Biblia Todo Logo
Bib sou entènèt

- Piblisite -




Iburu 4:3 - Godido Vua Maeje

3 Ro erarebe no Godi ma vierafevo ije nore aesakae ije mauike kafaena karidufuo ijia vadufuo. Ro Godi fune buki akae ijia e ije bu naebe fu ma vierafevo ijiebuo fu ijiege kuae, Naka ireobo zie ijadufuo na ive none ijia kuranamina vua gikikimana kuaedo bube aesakae ije na miaga bu mauike karidufuo ijia vake. Rove Godi fune iko zinume fu aesakae igiakiro saove fu amaeriaema ijia fune ire boeje amaeria furi.

Gade chapit la Kopi




Iburu 4:3
15 Referans Kwoze  

Fune Godire uria iko zinume ije fu ire bino naebe amaeriaema ijia fu Jesu e karauniadufuo ije abe nujae. Ro Kuraesi fune iviama maza radekuma igifureki joefuo romo jane gae.


Ro Kuraesi saove gufia fu vaema ije fu vajae fuone abe kukuma Godi zinone ifaejekiro vaema baki. Ro fu ijiege rebitie Jesu fume maza boeje baronekinu vadufuo. Rove fume arina kaginu vajae fuone abena zinone ifaejena e boeje ijiebuo ise ije bu renoevo ijene sojiame.


Ro Godi fu aesakae ige fu uria naebe amaerima ijia fune Jesu Kuraesido duvado ijia no kena unuemado fu vierafe noka una e fuone reke. Fu vierafe noka nidua fuone ijia e bino maturaeva ro kuke ise revo baki igege karinoeke.


Godi fu ijiege kuaekoga ire boeje bune fu kuaema ijiege rei. Godi fu ire boeje fu amaeriaema ije giamo fuka oemae. Godi fu umui fague ro dikine besu ijia fu aesakae igiakiro saove ro ire boeje amaeria furi.


Ijadufuo naka ireobo ziena ive none ijia kuranamina vua gikikimana kuariae. Na kia bube aesakae ije na miaga bu mauike karidufuo ijia vakono kiae.


Ijadufuo vua izege e Asaea e Godido vua vierafena kuaemo fu isuibe kuaema ije fune ijiakuma riarei. Ro vua fu kuaema ije bu ijiege isoe, Na e ije vua kuariakuva nabe vua ijiebuo maeje samadukua kuariakiro vua boeje naka ke mena kuariake. Na vua maeje boeje sauiki ije Godi fu iko ire boeje ige naebe amaeriaema ijia bu sauina naovo ije naka kuariana nijasiaga bu fiekono kuae.


Ijadufuo maeje na aesakae igiakiro saove gufe ro davare gamiakiro ire boeje guove ijia naovo ije E Ireobo nare mazani sigisi ijia fina amaeriae. Ro mazani seveni ije na mauike finoe. Ijadufuo mazani ije E Ireobo nare abe daro mavo fune akae rei.


Ro no vua amure no fieva ije mukoreigia vierafena abe gikikimana fare vakuva maza rade no Kuraesido sanaema ije akaegue abeke.


Areme E Ireobo nare una e maturaeva ije umui maeneke none ijia kariva ije kiake, Jaeje fune Asoe none ijare daro miae. Ijadufuo ni ro are maeje sanaema Godi fu iko zinume fu aesakae ro saove ige naebe amaerima ijia fu joefuo amaerijiaema ije abena karino kiake.


Swiv nou:

Piblisite


Piblisite