Iburu 2:3 - Godido Vua Maeje

³ Ijadufuo no Godido Fari ijadufuo vua ka ireobo ije izege fu no karaunuomo ije ijuegafakuva no izege Godi fu no ke isekafuokuveno ije uvediana usiae subikuva baki. Ro vua ije fune Jesu E Ireobo ijare korufuo abe kuariamoga e ije fieva ijiebe rade abena no kuarue.

Iburu 2:3 Referans Kwoze

Iburu 12:25

Ijadufuo mukoreigia samuanamikinu karikiro jade Godi fu kuariamo ije fiena ijuonevo. Ijadufuo maeje Mosisi fu ume igia e Isureroko ijene vua ijiege kuariamoga buka faememareva ije e bino bu naebe Godi e ije fu kena isekafiamo ijia usiae subinae vae. Ijadufuo nodua no Godi saove gufia fino vua fu kuaruomo ije naebe fiena irinakuva no izege ije fu kena isekafuokuveno ijia usiae subinae vakuva baki.

Romeni 2:3

Erafano ja e guebuo ise bu revo ije giana kiave rove jadua ja ise besu ije renoejo ijadufuo ni giana arefo. Ro ja uria faememarena ijiege renoekuva ja maza ijia Godi fu una ruomo ije ja izege subinaena sauikuva baki.

Iburu 5:9

Fu ijiege isejavaema ijia fuje fune manido fu e ije bu fu irinavo ije karauniaga bu ma karivake.

Ekisi 4:12

Ijadufuo fu e be erare ja karauniakuma bakiro fune Jesure fuosukua. Ro kuke fu e be erare ive fuone ijia e ume igia kariva ije ja karauniakuma baki ro fune Jesure fuosukuano kiae.

Iburu 4:11

Ijadufuo noka giriesaekina no Godi aesakae ije mauike karidufuo ije fu muoko kuaema ijia vake. Ro nobe e Isureroko ije bu vua fuone naebe fiekinu irinaeva ije matiana Godi ijuegafadufuo.

Iburu 1:2

Ro iviama maza ige Godi fu Fari fuone ije fu kuamo fu ume igia ruaema ijadufuo duvado ijia no vua kuarue. Ire boeje Godire Jesudo duvado ijia amaeriama areme kena vajamoga fu samuagiae.

Ruki 1:2

Ro vua ije bu isoena no kuarueva ije bu e game bu iko zinume ijia ire maeje ni buone ijia giana abe kuaruo ruaeva ijiebe isoe.

Revaresoni 7:10

Bu ijia irena uruvanaigia vijena kumevo, Noeje no Godi nuvuone fata ijia fino ijiakiro Mave-Sifi Ame ijiebe no karaunuevano kumei.

Taetasi 2:11

Ijadufuo maeje Godido ma rejiamo ije fu abe Kuraesido duvado ijia bu karauniakiro e boege are irore igia karinoeva ije samadirejiae.

1 Timoti 1:15

Ro vua ige na kuariakuvejo ije fuka ma ijadufuo noka mukoreigia fiena ma vierafedufuo. Ro vua ijeja, Jesu Kuraesi ume igia fu ari ruaema ije fu e ise revo ije karauniakiro ruae. Ro ude naeje naka e boeje asidiana ise uruvana renoe rove Godi fu naebe ijadufuo na dabe isekafie. Ro fuka una none oefiane abena ifejie. Fu ijiege ifejiekina e bu none duvado ijia Jesu Kuraesi fu izege kabuaekabuaeki e guebuo ise giana aremo ijene gakuae fu ijiege rei. Ijadufuo e bu ijia giena vierafero budua bu ijiege Godi ma vierafekuva bu vame ma karivako ijene abekiro bu ijiege vierafeke.

Matiu 23:33

Jesu fu ijiege kuaria areme una kiae, E gure ka tabare igeki gurie. Ja miane ije fu naena sakiakuveno ije ja izege usiae subinae vakuva baki.

Iburu 4:1

Ijadufuo noka are ije Godi fu kuaema ije ma vierafena ijafunekina e gue jabe aesakae ije mauike karidufuo ije arekiro jaka ijia vadufuo. Ro nobe e Isureroko bu aesakae ije mauike karidufuo ijia naebe vaeva ijiege redufuo. Ro iviama Godi fune no ijuruona kuo nobe ijuonekiro noka giriesaekina no are ije mauike karidufuo ijia vano kue.

