रोमि 2:15 - बान्‍तावा राई

¹⁵ मोचिओ अ़चुसाकोङ्‌वादा य़ङ्‌हुप्‌आ लामुचिओ य़ङ छाप्‍तायुङ्‌सा निकिना मोचिओ अ़चुच़माथाङ्‌माआ खाङ्‌मुसु, खोन्‍कि मोचिओ अ़चुछेन्‍खातायाचिआछाङ सालुम्‍स़ङ प़चि, खोन्‍कि मोचिओ अ़चुमिन्‍माचिआ अ़क्‌वावाक मोचि लाहि पाक्‍तुचि खोन्‍कि अ़क्‌वावाक मोचि रात्‍तुचि।

रोमि 2:15 Referans Kwoze

२ कोरिन्‍थि 5:11

खोन्‌ओसा, निनाम्‍हाङ्‌एनान देत्‍नि क़मादोत्‌नि आन्‍कान्‍का सिन्‍तुम्‌काकिना आन्‍कान्‍का म़नाचि काङ्‌मेत्‍तुम्‍च़म्‍का। मेन आन्‍कान्‍का देत्‍नि मुन्‌येन्‍का निनाम्‍हाङ्‌आ अ़सिन्‌याङ, खोन्‍कि अ़ङ्‌का सोम्‍कुवा मुङा, मो आम्‍नुओ छेन्‍खातायाआछाङ नुलोक्‌ङा सिन्‍तुङु।

तितस 1:15

म़सेङ्‌याङ्‌ओ म़नाचिओ निकि झारा सामाचि म़सेङ्‌याङ्‌ङा, मेन ऩसेङ्‌निन्‌ओ खोन्‍कि साकोङ्‌छ़ङ मान्‍मुकादाचिओ निकि दिचिछाङ ऩसेङ्‌निनिन देकिनालो मोचिओ अ़चुमिन्‍मा खोन्‍कि साकोङ्‌वाङा अ़सेङ्‌निन्‍लो मुयाङ।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

१ तिमोथि 4:2

ओवाको चिन्‍माय़ङ्‌चि चाचाचाकाच़ सोज्‍जे काचेप्‌चिएदाङ्‌का ता, मोचिओ अ़चुछेन्‍खाताया कुयाङ्‌ओ काकाराआ ङेप्‍तिन्‌वात्‍नि लिसायुङ्‌सा।

रोमि 9:1

ख्रिस्‍त अ़ङ्‌सालुम्‍स़ङ म़युङ्‌याङ, अ़ङ्‌का अ़नुछ्‍या चेप्‍ङाङा। अ़ङ्‌का अ़म़प्‍ऩङ। सेङ्‌लावाआ अ़ङ्‌लावा सालुम्‍स़ङ प़ङु।

छाम्‍माय़ङ 24:16

खोन्‌ओसा अ़ङ्‌का अ़धुन निनाम्‍हाङ्‌ओ अ़चुबुदा खोन्‍कि म़नाचिओ अ़चुबुदा दित्‍छाङ अ़अ़त्‍पा काचि मान्‍मुदामा लाम्‍ङाङा।

छाम्‍माय़ङ 23:1

खोन्‍किना पावल्‌आ धियायोक्‍खादाओचि होन्‍नि चोउचिकि लोचि, “अ़ङ्‍ब़ब़ निछाचि ओ, आय़ओ लेन्‌तारि झारा अ़नुवाक साकोङ्‌वाआ निनाम्‍हाङ्‌ओ अ़चुबुदा अ़ङ्‌का ह़ङाङ्‌युङ्‌साङ।”

युहन्‍ना 8:9

मोचिआ ओ य़ङ अ़एनाकिना अ़धिवादाङ्‌का म़पुङ्‌सान्‍चिन्‌कि अ़-अ़क्‍छा लियाङ्‌सा म़खारा। खोन्‍कि येसु ओन्‍ङा मो मेत्‍छामाएनान अ़छिरादा, खोन्‍कि मो मेत्‍छामा मोदाङा अ़चुबुदा एवायुङ्‌सा।

रोमि 2:14

देकिनालो य़ङ्‌हुप मान्‍तोक्‍कादा निरावाचि अ़चुच़माथाङ्‌मालाम्‍पा अ़नुवाक खोन्‍कि अ़अ़त्‍पा अ़सिन्‌कि य़ङ्‌हुप्‌वात्‍नि काचि म़मुनालो मोचिओ अ़चुय़ङ्‌हुप मात्‍द़ङ्‌नुछाङ मो मुमाय़ङ य़ङ्‌चिआङा मोचिओ अ़चुओ साकोङ्‌वादा य़ङ्‌हुप याक्‌याङ निकिना खाङ्‌मुसु।

रोमि 2:27

खोन्‍किना पोक्‌दा सिप्‍मायाम्‍बुन मान्‍पाक्‍कादानुछाङ य़ङ्‌हुप य़ङ्‌याङ्‌वात्‍नि काच़चिआ छाप्‍माय़ङ य़ङ्‌हुप कातोक्‌चि खोन्‍कि सिप्‍मायाम्‍बुन पाक्‍माय़ङ खानानिन लाहि ऩपाक्‍तिन, देकिनालो खानानिन्‌आ य़ङ्‌हुप त़काक्‍तुम।