1 Timoti 1:12 - Godido Vua Maeje

¹² Ro naka E Ireobo Jesu Kuraesido oemareve. Ijadufuo maeje fu vierafega na fu ma vierafeke ijadufuo fu na umui datena kiega na fuefuo imeve.

1 Timoti 1:12 Referans Kwoze

Firifiani 4:13

Ijadufuo na Jesu Kuraesido daro ijia ire ma ro ire ise ije bu none ruovo ije naka uria oemarekinu biediavo.

2 Timoti 4:17

Na E Ireobo ije fuka na ifejiena daro miema ijadufuo na Godido vua maeje dabe e boeje kuariae. Na kuariavoga e Jiusi baki ije sidove Romu are ije no koto revo ijia kariva ije bu vua ije fie. Bu fievoga Godi fu e ije bu na kaniekuae vierafeva ijia kenujie.

Korosiani 1:25

Na e sosi ijiebuo imevo ijene reva ijadufuo maeje Godire jone ma ijadufuo i ige na mie. Na e imevo rekina nare Godido vua maeje foteke nijasiana abe mukoreigia samadirejiake.

Firifiani 2:11

Bu ijiege aroekinu baname isoena kuaeko Jesu Kuraesi fu ma E Ireobo nuvuoneno kuaeke. Bu ijiege kuavo ijia bu kuke Godi Asoe ije dabe aroeke.

2 Koriniti 4:1

Ijadufuo fune Godire fuone izege fu no oetuana ma rejuomo ijia fu i ige no vua fuone maeje e nijasiadufuo ijene vajue. Ijadufuo irufui binobino no biediavo ije noka uria ijia faememarena imenoeve.

1 Koriniti 7:25

Ja na kie e ije bu naebe maninamiva ije fube maredo bu maninamikono kie. Rove na ige kuariako fiefo. Na vierafe bube maninamidufuo ijadufuo maeje ire ise binobino bu maza rade nuvuone redufuo. Uguare ije fu E Ireobo ijare kuariema baki ro name nare vierafe none ije kuariave. Ijadufuo na vierafe jaka vua none ije ma vierafedufuo.

Ekisi 9:22

Ro e Soru vua fuone fu kuariamo ije fuka ma daroki remoga e boeje are Damasikasi kariva ije bu vua ije fiena ma vierafei. Areme bu ijia vierafero Jesu fune ma Godire kuamo fu ari ruaemaro bu ijiege vierafe. Ro e Jiusi are Damasikasi kariva ije bu izege Sorudo vua ije gue kuarakuva baki.

Ekisi 9:15

Rove E Ireobo fu una kuae, Ni urina va gane. E ije nare fu noefuo i mekiro na ije abei. Ijadufuo fure ive none ije dabe are irore ijia oenoekinu e kini ijiakina e Jiusi boeje ro e Jiusi baki ije kuariaga bu ive none fie furike.

Ekisi 16:15

Ijadufuo bu uri agane fuone ijena kame do ruoriavoga fu kuomo no are fuone ijia vae. Fu kuo, Ja vierafega naeje nane E Ireobo ije ma vierafejoga ni ro naena are none ijia karino kue. Bara ije fu ijiege kuaruona ka soesoemoga none fuina are fuone ijia vae.

1 Timoti 1:11

Ro vua boeje akae ijia fu kuaema ije fu Godido vua maeje na abena kuaenoevo ijadufuo guove ijia name. Ro vua maeje fu Godi nuvuone sanaema ka e daroki ijare nuvuefuo nijae.

1 Koriniti 15:10

Rove Godi na fu naebe abena isekafie. Ro fume fuone maeje abe nijasie areme na marejiena kiemo na e Afasero fuone rei. Ro Godi fu fuone maeje fu naebe abena vajae none ijia nise. Ijadufuo maeje naka giriesana fuefuo i menoe. Ro ja e Afasero boeje kena mazie guobitie ja guoga naka nare mukoreigia fuefuo i menoevo ja ije gieke. Ro i ije na menoevo ije na daro none ijia menoevo baki ro fune Godire na marejieko na i fuone ijene menoeve.

