Iburu 12:2 - Godido Vua Maeje

² Ro kuke roga no Jesu e nigofo nuvuone ije fu izege no nijasuoga no Godi ma vierafevo ijene abe ni garine guria nijana veri vafo. Fu kurosi ije gana are vaema baki ro fuka oemarevo ije fu rade biedufuo fu ije vierafei. Ijadufuo fu izege ije fu isejavaena jaevedufuo ije fu naebe jumei. Ijadufuo iviama fu Godido umui maeneke fata fuone maeje ijia fine.

Iburu 12:2 Referans Kwoze

1 Fita 3:18

Ja vame ijiege renoekuva ije jane Kuraesi fu renoema ja ijiege renoeve. Ro Jesu e ije fu ire ise bino naebe rema ije fu e boeje igiebuo ise ije fikorejiakiro fu maza besu buefuo baronei. Ro fu baronema ije fu ja kaenamiana una Godido ruakiro fu ijadufuo baronei. E ume igia oenoeva ijiebe kanavoga fume vajae surive fuone ijiaru baronei. Rove Kavene Akae ijare kuamo fu una uri.

Iburu 1:3

Ro Jesu fuje fuka Godi vareki ijadufuo Godido sanaema maeje ije fuka vajae fuone ijia sanamo. Ro fure vua fuone ijadufuo daro ijia ire boeje bu saove gufia ro ume igia naovo ije samuagiamo. Godi fu Jesu Kuraesi kuamoga fu arina e boegiebuo ise ijia karaunia areme fu una Godi e ka ma daroki ijadufuo umui maeneke ijia fi.

Ifisiani 5:2

Ro jone mumaza ja karinoevo ije nika izege Kuraesi fu no oetuamo ijiege una kairafa jone ije oetuafo. Ijadufuo maeje fuka no ifejuokiro vierafe ijadufuo fu arekoga bu fu kanae. Ro fu baronema ije fuka zinone udi mukore ijare utuana ajia vakoga Godi fu fiemo fuka oemae.

Firifiani 1:6

Ja vua ije na kuariaeva ije jaka fiena abe ma vierafeva ijadufuo na vierafe fune Godire vame maeje jone remo ijadufuo fube areke. Ro fuka uria ijiege ifejiaga ja vame ma ijiaru rekinu vakuma maza radekuma ije Jesu Kuraesi fu una ruomo ijia fu ire boeje foteke re furike.

Iburu 9:28

Ijadufuo Jesu fu vame besu ijiege rena e ijiebuo ise ijadufuo vajae fuone ije abe kaginu zinone ifaejekiro baronei. Ro fu una ume igia ruomo ije fu ise ijadufuo una baronekiro ruomo baki. Ro fume e ije bu fu samuana kariva ijene karauniakiro ruome.

1 Fita 3:22

Ro iviama Kuraesi fune kave gufia Godido umui maeneke ijia fine. Fu ijia fiko Godido kavene adaki ijiakiro kavene mamekanu bino bu kavene gue samuagiavo ije bu fu irinave.

Ruki 24:26

Igia fie, Godi fu vierafe Kuraesi fuka ude ijiege isejavaema areme baroneke. Ro rade fu una urina saove gufia ajia Godido sanaema ijia fikono kiae.

Judi 1:21

Ro maza boeje nika Godi izege fu e oetuamo ijene dabe jone nijaenamifo. Ja ijiege renoekuva maza ije Jesu Kuraesi fu una ruomo ijia fu una ve ja marejiana ifejiaga ja ma karivako ije abeke.

Iburu 8:1

Ro vua boeje na kuariavo ijadufuo zinume ijeja E Ireobo zinone ifaejemo nuvuone ije fune Godi ka ma daroki saove ijia fino ijadufuo umui maeneke ijia fine.

2 Timoti 4:8

Ro ije na giriesana mukoe difuri ruaeva ijadufuo maeje ire ma be fune na samuagie name. Ijadufuo na vierafe E Ireobo maturaema ije fu rade ise nuvuone mazie guodufuo ije fu vame maeje sanaema ma karivako ije abena mieke. Ro fu na nosukua miekuma baki ro fu kuke ire gue kena e ije bu oe buone ijiakuma E Ireobo fu una ruadufuo ije samuavo ije vajiake.

Firifiani 3:20

Ro noeje no bu revo ijiege renoejo baki ijadufuo maeje noeje no Godido e. Ijadufuo no E Ireobo nuvuone Jesu Kuraesi fu no karaunuema ije fu saove ijia una arina no kaenamuokiro ruomo no ijene samuakinu karinoke.

Maki 14:36

Jesu fune baname isoena kuae, Godi Asoeno, a vierafe fu marekuma ni vajae fiane ige na abekuvejo ijiakiro na baronekuvejo ije ade arega fu none remo. Rove na vierafe ni one izege a vierafema ijia reno kuae.

