रोमि 3:25 - बान्‍तावा राई

²⁵ निनाम्‍हाङ्‌आ ख्रिस्‍तओ अ़चुह़लाम्‍पा हेवादाङ्‌का लेन्‍मा निम्‍पाङ खोक्‍कोसाआ हेन्‍खोक्‌वा लिसि ख्रिस्‍त म़पुवा। मो लेन्‍माय़ङ साकोङ्‌छ़ङ्‌लाम्‍पा लोक्‍मादोत। ओ काचि निनाम्‍हाङ्‌आ अ़चुसाम्‌योक्‍मि खाङ्‌मुमा निम्‍पाङ अ़मुवा ओ, देकिनालो खोक्‍कोसोओ नुलोक अ़चुहुङ्‌मादा बुया म़मुवाओ आन्‍हेवाचिदा खोक्‍कोसाआ दन्‍दा मान्‍प़म़दा।

रोमि 3:25 Referans Kwoze

१ युहन्‍ना 4:10

सोमातुक्‍मानिओ ओङा ओ, आन्‍कान निनाम्‍हाङ सोमातुक्‍तुम्‌ओ माआङ, मेन खोक्‍कोसाआ आन्‍कान सोमाम़तुक्‍ता ओ, खोन्‍कि आन्‍हेवा लेत्‍मा निम्‍पाङ हेन्‍खोक्‌वा लिसि अ़चुछा अ़य़सा।

१ युहन्‍ना 2:2

खोक्‍को आन्‍हेवा लेत्‍मा निकिना हेन्‍खोक्‌वा म़लिसा, खोन्‍कि आन्‍को निम्‍पाङ ओन्‍ङा माआङ, मेन झारा हेन्‍खामादाओ म़नाचिओ निकिनाछाङ ओ।

रोमि 5:9

खोक्‍कोसोओ अ़चुह़लाम्‍पा आन्‍कान साम्‌योक्‍मि काइसिन्‌ओसाआ अ़नुछ्‍याङा निनाम्‍हाङ्‌ओ अ़चुच़ऱपादाङ्‌का खोक्‍कोसाआ आन्‍कान म़लेन!

छाम्‍माय़ङ 17:30

म़नाचिआ निनाम्‍हाङ मान्‍सिन्‍माङ बुया अ़मुवाओ काचिदा अ़चुम़क अ़सिप्‍ता। मेन हान खोक्‍कोसाआ झारादात्‍निओ झारा म़नाचि अ़चुहेवादाङ्‌का म़लानेनि म़य़ङ्‌याङ।

हिब्रु 10:4

देकिनालो बोयोङ्‌चि खोन्‍कि मेनेत्‍पाचिओ अ़चुह़आ हेवा खान्‍मा अ़ऱन।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

हिब्रु 11:7

मान्‍लियुक्‍ताओ य़ङ्‌ओ अ़तुक्‌वादा निनाम्‍हाङ्‌आ चाप्‍चेत्‍तुहिदा नोआआ साकोङ्‌छ़ङ्‌लाम्‍पा मो य़ङ काङ्‌सा खोन्‍कि अ़खिम्‍लुम्‍पा वाधुप्‌दाङ्‌का लेन्‍मा निम्‍पाङ अ़क्‌तात तोक्‍पो वाप्‍तेला मु। मोवात्‍नि नोआआ हेन्‍खामादाओ म़नाचि लाहि पाक्‍तुचिकि निनाम्‍हाङ्‌दाङ्‌का ताओ साम्‌योक्‍मि साकोङ्‌छ़ङ्‌लाम्‍पा तोक्‍तु।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।

हिब्रु 11:14

ओवाको य़ङ काय़ङ म़नाचिआ अ़चुओ आप्‍पिओ निम्‍पाङ अ़क्‌तात हेन्‍कोप अ़लाम्‌याङ्‌ओ य़ङ छेङ्‌छेङ्‌छेङ्‌वा मुयाङ।

१ युहन्‍ना 1:10

आन्‍कान हेवा मान्‍मुयुक्‍तिन्‌नि य़ङिन्‌नालो आन्‍कान निनाम्‍हाङ काम़प्‍पा मुम, खोन्‍कि खोक्‍कोसोओ अ़चुय़ङ आन्‍कान्‌एदा अ़याक्‍निन।

हिब्रु 11:17

निनाम्‍हाङ्‌आ अब्राहाम अ़चिन्‍ताखाहिदा खोसाआ साकोङ्‌छ़ङ्‌लाम्‍पा अ़क्‍छा ओन्‍ङा ओ अ़छा इसहाक हेन्‍खोक्‌वा प़सि चुम्‍सान्‍चिन।