Joni 5:23

Ro na ijiege revo ijadufuo e boeje bu izege Asoe none ije bu aroevo ijiege buka una na dabe arorieke. Ijadufuo eranebe bu naebe na arorievo ije bu kuke Asoe none fu kiemo na ari ruaeva ije aroevo baki.

1 Koriniti 3:5

Vame ije ja ijiege vierafena kari Aforasiki no kame e anuigi igege vierafevo ije na vierafe jaka aredufuo. Noeje nome e bino Godido i menoevo. Nome ja ifejana vua fuone maeje abe kuariavo ja fiena ma vierafei. No e besubesu nono E Ireobo ijadufuo i fu vajuema no ijene menoeve.

Garesiani 3:26

Ro e Garesiako boeje iviama jane Kuraesi ma vierafe ijadufuo jaeje jane una Godido anafa rei.

Garesiani 3:28

Ijadufuo e boeje eranebe ja Kuraesina reva ije jane fuina besu. Ijadufuo iviama e Jiusi ro Jiusi baki ijiakiro e ije e guebuo imevo ro e ije korofuo samuanamimo ije bu binobino baki. Ro kuke e fari ro bara ije ijiakiro e boeje jade vierafero jaeje ja e binobinoro jade ijiege vierafevo. E boeje jaeje janeka Jesu Kuraesina e besu rei.

1 Timoti 1:1

Na Foru e ije Godi fu na umui datena kiega na Afasero reva ije nare fasi ige isoeve. Na Jesu Kuraesi e ije fu vame iviaeko nuvuefuo amaerikiro kuaema ijiakiro Godi ije no karaunuema ijiebe kiega na vua buone abena e boeje kuariavo. Ijadufuo nare fasi ige isoena e Timoti a nijave. Ro a Kuraesi ma vierafemo ijadufuo aeje aka fari none igeki. Na vierafe Godi Asoe ijiakiro Jesu Kuraesi E Ireobo ije bu maza boeje one oefiane abena ma rejakinu samuagaga a e ije Godi ma vierafevo ijia kariva ijena kafaena finoeke.

1 Timoti 6:13

Ijadufuo Timoti na Godi e ije ire boeje samuako bu ni uria naovo ijiakiro Jesu Kuraesi ijiebuo nidua ro ive buone ijia kuriana vua ige kuarave. Ro kuke na Jesu Kuraesi e ije Faereti fu uria fino ijia Godi fu kuamoga fu naebe ijuone ro fu ire boeje rena furima ijadufuo ive ijia a kuarave. Ijadufuo nika ire boeje Godi fu kuaramo ije irinana renoene.

2 Timoti 2:2

Ro ni vua ije na e boeje bu gieko na nidua buone ijia kuaravo a fiema ije abena e ije mamoevo baki ije kuariaga bu abena una e gue nijasiane.

Taetasi 1:4

Ro Taetasi aeje a fari none nare bietanaeva igeki. Ijadufuo maeje maza ije na Jesu Kuraesido a kuaraeva ijia aka izege nare ma vierafevo ijiege adua aka ma vierafei. Ijadufuo na vierafe Godi Asoe nuvuone ijiakiro Jesu Kuraesi e ije no karaunueva ije bu maza boeje a ma rejana mukoreigia samuagake a kafaena finoedufuo.

Firimoni 1:9

Rove noka nuvuone oetuanamivo ijadufuo name sone a kuagave. Ro naeje na Jesu Kuraesido akaegue ijia vua fuone abe oenoevo. Ro kuke iviama na fuefuo dibure five. Ijadufuo na vua ige kuaraga a fiena rekuma ije fuka mareke.

Matiu 20:4

Ijadufuo fu kekena kiae, Na vierafe jadua ja va juare none ijia imeke na moni besu enafu vajiano kiae.