Revaresoni 2:8

E Ireobo fu kie, Vua none ige isoena kavene maeje sosi Simena samuamo ijadufuo duvado ijia e none ijia kariva ije nijiano kie. Vua ige E Ije iko zinume ijia fima ije ro fu baronena una urima ije ro rade fu uria ijia fivadufuo e ijadufuo vuano kiane.

Iburu 13:13

Ijadufuo noka e Jiusi ijiebuo akae isuiko ije no iriniana nuvediaga bu ise nuvuone naebe sovo ije aregana ro ka una Jesudo vadufuo. Noka va ijia fuina besu izege fu isejavae fu jaevema ije akaegue abedufuo.

Iburu 5:9

Fu ijiege isejavaema ijia fuje fune manido fu e ije bu fu irinavo ije karauniaga bu ma karivake.

Joni 13:3

Ro Jesu fu vierafero ire boege fune Asoe fuone ijare kena daro fuone rotire ijia naejae. Ro kuke fune fure kuamo fu ari ruaedo fune una fu fino ijia vakiro fu ijiege vierafei.

Ruki 17:5

Areme e Jesudo afasero ije bu kuke urina kuae, E Ireobo no vierafe aka nuvuone izege no Godi ma vierafevo ijene kame biona mamekanu rejuono kuae.

Maki 9:24

Ro ame ijadufuo asoe fuone fu una kumei, Naeje nane a ma vierafe rove ma vierafe none fu ma isekube. Ijadufuo ni una kuke ifejiega na biona ma gikikimana a ma vierafeno kumei.

Iburu 12:3

Ro ni izege ise boeje bu Jesudo vajae ijia ruaema ije vierafefo. Fu e ise ijiebe ire ise boeje fuone revoga fuka sone oe vafaena isejavae. Ijadufuo ije fu rema ije vierafekiro jade jone ja ma vierafevo ijia mamoena arevo.

Ifisiani 2:16

Ijadufuo fune Jesu Kuraesire e Jiusi ije abero e Jiusi baki ije bu bue zienamikinu junamivo ije dabe iserekiro buefuo kurosi ijia baronei. Areme fu kaenamiamo bu una Godido agane besu rei.

Ekisi 5:41

Areme e Afasero ije bune usiae e Jiusi ijiebuo are bu afuina vua kuaevo makave ijia Godido ireobo oemarei. Ijadufuo maeje bu vierafega bu Jesudo ive ijia isejavaevo ijadufuo bu ijiege rei.

Joni 12:32

Ro maza ije bu na abe nifurikuva na ijia e boeje kaenamiaga bu una none ruakono kiae.

Iburu 10:14

Jesu fu vajae fuone kaginu abena zinone ifaejema ijia fune e ije bu fu ma vierafevo ijiebuo oe ije soejiame. Fune ijiege dasumiakinu karauniamo ijadufuo bu maza boeje Godido nidua ijia e maturaena karinoeve.

Joni 12:24

Ro vua ige naka ma kuariavo fiefo, Ire fiene fo besu fu saerena uria ane fuone ijia kirakuma fu izege sakae ijia arina una uruvana tavuakuma baki. Ro fiene fo ije fuka saerena damuko sakae ijia arikuma ijare fuka una uruvana tavuake.

Joni 8:56

Ro igia fie, e asoe jone Eburame fuka maza ije bu na bietaniedufuo fu ije gakiro uruke vierafe. Rove fu ma vierafega na ume igia ruovo ijadufuo fu maza ije fune gaema igege fuka ma vierafena ireobo oemaremano kiae.

Joni 1:29

Areme nituame Joni fu gake Jesu fu romoga fu uri e ije kiae, Ni gafia gafo! E Ije Godi fu abena zinone ifaejega fu e boeje igiebuo ise ije karauniadufuo ije fu gafi ruomo gafo.

Ruki 23:11

Areme Erodikina e fuone azokenoejo ije buka naebe una Jesu aguae rove buka uri dabe varaemekinu kisae. Bu ijiege rekoga e Erodi fu uri ugone ni mukore bu ado savo ije dabe Jesu abiesa areme kiamo bu mesirina una Faereti fino ijia vae.

Matiu 16:21

Areme Jesu fune ve ijia zinuivena uri fu baronedufuo ije fuka samadukua visuna e vua fuone fievo ije kuariae. Fu kiae, Na vierafe naka Jerusareme ijia e mamekanu nuvuone ro e akae nijasiavo ro e Godi zinone ifaejevo ije kariva ijia vake. Na ijia vaga bu na dabe vame ise binobino ijia arafiriena vajae fiane vajiega naka vajae fiane urukeigia abena isejavaeke. Na isejavaena vakuma buka kaniega na baronero mu inokubeke furike Godi fu kiega na una urikono kiae.

Revaresoni 1:17

Na fu gana tua fu manino dia ijia dijena ka e baronema igege ijia nae. Na ijia navoga fu umui fuone maeneke ijia akoena nigofo none ijia nija areme kie, Ibe jumene. Naeje na iko zinume ijene ro radekuma ijeno kie.

