रोमि 9:16 - बान्‍तावा राई

¹⁶ खोन्‌ओसा ओ म़नाओ अ़मित्‍मा माङ्‌लो काचि मुमादा ओ अ़याक्‍निन, मेन ओ निनाम्‍हाङ्‌ओ अ़चुसोम्‍तुक्‍मादा याक।

रोमि 9:16 Referans Kwoze

एफिसि 2:8

देकिनालो सोमातुक्‍मादाङ्‌का साकोङ्‌छ़ङ्‌लाम्‍पा खानानिन त़लेरिन्‌युङ्‌सिन। खोन्‍कि ओ खानानिन आप्‍पिएदाङ्‌का माआङ, ओ ना निनाम्‍हाङ्‌आ मोहा प़माय़ङ ओ।

फिलिप्‍पि 2:13

देकिनालो खानानिन्‌एदा निनाम्‍हाङ आप्‍पि काचि म़मुयाङ। खोक्‍कोसाआ खानानिन अ़चुओ अ़नुवाक मित्‍चिऩङ तामालामा मिन्‍मा खोन्‍कि सावा ऩप़न।

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

रोमि 9:11

खोन्‍कि काप्‍छाले छाचि तोक्‍मा बुया, मोचिआ अ़नुवाक माङ्‌लो अ़अ़त्‍पा च़मा बुयाङा, काचिआ माआङ, मेन खोक्‍कोसाआ म़बुत्‍तुचिवा निनाम्‍हाङ्‌आ म़छेन्‍तुचिओ कान्‍ने निम्‍पाङ,

लुका 10:21

मोन्‍ग़रिङा येसु सेङ्‌लावाआ म़भेप्‍ताकि ब़द्‍धे अ़चुऩङानुयाङ्‌सा म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म। उवा, आपो, देकिनालो ओवात्‍निङा च़मा खानानिन त़स़न।

युहन्‍ना 3:8

ह़क खादात्‍नि खात्‍मा स़, मोदात्‍निङा सोन। खाना ह़क सोन्‌याङ्‍ओ त़एनु, मेन मो खादाङ्‌का तायाङ खोन्‍कि खात्‍नि खात्‌याङ, मो खाना त़सिन्‍तुन। लावालाम्‍पा पुक्‍मान्‍चिन काचिछाङ झारा मोवात्‍निङा मु।”

मत्‍ति 4:8

सैतानाआ येसु अ़न्‍नुनु झोन्‍ताङाओ भ़ऱदु लासुखात्‍तु, खोन्‍कि हेन्‍खामादाओ झारा हाङ्‌होन्‌चि खोन्‍कि मोसोओ तोक्‍पो अ़खान्‍नुमा सावा खाङ्‌मेत्‍तु।

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

गलाति 2:2

निनाम्‍हाङ्‌आ खाङ्‌ऩमेत्‍ताङ्‌वा अ़ङ्‌का मोदा खाराङ, खोन्‍कि मोचिओ अ़चुबुदा मो नुय़ङ्‌खान खालुसुङ, मो अ़ङ्‌का निरावाचिओ अ़चुरादा खाएत्‍तुङ्‌युङ्‌सुङ्‌योङ्‌च़ङ्‌ओ। मेन साम्‍भुङ्‌दाओ बुसुवावाको म़काराङाओचिओ अ़चुबुदा अ़ङ्‌का मो सुकुलादा खालुसुङ, देकिनालो अ़ङ्‌का खाक्‍को लोत्‍मा लोराङ माङ्‌लो लोत्‍ङाङा, मो सोज्‍जे अ़लिनिन्‍ने।