रोमि 9:33 - बान्‍तावा राई

³³ ओवात्‍नि छाप्‍तायुङ्‌सा, “खानुम, अ़ङ्‌का सियोन्‌दा अ़क्‌तात लुङ युङ्‌सुङ्‌योङ, मोदा म़नाचि म़धुङ, खोन्‍कि अ़क्‌तात लुङ्‌छ़ङ युङ्‌सुङ्‌योङ, मोसाआ मोचि धाम्‍सुचि, मेन खोक्‍कोएदा साङ सोम्‍कुवा मु, मो लेजोदा अ़छुक्‍निन।”

रोमि 9:33 Referans Kwoze

रोमि 10:11

देकिनालो साम्‍कालिन य़ङ्‌याङ, “खोक्‍कोएदा साकोङ्‌छ़ङ कामु साङ्‌छाङ लेजोदा अ़छुक्‍निन।”

रोमि 5:5

खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

१ युहन्‍ना 2:28

खोन्‍कि हान अ़चुप्‍पो सोमातुक्‍निङ्‌निओ छाचि ओ, खोक्‍कोएदा युङायाक्‍तानिन, खोन्‌ओसा खोक्‍को खाङ्‌म़मुनान्‍चिन्‌ओ ग़रि आन्‍कान राक तोक्‍तुम्‍ने, खोन्‍कि खोक्‍कोसोओ अ़चुबुदा आन्‍कान लेजोदा अ़छुक्‍तिमिन्‍ने।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

मत्‍ति 21:44

खोन्‍कि साङ मो लुङ्‌ताक्‌दा धा, मो योकोचेम्‍पा लि, खोन्‍कि साङ्‍एदा मो लुङ्‌ताक धा, मोसाआ मो खाक्‍बुन मु।”

मत्‍ति 21:42

येसुआ मोचि म़सेनुचि, “साम्‍कालिन्‌दा छाप्‌याङ्‌ओ ओ य़ङ खानानिन्‌आ मान्‍खिप्‍त़युक्‍तुम? ‘खिम कामुचिआ अ़काचि मात्‍द़ङ्‌ओ निकिना ऩङाअ़छिराओ लुङ्‌ताक, मो खुचुरोङ्‌दाओ मुलो लुङ्‌ताक म़लिसायुङ्‌सा। ओ हाङ्‌पाआ अ़मुवाओ, खोन्‍कि ओ आन्‍खाङ्‌मादा म़दोम्‍दाओ मुयाङ!’

रोमि 10:1

ब़ब़, नाना खोन्‍कि निछाचि ओ, अ़ङ्‌को अ़ङ्‌साकोङ्‌वादाओ अ़ङ्‌मित्‍मा खोन्‍कि इस्राएलिचिओ निम्‍पाङ निनाम्‍हाङ्‌एदा अ़ङ्‌यामात्‍मा ओङा ओ, मोचि म़लेन्‍ने।

गलाति 5:11

ब़ब़, नाना खोन्‍कि निछाचि ओ, अ़ङ्‌का सिप्‍मायाम्‍बुन मुमादोत निकिना हान्‍छाङ खालुङाङाओ खाङ्‌देना अ़ङ्‌का यहुदिचिआ दुखा मान्‍प़ऩदाङ्‌ओ। मोवात्‍नि क्रुस्‌ओ अ़तुक्‌वादा खाअ़लुऩङ्‌ओ खाङ्‌दे ना अ़ङ्‌का फित्‍चि ऩमुऩङ्‍ओ।