तितस 3:14 - बान्‍तावा राई

¹⁴ आन्‍म़नाचिआ अ़नुवाक काचि मुमादा अ़चुमिन्‍मा अ़पाक्‍ने, खोन्‍किना अ़न्‍नुनु दोत्‌याङ्‌ओ सामाचि कोप्‍मा अ़ऱने। मोवात्‍नि म़च़नालो आन्‍म़नाचिआ सोज्‍जेओ ह़ङ्‌म़ङ ऩखाइसुन।

तितस 3:14 Referans Kwoze

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

मत्‍ति 7:19

अ़नुवाक सिवा मान्‍सिकादा स़ङ्‌ताङ झारा म़धेत्‍तेन, खोन्‍कि मिदा म़वेन्‍दि।

२ पत्रुस 1:8

देकिनालो ओ य़ङ्‌चि खानानिन्‌एदा च़लोक म़युङ्‌याङ्‌नालो आन्‍हाङ्‌पा येसु ख्रिस्‍त सिन्‍मा काचिदा खानानिन कासो त़लिमिन माङ्‌नालो अ़सिवा मान्‍सिकादा त़लिमिन।

फिलिप्‍पि 4:17

अ़ङ्‌का छुक्‍तुप्‍मा लाम्‍ङाङाओ माआङ, मेन अ़ङ्‌का ना खानानिन्‌आ च़लोक आसिखा तोक्‍तानुम्‌नि मिन्‍ङाङा।

एफिसि 4:28

काख़पाआ हान्‌दाङ्‌का अ़ख़निन्‍ने, मेन खो काचि मुने। खोसोओ अ़छुक्‌आ काचि मुने, खोन्‌ओसा म़हाप्‌दिओचि प़मा ऱचिने।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 15:8

खानानिन्‌आ ब़द्‍धे सिवा त़सिसुम्‌कि अ़ङ्‌काखेङ्‌पाचिओनि खाङ्‌त़मुसुम्‌नालो ओदाङ्‌काङा अ़ङ्‌पापाओ अ़चुऩङ लोङ।

२ थेसलोनिकि 3:8

आन्‍कान्‍का साङ्‌कोओछाङ अ़चामायु मोहा मान्‍चात्‍प़दोम्‍का। मेन खानानिन साङ्‌छाङ दुखा अ़लिनिन्‍ने निकिना आन्‍कान्‍का अ़लेन्‍खिन्‍तुम काचि मुन्‍का।

छाम्‍माय़ङ 20:35

अ़ङ्‌का खानानिन झारा य़ङ्‌चिदा मान्‍तोक्‍कादाचि आन्‍कान फामा चाअ़त्‍लो काचि मुमादोत निकिना खाङ्‌मेत्‍नायुङ्‌नानिन। हाङ्‌पा येसु म़य़ङाओ य़ङ खानानिन्‌आ मित्‍मादोत, ‘कालोक्‌चिदाङ्‌का काप़चि ब़द्‍धे आसिखा कातोक म़लि।’”

मत्‍ति 21:19

लाम्‌ओ अ़च़क्‌दा खोक्‍कोसाआ अ़क्‌ताङ वासिताङ अ़खा। खोन्‍किना खोक्‍को मो वासिताङ्‌दा अ़सिवा धिरुङ्‌हे निकिना खाङ्‌सि म़खारा, मेन मोदा अ़बाक्‌वाचिदाङ्‌का नि दित्‍छाङ मान्‍धित्‌अ़दा। खोन्‍कि खोक्‍कोसाआ मो अ़लोवा, “हान्‌दाङ्‌का खाना देम्‍खाछाङ आम्‍सिवा अ़सिनिन्‍ने!” खोन्‍कि मो वासिताङ मोन्‍ग़रिङा युलाखारा।

छाम्‍माय़ङ 18:3

मोचिओ अ़चुकाचि पावल्‌ओवात्‍निङा तित्‍खिम मुमाओसा पावल मोचिएनान्‍ङा युङाकि अ़क्‍नि काचि मुवा।

१ थेसलोनिकि 2:9

अ़नुछ्‍या, अ़ङ्‍ब़ब़, नाना खोन्‍कि निछाचि ओ, आन्‍काओ काचि खोन्‍कि दुखा खानानिन त़मित्‍तुम। आन्‍कान्‍का खानानिन साङ्‌छाङ दुखा मान्‍प़दामा निकिना अ़खाखुत खोन्‍कि अ़खोलेन काचि मुयाङ्‌सा आन्‍कान्‍का निनाम्‍हाङ्‌ओ अ़चुनुय़ङ्‌खान खानानिन खाएत्‍नि।

रोमि 15:28

खोन्‌ओसा देम्‍खा ओ काचि चिउङ, मोचिओ निम्‍पाङ कोप्‍माय़ङ ओ फेक्‌वा प़ङ्‌चिउङ्‌च़ङ्‌कि खानानिन तुप्‍नानिन, खोन्‍कि अ़ङ्‌का स्‍पेन खात्‍ङा।

रोमि 12:13

निनाम्‍हाङ्‌ओ अ़चुम़नाचिओ अ़चुहाप्‍मादिमादा फासानुम्‍च़म खोन्‍कि तावाङ्‌चि साऩङ्‌वा मेत्‍तायुङ्‌सानुम्‍च़म।

फिलिप्‍पि 4:16

देकिनालो अ़ङ्‌का थेसलोनिकेदा युङाङ्‌याङ्‌हिदाछाङ खानानिन्‌आ अ़क्‍दुदाङ्‌का च़लोक्‌ङा अ़ङ्‌को निम्‍पाङ फामायु त़बाइसुम्‌कि त़फानि।

तितस 2:8

अ़छ़ङ य़ङ चिन्‍तुचि, खोन्‍कि साङ्‌आछाङ मो य़ङ क़प्‍मा ऩऱन्‍ने। मोवात्‍निनालो ङेङ्‌चिछाङ आन्‍तुक्‌वादा देत्‍छाङ य़ङ्‌मा ऩऱनिन्‌कि आप्‍पि लेजोदा म़छुक।