Iburu 4:7 - Godido Vua Maeje

⁷ Ijadufuo Godi fu maza be nijana vame nuvuone amaerido no aesakae ije mauike kafaena karidufuo ije fu iviama kuaemo ijia vadufuo. Ro vua ije na ude kuariaeva fune Devidire buki akae ijia ijiege isoena kuae, Ro ivia ja fiega fu ja kuariavofie jade ada girevo ro nika vua fuone irinano kuae.

Iburu 4:7 Referans Kwoze

Iburu 3:15

Ro vua na ude kuariaeva ijiege, Jade ada girekiro nika Godido vua ije irinafo. Ro jade e Isureroko bu faememarena naebe vua fuone ije irinae ro buka Godi mukoreigia ijuonena una buone vierafeva ijia kenoeva ijiege renoevo.

Matiu 22:43

Areme Jesu fu una kuke kiae, Ro ja vierafega Kavene Akae ije fu irerefuo Devidido oe ijia vierafejamo fu e ije dabe E Ireobono kuae? Ijadufuo maeje fune Devidire buki akae ijia ijiege isoe. Godi E Ireobo ijare una e ireobo none ije kuako, Ni ige umui maeneke igia fine. A ijia fike na e ani one bu aena nigaraenoejo ije kena kania areme ke dia rotire one ijia uniano kuae.

Ekisi 28:25

Ijadufuo rade bune una are buone ijia vakinu vua ije Foru fu kuariaema ije dabe bue sagukinu vae. Areme Foru fu giake e gue buka vua ije ijuonevoga fu kiae, Kavene Akae vua ije fu isuibe e Godido vua vierafena kuaemo e Asaea kuaramoga fu kuaema ije fuka ma kuae. Ro vua ije fu kuaema ije bu ijiege isoe,

Ekisi 2:31

Ijadufuo Godi fu Devidi samadukua kuaramoga fu vierafero Jesu fu una urikiro fu ijiege vierafei. Ijadufuo fu kuae, Godi fube e ije fu kua fu ari ruakono kuaema ije arega fu baromuna vake. Ro kuke vajae fuone fube arega fu mako ijia buraekono kuae.

Ruki 20:42

Ijadufuo maeje fune Devidi korofuo buki Sami ijia isoena kuae, Godi E Ireobo ijare uri E Ireobo none kuae. Ani ro umui maeneke none igia E Ireobo rena fine. A ijia fike na e ani one bu aena nigaraevo ije kena una dia tare one ijadufuo rotire ijia uniano kuae.

Maki 12:36

Ro igia fie, e Devidi fune Godido Kavene ijare oe fuone ijia vierafejamoga fu kuae, Godi E Ireobo ijare una e ireobo none ije fu kua, Ni ro umui maeneke none igia fine. A ijia fike na e ani one kena kania areme ke dia rotire one ijia uniano kuae.

Ekisi 2:29

Ijadufuo erafano, vua ige na asae nuvuone e Devidido ije samadukua kuariakuvejo fiefo. Devidi fune isuibe baronemo bune abe mako rui rove mako fuone no iviama uria gave.