje bune giriesana ire ije fu igia nuvuone rema ije isoe.

Josua 7:3

Areme e ije bune una ro Josua kuae, Sidove ije a kuomo no vaeva ije no vaga buka e uruvana ijia kariva baki. Ijadufuo e bijaevo boeje foteke no irerefuo vakuva baki ijadufuo nime e tu tauseni (2,000) ro ba tiri tauseni (3,000) ijiaru kiaga bu va e ije kaniano kuae.