Iburu 13:2 - Godido Vua Maeje

² Ro ni e sumiki bu are jone ijia ruovo ije oemarekinu kaenamiana samua giafo. Ijadufuo maeje e bino bu ude e gue bigiake kaenamiaeva ijia bu Godido anera ije kaenamiae.

Iburu 13:2 Referans Kwoze

Matiu 25:35

Ijadufuo maeje na vasiaorie ro do duadiemoga jare dokiro ire vajievo na i. Ro naeje naka e sumiki rove jame mesiriena are jone ijia nujie.

Iko Zinume 18:1

Areme E Ireobo fune ine akae are Mamure ireva ijia Eburame bie. Ro maza ije fu uvuoka manina fuka fete uruime. Ijadufuo Eburame fu are muvuaka fu fanu surive ijia saema viene ijia fine.

Romeni 12:13

Ro ja giaga kairafa jone bino bu sinuome bakikuva ni jone ja naeva ijia bino ivajiafo. Ro kuke ni e ije bu ae mumabo ruovo ije oemarekinu kaenamia gire jone ijia uniafo.

1 Fita 4:9

Ro kuke nika e sumiki ijene oemarekinu kaenamiana are jone ijia uniakiro jade una ijadufuo kuaevo.

Matiu 25:43

Ro naeje ja naebe e sumiki igege mesirie are jone ijia nujie. Ro kuke na ugone baki oenoejoga ja naebe ugone bino vajie ro adame abevoga ja ifejie. Ro kuke na dibure fivoga ja naebe vua gievano kiake.

Taetasi 1:8

Ro fuka e sumiki ije oemarekinu kaenamiamo ro vame ma ijiaru oetuamo. Ro irere vajaema fuone ijare rekuveno ijia mukoreigia samuanamimo ro e vua ma ijiaru kuaenoeno ro ka e akae igege oenoeno e ijieki ijia abene.

Matiu 25:40

Bu ijiege kuariekuva E Ireobo ige na una kiako, Vua ige naka ma kuariave. Ire boeje ja kairafa none ige e anuigi baki igiebuo reva ije ja none revano kiake.

1 Timoti 5:10

Ro fuje fuka bara be fune mukoreigia kenoeko e boeje bune gana vierafeva ijare buina imeke. Ro bara ije vame fuone maeje gue fu renoeno ije fuka anafa fuone mukoreigia samuagiamo. Ro kuke fu e sumiki ifejiana samuagiakinu ro kabuaekabuaeki Godido e ije ifejiamo. Ro kuke fu Godido e ije isejavaevo ije oe ma ijiakuma ifejiakinu ro vame ma binobino e guebuo remo ijare buina imeke.

1 Timoti 3:2

Ijadufuo e ije erare fu i ije mekiro vierafekuma e ije fuka vame maturaema ijia urari kenoedufuo. Ro e ije fuka bara besu abedufuo ro kuke fuka korufuo mukoreigia samuanamiga e boeje bu fu aguaeke. Ro kuke fuka e sumiki ije oemarekinu kaenamiamo ro Godido vua ije mukoreigia e nijasiamo.

Romeni 16:23

Ro e Gaeasikiro e boeje are fuone ijia afuina Godi baname isoevo ije budua ja anadiave. Ro Foru naeje na e Gaeasido are ijia fivo. Ro kuke Erasitasi e ije sidove ige no kariva ijadufuo moni ije samuamo ije fu ja anadiame. Ro kuke uvia nuvuone be e Kuotasi ije fudua fu ja anadiame.

Ekisi 16:15

Ijadufuo bu uri agane fuone ijena kame do ruoriavoga fu kuomo no are fuone ijia vae. Fu kuo, Ja vierafega naeje nane E Ireobo ije ma vierafejoga ni ro naena are none ijia karino kue. Bara ije fu ijiege kuaruona ka soesoemoga none fuina are fuone ijia vae.

Iko Zinume 19:1

Mazani ije E Ireobo ijadufuo anera inokiro bu sidove Sodome ruaeva ije mufuo besu ijia e Roti fu sidove ijadufuo isuo bu kirakuraeva ijadufuo viene ije e bu ro ijia koto revo ijia fine. Roti fu ijia fino bu rovo fune giana ka migegire urina biediakiro vae. Fu va bu ireva ijia auge sana kuri tuakafiana kiae, Ekisesie, naka ja ifejiakiro vierafei. Ijadufuo jabe ro gire none gafia dia jone sonaro muge igiaru naena naoekiro suoke mu gamia nine izege ja vakuae ruovo ijia vano kiae. Rove anera ije bu una kuae, Nobe aena vakiro no vierafe no sidove guove igia naokono kuae.

3 Joni 1:5

Ro Geasi kaino aeje aka e ije bu Godido vua maeje abe oenoejo ije mukoreigia oetuamo. Ro kuke a e gue a naebe ude biediamo ije aka mukoreigia oetuakinu ifejiamo.