हिब्रु 9:5

य़ङ्‌छ़ङ सन्‍दुका दुङ्‌दा निनाम्‍हाङ मोदा म़युङ्‌याङ्‌निओ खाङ्‌मुमा ह़वाङ साम्‍स़रिओ निनाम्‍हाङ काफाचि याआङाचि। मोचिओ अ़चुलाप्‌चिआ य़ङ्‌छ़ङ सन्‍दुका अ़थेम्‍ताङाचु, मोदा मुलो काब़क्‍पा ताकि निनाम्‍हाङ्‌एदा हेवाचि लेत्‍लुवाङा। मेन ओ य़ङ्‌ओ अ़तुक्‌वादा ओन्‍ग़रि आन्‍कान्‍का अ़स़वा खालुमा अ़ऱन्‍मिन्‍का।

१ तिमोथि 1:15

ओ य़ङ अ़छ़ङ खोन्‍कि लोक्‍माखान्‍तुओ मुयाङ, हेवामिचि लेइसि येसु ख्रिस्‍त हेन्‍खामादा म़ता। खोन्‍कि मो हेवामिचिदाङ्‌का अ़ङ्‌का मुलो ओ।

रोमि 5:11

ओन ओन्‍ङा माआङ, मेन आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍ऩङानुसिन्‍चिन, खोक्‍कोसाआ ओन्‍ग़रि आन्‍कान निनाम्‍हाङ्‌ओ अ़चुयावा म़मुवायुङ्‌सा।

रोमि 3:26

निनाम्‍हाङ आप्‍पि साम्‌योक्‍मि म़मुयाङ्‌ओ खाङ्‌मुमा खोन्‍कि येसुएदा साकोङ्‌छ़ङ कामुचि साम्‌योक्‍मि मुमा, निनाम्‍हाङ्‌आ अ़चुछा म़पुवा।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

छाम्‍माय़ङ 4:28

खानानिन्‌आ बुयाङा अ़छ़ङ त़मुम्‌ओ आम्‍नुओ मिन्‍मा खोन्‍कि मित्‍चिऩङ्‌वात्‍नि मोचिआ झारा अ़मुवा।

छाम्‍माय़ङ 3:18

मेन ख्रिस्‍तआ दुखा आङ्‌मादोत निकिना निनाम्‍हाङ्‌आ ब़द्‍धे बुया झारा निनाम्‍हाङ्‌य़ङ खाकालुचिलाम्‍पा म़चेवाओ य़ङ खोक्‍कोसाआ अ़तासाला।

छाम्‍माय़ङ 15:18

निनाम्‍हाङ्‌आ ब़द्‍धे बुयाङा ओ य़ङ्‌चि खाअ़लुसायुङ्‌सा।’

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

युहन्‍ना 6:47

अ़नुछ्‍याङा अ़ङ्‌का खानानिन लोनानिन, साङ साकोङ्‌छ़ङ मु, मोएदा अ़धुन्‌ओ ह़ङ्‌म़ङ याक।

छाम्‍माय़ङ 14:16

आराङ्‌ओ झारा म़नाचि निनाम्‍हाङ्‌आ अ़चुताकावा च़मा म़प़चि।

रोमि 5:18

खोन्‌ओसा अ़क्‍छा म़नाओ अ़हेवाआ झारा म़नाचि दन्‍दा कातोक म़लिसा, मोवात्‍निङा अ़क्‍छा म़नाओ अ़साम्‌योक्‍मि काचिआ झारा म़नाचि साम्‌योक्‍मि काइसुचि खोन्‍कि झारा म़नाचि ह़ङ्‌म़ङ्‌दा तारुचि।

१ कोरिन्‍थि 5:7

आम्‍नुओ रादाङ्‌का बुयाओ खमिरा माङ्‌लो मो अ़अ़त्‍पा म़ना लोइसानुम। खोन्‍किना खानानिन खमिरा मान्‍होन्‍माङ्‍ओ अ़ऩङ्‌वा बुत्‍थ़ बोप्‌वात्‍निङा त़लिसिन। आन्‍को काक्‍माखात्‍मा चानुचाओ थुबाछा ख्रिस्‍त म़युङ्‌याङ, खोन्‍किना खोक्‍कोसोओ अ़चुह़ अ़सोलाचिआयुङ्‌सा।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 2:13

मेन खानानिन, मोन्‍ग़रि साङ्‌चि येसु ख्रिस्‍तदाङ्‌का अ़थाया त़युङिन्‌येन, हान ख्रिस्‍त येसुएनान अ़क्‍नि त़लिसिन्‌ओसा खोक्‍कोसोओ अ़चुह़आ अ़चुच़क्‌दा ऩतारिन्‌युङ्‌सिन।

हिब्रु 9:28

मोवात्‍नि ख्रिस्‍त्‌छाङ ब़द्‍धेकापाङ्‌सोओ अ़चुहेवा चुम्‍खाइसि अ़क्‍दु हेन्‍खोक्‌वा म़लिसा, खोन्‍कि खोक्‍को ह्‍वादुओदु हेवा चुम्‍खाइसि माआङ, मेन अ़चुऩङानुयाङ्‌सा खोक्‍को काहुङ्‌चि लेइसिओ निम्‍पाङ खाङ्‌म़मुनान्‍चिन।

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।