1 Timoti 1:9 - Godido Vua Maeje

⁹ Ro kuke no vierafega Godi akae ije fu nijaema ije fu e ije bu ma renoejo ijiebuo nijaema baki ro fu e ije bu ise renoejo ijiebuo nijae. Ro akae ije bu e ije Godi naebe ma vierafevo ijiakina e ije vame ise binobino revo ro naebe maturaena karivo ijiebuo nijae. Ro kuke e ije bu naebe ire maeje Godi oemaedufuo ijia revo ijiakina e ije e kaniavo ro orafa kaniaga bu oevo Godi fu e ijiebuo akae ije nijae.

1 Timoti 1:9 Referans Kwoze

Garesiani 3:19

Ro Godi fu Eburame ijiege vekinu ifejiakuma ije akae ijadufuo maeje fu irere ije reke? Ro Godi akae ije fu miaema ije fu ijare ifejiaga e ije bu vame ma ro ise ije giana vierafekiro fu ijia miae. Rove akae ije fume ijia na ruoma arekoga Kuraesi e ije Godi fu Eburame kuaema ije fu ruae. Godi fu akae ije abena anera ije miamoga bu abena Mosisi e ije fu Godikiro ema ijiebuo ukua ijia manino ije mae.

1 Fita 4:18

Ijadufuo maeje Godido vua bu isuibe isoeva ije fu ijiege kuae, Godi fu e maturaeva ije karauniakiro vierafe rove fu girekuma fu e ije bu Godi ijuonena ise renoejo ije buje fu izege reke?

Romeni 5:20

Ro fune e Mosisire Godido akae ije abena e boege no mue. Ro fune akae ijare nijasuomo ijadufuo no vierafega noneka ise uruvana rei. Rove vame izege Godi fu e boeje ma rejiakinu ise buone giana aremo ije fuka ma daroki.

Taetasi 3:3

Ude no naebe oe kuderiaeva ijia Godido vua maeje noka naebe mukoreigia vierafeva ijadufuo no ise renoe. No ijiege renoekinu Godi naebe irinae ro noka irere vajaema nuvuone fu vierafemo ijiaru kenoe. Ijadufuo vajaema nuvuone buneka ise ijare uti faradue. Ro kuke noka vua ise bino e guebuo kuaekinu e guebuo ire bino kekuae vierafei. Ro e bino bu no guovone buka defarudiame ro nodua bu giavone noka defaruduome.

Romeni 6:14

Ro jade uri mamoena Setanido itire ijiaru fiena ise renoekiro nika giriesana kojo vajae jone samuanamifo. Ijadufuo maeje ja Godido akae ijia bijua kariva baki ro jaka fuone izege fu e marejiamo ijia bijuana kari. Ijadufuo jade vierafero ja una ise rekinu karivakiro jade ijiege vierafevo.

Revaresoni 22:15

Ro sidove ijadufuo makave ro diruo ije bu e ije vame ise renoejo ijiakina e ije kinenavo ijiebe ijia oenoeke. Ro kuke bu e ije barubara fudaenamina ise revo ijiakina e kaniavo ijiebe ijia oenoeke. Ro bu e ije kine kufui umui ijia amaeriaeva ije oetuavo ijiakina e ije bu vua kufui kuaenoevo ro vame kufui ije kenoejo ijiebe ijia oenoeke. E ije bu Godido sidove iviaeko ijia bube aru vakiro maza boeje bu makave ijia oenoeke.

Revaresoni 21:8

Ro e ije bu noefuo imekuae jumekinu ijuonena naebe vame none ijia nuvedievo ijiakina e ije naebe na ma vierafevo ro e ije bu vame ise siroe igege revo ije bu miane naoke. Ro e ije bu e kaniakinu ebuo bara ro baru turavo ijiakiro e kineki ije bu miane naoke. Ro kuke e ije ire bino umui amaeriava ijiebuo baname isoevo ijiakiro e ije kufuimejo ijiebuo are ijeja are ije miane kavuaema fu naeno ijene. Bu ijia kuke una oena furikono kie.

Taetasi 1:16

Bu ijiege rekinu kuaevo, No Godi none vierafevano kuaeve. Rove no vame buone bu kenoejo ijia giaga buka Godi ma vierafevo baki. Ro e ijieki ije buka ma e ise ro naebe Godi irinavo ijadufuo bube ire ma bino redufuo.

1 Fita 3:20

Ro e ije Jesu fu va vua kuariaema ije fu e ije bu maza ije Noa fu sisime sako bu Godido vua ije ijuoneva fu e ijiebuo kavene ije kuariae. Ro maza ije Noa fu sisime ireobo ije amaerikoga e ije bu uria kariva ijia bu Godido vua ije buka naebe irinae. Rove Godi fuka naebe migegire bu kame isekafiae ro fume samuagiae. Ro rade bu e sibaneke e eti (8) ijiege vua fuone ije irinae. Ijadufuo ve ireobo ije fu dana safua nafuemoga e ije bu naebe do i.