Ekisi 2:22

Ijadufuo e Isureroko gurie vua ige mukoreigia fiefo. Godi fu Jesu e Nasaretiko ije kuamoga fu ire sumiki ro nuga binobino ja ude naebe giaeva ije samadukua remo jane giae. Ijadufuo ja ma vierafega Jesu fune ma Godire kuamo fu ruae.

Ekisi 1:22

Ro kuke e ije fuka maza ije Joni fu e nijasiakinu do ruoriaema ijia ruoma Jesu fu una saove gufia ajia vako fu gaema no e ije abekono kiae.

Joni 15:27

Areme ja uri vua none abena una e gue kuariake ijadufuo maeje jane iko zinume ijia naena oenoekinu vame none boeje jane gia furi.

Ruki 24:19

Bu ijiege kuaravoga Jesu fu una kiae, Ro ja ire ije irerebe rema ja ijene kuaevono kiae. Areme bu una kuae, No ire ije Jesu e Nasaretiko fu rema no ijene kuaekinu ruove. E ije fuka e ireobo be fu Godido vua vierafena kuaemo. Fu Godido niome ijia ro kuke e boeje ijiebuo niome ijia fuka daro ireobo abena Godido vua nijasiakinu ire sumiki mukore gue renoe.

Maki 1:14

Areme bu maza be Joni dabe dibure nujakoga rade Jesu fu sakae Gareri ijia vae.

1 Tesaroniasi 5:3

Ro maza rade e ije bu karina kuaeko, Noeje noneka mukoreigia karinoevono kuaeke. Rove ire ise be fume saroruba buone rega e ije buka bara ije fu e nafekiro vajae fiane abeno ijiege isejavaeke. E ije buka isejavaena uri sauikuae are rereke rove bu izege sauikuva baki.

Ruki 1:69

Godire Devidi e Godido imeno ijadufuo uifari be ka e daroki fu no karaunuodufuo ije kuamo fu ruae.

Matiu 4:17

Areme maza ijia Jesu fune uri zinuivena e ije vua nijasiae. Fu nijasiakinu kiae, Maza ije Godi fu oe jone ije samuagiadufuo ije funeka ivuareme. Ijadufuo oe ije ja ire ise binobino ume igadufuo vierafevo ije aregana una oe kuderiana Godido ruano kiae.

Romeni 11:14

Ro vua maeje ige na abe jone ruaeva ije na vierafe e none Jiusi bu ije giekuva buka naebe oemareke. Ijadufuo e gue bute una oe kuderia Jesu ma vierafega Godi fu bu karauniake.

1 Koriniti 1:21

Ijadufuo Godi fune fuone vierafema ijia e ije bu buone mukoe vierafevo ijia Godi gakuae giriesavo ijiebuo vierafe ije kame mukoreigia bijukuriaejae. Fu ijiege rejiagaro una e ije bu vua maeje no abe e kuariaga bu fiena ma vierafevo ije fu karauniame. Ro vua ije no abe kuariavo ije e ume igeko bu vierafero fu omisero bu ijiege vierafevo.

Iburu 1:1

Isuibe Godi fuka maza binobino ijia ro vame binobino ijia e Godido vua vierafena kuaevo ijiebuo itire ijia asaerafa nuvuone ije vua kuariae.

Iburu 1:14

Ijadufuo maeje anera ije bu kavene ije Godido imevo ije fu kiaga bu maza boeje arina ume igia e ije Godi fu karauniamo ije ifejiavo.

Iburu 9:28

Ijadufuo Jesu fu vame besu ijiege rena e ijiebuo ise ijadufuo vajae fuone ije abe kaginu zinone ifaejekiro baronei. Ro fu una ume igia ruomo ije fu ise ijadufuo una baronekiro ruomo baki. Ro fume e ije bu fu samuana kariva ijene karauniakiro ruome.

1 Joni 1:1

Fasi ige no isoena naejiavo ijeja no vua ije ma karivako ijadufuo ijene isoena naejiave. Ro E Ije vua ma karivako ije abe ruaema ije fune isuibe aesakae ige bu naebe amaeriva ijia Godiki besu fi ruae. Ro E Ije no vua fuone abe oenoejo ije no vua fuone ije none fie ro kuke none ni nuvuone igia fu gae. Ro ije fuka ma none ni nuvuone ijia gakinu ro vajae fuone none umui nuvuone ijia farena gae.

Judi 1:17

Ro kairafano vua ije e Afasero e ije bu E Ireobo Jesu Kuraesido imenoejo bu kuariavo ije mukoreigia vierafefo.