Revaresoni 1:11

Areme na fiekoga vua ije fu na kuariena kume, Ire boege a giamo ije buki ijia isoeno kumei. A isoema areme abena sidove seveni ijia e Godi ma vierafevo bu sosi ijia afuivo ije nijiane. Ro sidove ijiebuo ive ijeja Efesasikiro Simenakina Fegamami ro Taeatirakina Sadisi ro Firadefia ro Reodisia ije nijiano kumei.

Iburu 1:13

Rove Godi fu anera fuone ijia be fu naebe ijiege kuae, A umui maeneke none ijia fike na e ani one boeje kame isekafia furino kuae. Ro Godi vua ijieki be fu naebe anera be kuarae.

Ekisi 2:36

Ijadufuo e Isureroko boegie vua ige fuka mano mukoreigia fiefo. Godi fu Jesu e ije ja karauniadufuo ije kuamo fu ari romoga ja dabe kurosi kanae. Rove Godi fu e ije kuaga iviama fu E Ireobo rena fino kiae.

Maki 9:12

Bu ijiege kuaravoga Jesu fu una kiae, E Iraeja fu ude una ro ire boeje amaeriakinu kanafuina urari nakono kuaeva ije buka ma kuae. Ro kuke Godido buki akae ijia vua ije bu isoena kuae, Ema ijiebuo Fari ije fuka vajae fiane uruvana biediake ro kuke e boeje buka fu ijuonekono kuae. Ijadufuo ja vierafe bu irerefuo ijiege kuaena isoe?

Revaresoni 1:8

Ro Godi E Ireobo ije fu ijiege kuae, Godi nare amure ijia zinuivei ijadufuo nare una maza radekuma ijia rena furike. Na E Ireobo ka daroki ije nare ude fina ruae ro iviama na uria fido nare maza rade una kuke ruake.

Iburu 11:36

Ro e bino bu vije ufemadiakinu madiakinu ifiae ro gue bu seni kena toma areme kena dibure uniae.

Iburu 10:33

Ja maza ijia jaka samadukua jaevekinu ro jaeje buka e ije Godi ma vierafevo baki ijiebe ja arafiriakinu kame isekafiae. Ro maza gue ja e gue bu vame besu ijiege nibijavo jaka una e ijiebuo oefiane abekinu ifejiae. Ro kuke jaka e ije bu dibure karijo ijiebuo oefiane abekinu ifejiae. Ro maza bino e Godi ma vierafevo baki bu sinuome jone gue kamazia vako ije jaka uria oemareve. Ijadufuo maeje jane kojo ma vierafega Kavene Akae ijadufuo sinuome maeje ije bu saove ijia naove. Ijadufuo ja rade kena oemarekinu kari vakiro ja ije vierafei.

Maki 16:19

Jesu fu ijiege kuariama areme fune urina saove ijia Godido umui maeneke ijia fikiro vae.

Ekisi 3:15

Ja e ije fu e boeje ijiebuo vame ije bu ma karivako ije amaerima ije ja arekoga bu kanae. Rove Godire kenujamoga fu una urima ije nore Joniki gae.

1 Koriniti 1:18

Ijadufuo maeje e ije bu vua maeje naebe ma vierafevo ijadufuo buka vame ise are miane naeno ijia vako. Bu vua maeje Godi fu Jesu kuamo fu arina kurosi ijia baronema ije bu dabe omise igege vierafeve. Ro no ma vierafega Godido vua maeje ije fuka daroki ijadufuo fu no karaunuomo.

1 Koriniti 1:23

Ro noeje no vua ije no abe e kuariavo ije no kia, Kuraesi kurosi ijia fu baronema ije fu no kaenamuona una Godido vame ma ijia unuemano kiave. Rove e Jiusi ije bu vua ije fiega fuka isediagana buka zieve. Ro una e Jiusi baki ije buje bu vierafero vua ije fuka omisedo fu izege ire ma be rekuma bakiro bu ijiege vierafeve.

Jemisi 2:1

Uviarafano jaeje ja E Ireobo nuvuone Jesu Kuraesi e ije sanaema ije ma vierafevo. Ijadufuo jade e jone ije ja oetuavo ijiaru ifejiagaro e gue arevo.

Nabasi 21:9

Ijadufuo Mosisi fune uri ire buronisi ijia abena ire tabare igeki ije amaerina abe ine kubi ijia nijae. Ijadufuo eranebe tabare sakiaga bu kake tabare ije Mosisi fu amaeri nijaema ije gavo ije fune migegire maega fu una fivako.

Maki 15:28

Ro e gue bu vame ije bu Jesu abe kurosi kanaeva ijane ruovo. Ijadufuo bu usiae gana nigofo kuriatekinu dabe varaemena kuaevo. E gare, are kuaemo a Godido Are bu baname isoevo ije faraenaro mu inokubeke a una sa furikono kuae.