Iburu 11:31

Ro kuke bara Reabi ebuo baru turamo ije fu ma vierafema ijadufuo fu e Isureroko ije bu mauike nuriete are Jeriko gakuae vaeva fu ije ifejiana kena urie. Ijadufuo fu naebe e ije bu Godi naebe irinaeva ijena baronei.

Romeni 4:13

Godi fu isuibe e Eburamekiro uifari fuone bu rade ruakuvejo ijiebuo fu kuaraema ije fu ijiege kuarae, Na ire boeje aesakae igia naovo ije na kena ja vajiakono kuae. Ro e Eburame fu Godido akae ije mukoreigia iriniaema ijadufuo Godi fu aesakae ige foteke abena uifari fuone ijena bu miaema baki. Ro fune Eburamere Godido vua ije ma vierafema ijadufuo fu Godido nidua ijia fuka maturaemoga Godi fu aesakae foteke ige abe bu miae.

Matiu 10:21

Ro vakuma maza ijieki ije abekuma e buka uri uviarafa ro anafa buone ije korubuo kena una forisi vajiaga bu kania bu oeke. Ro kuke ame ije bu una kuderia orafa buone ije korubuo sikiaga forisi bu va kania bu oeke.

Una Kaenamiae 21:14

Ro e be fuka defaruimo fu urina e be kanamo fu baronega fu kona fata bu zinone ifaejevo ijia fue kenujanamikiro vakuma e ije nika kanaga fu baronefo.

Una Kaenamiae 20:13

Ro jade oenoene e bino kaniaga bu oevo.

1 Fita 2:7

Ro Kuraesi e ije ja ma vierafevo ije fuje fuka irerebareki ijadufuo jaka fu ireobo oetuave. Ro e ije bu fu naebe ma vierafevo ije Godido vua ije bu isuibe isoeva ijia fu buefuo ijiege kuae, E ije bu tugie ijia are savo bu vierafero tugie ije fu isero bu naebe abe are sae ro buka dabe akoe. Rove iviama fune Godire tugie ije abe una are ukua ijia ru abie. Ijadufuo are ije fune tugie ijare girena fare manine. Ro tugie ije fu kuaema ije fu Jesu Kuraesi E Ireobo ijadufuo kuae. Ijadufuo sosi boeje bu iviama Jesu Kuraesi bijuana karive.

Iburu 12:16

Ro nika mukoreigia ganamikinu karinoefo. Ro jade Iso e ije fu Godi ijuegafaena una vame ise barubara fudaenamina ise revo ije renoema ijiege renoevo. E Iso fu fari amure ijene ijadufuo fure asoe fuone ijadufuo daro maeje abedufuo. Rove fu maza be vasiaoemoga fu daro ije fu rade abedufuo ije arena una iviene fuone ijadufuo ire ije fu ifaejema ije abe i.

Garesiani 5:18

Ro maza ije a Kavene Akae ijare kuaraga a ijia fiena kemo ije akae ije fu a samuagamo baki.

1 Timoti 4:7

Ro ade suvuare isuiko ije ka ma daro baki bu nijasavo ije fiemo. Ro maza boeje nika Kavene Akae ijadufuo vame ijia uruvana mimatanoekina a daro abeke.

1 Timoti 6:20

Ro Timoti ni Godido vua maeje fu nijasaema ije mukoreigia samuagiane. Ro kuke ni e ije bu vua kufui ije kuae fu mano kuaena ijadufuo madinaminoevo ije mukoreigia akariane.

2 Timoti 2:16

Ijadufuo ni e ije bu vua ise ka buzeme ije e nijasianoejo ije mukoreigia akariane. Ijadufuo maeje vua ijieki ije bu kuaenoevo ije buka e gue kaenamiaga bu Godi maeje abuena mumabo vako.

2 Timoti 3:2

E boeje buka uri vajaema buone ije uruvana oetuana uri moni ireobo oetuakinu korubuo kame e mamekanu rena aroekaranoeke. Ro vua buone bu kuaevo ije bube e gue ifejiakinu ro orafa buone iriniake. Ro kuke bube ire ma bino vierafekinu ro una Godido oemarekinu oenoeke.

Taetasi 1:10

Ijadufuo maeje e uruvana buka vua kufui kuaenoekinu una vua ma ijene dabe buzeikinu buina nigaraenoeje. E ijiege renoejo ije bu e Jiusi bu ude oe kuderiana Jesu ma vierafeva ijiebe ijiege renoeve. Bu oenoekinu e gue kuariana kiavo, Ja vierafe Godi fu ja karauniakuma ije ni e Jiusi ijiebuo akae ije mukore iriniano kiave.

Judi 1:15

Fu kaenamiana e boeje kena mazie giakiro ruome. Fu Godido e ani ije bu vame ise fu naebe oemaedufuo ijia renoevo ije kame isekafiakiro ruome. Ro kuke fu e ije bu vua kuriaekuriaeki Godisina kuaevo ije kame isekafiakiro ruome.