रोमि 15:15 - बान्‍तावा राई

¹⁵ मेन निनाम्‍हाङ्‌ओ अ़चुआसिखा अ़ङ्‌का ऩपुवाङ्‌युङ्‌साङ्‍ओसा अ़ङ्‌का राक्‌एनान खानानिन देम य़ङ्‌चि मित्‍मेत्‍मा निम्‍पाङ छाप्‍तुङ्‌युङ्‌सुङ।

रोमि 15:15 Referans Kwoze

रोमि 12:3

निनाम्‍हाङ्‌आ ऩपुवाङ्‌ओ अ़चुपाङ्‌आ अ़ङ्‌का खानानिन झारा लोनानिन, आप्‍पि खानानिन तोक्‍पोनि मान्‍मित्‌दानिन्‍चिन। मेन खानानिन निनाम्‍हाङ्‌आ देम च़लोक साकोङ्‌छ़ङ ऩप़न्‌युङ्‌सिन, खानानिन्‌छाङ मोन्‍तेकाङा नुलोक मित्‍माचिदोत।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

रोमि 12:6

आन्‍कान सोमातुक्‍माआ म़पुवाओ आन्‍कान्‌एदा ब़द्‍धेकाखालाओ लावामि सावाचि म़याक्‌याङ, मोचि आन्‍कान याङुम्‍च़म्‍ने। अ़क्‍छा म़नाओ निनाम्‍हाङ्‌य़ङ खालुमाओनालो साकोङ्‌छ़ङ्‌लाम्‍पा नुलोक चेप्‍ने।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

१ युहन्‍ना 5:13

खानानिन्‌एदा अ़लुक्‍निन्‌ओ ह़ङ्‌म़ङ याक्‌याङ्‌ओ सिन्‍तानुम निकिना निनाम्‍हाङ्‌ओ अ़चुछाएदा साकोङ्‌छ़ङ कामु खानानिन ओ य़ङ्‌चि छाप्‍नायुङ्‌नानिन।

२ पत्रुस 3:15

आन्‍हाङ्‌पाआ म़नाचि हेवादाङ्‌का लेन्‍मा अ़वाखाम म़प़चिहिदा खोक्‍कोसाआ देम अ़हुङा मो य़ङ मित्‍तानुम। मोवात्‍निङा आन्‍कान सोमातुक्‍तुम्‌योम्‌ओ निछा पावल्‌आछाङ निनाम्‍हाङ्‌आ अ़पुवाओ तायावात्‍नि खानानिन मो य़ङ्‌चि त़छाप्‍तिन।

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।

हिब्रु 13:22

ब़ब़, नाना खोन्‍कि निछाचि ओ, अ़ङ्‌का खानानिन राक प़नाङ्‌नानिन, खानानिन अ़ङ्‌यायोक्‌चिदा मिन्‍मा पाक्‍तानुम। देकिनालो ओ छाप्‍लावादा खानानिन अ़ङ्‌का थुत्‍मेत्‍लो ओन्‍ङा छाप्‍तुङ्‌युङ्‌सुङ।

तितस 3:1

हाङ्‌काचि कामुचि खोन्‍कि पाङ कातोक्‌चिओ अ़चुक़म्‍मादा युङ्‌मादोत निकिना मोदाओ म़नाचि मित्‍मेत्‍तुचि। मोचि लोमावा म़च़ने, खोन्‍कि झाराकापाराआ नुलोक च़सि म़चुम्‍नान्‌युङ्‌नान्‍चिन्‍ने।

२ तिमोथि 2:14

ओ य़ङ्‌चि साकोङ्‌छ़ङ कामुचि मित्‍मेतुचि। निनाम्‍हाङ्‌ओ अ़चुबुदा य़ङ्‌सिवाचिओ अ़तुक्‌वादा दुम मान्‍छ़न्‍दामा चाप्‍चेत्‍तुचि। मोसाआ नुलोक म़मुनिन, मेन काएन्‌चि ओन लुक्‍तुचि।

२ तिमोथि 1:6

खोन्‌ओसा अ़ङ्‌का खाना मित्‍मेत्‍ना, अ़ङ्‌का खानाएदा अ़ङ्‌छुक युङ्‌सुङ्‌हिदा खाना त़तोक्‍तुओ निनाम्‍हाङ्‌ओ लावामि सावा लेइसुयुङ्‌सु।

१ तिमोथि 4:6

ओ य़ङ्‌चि खाना येसु ख्रिस्‍तएदा साकोङ्‌छ़ङ कामुचि त़चिन्‍तुचिनालो खाना त़खेङ्‌सुओ साकोङ्‌छ़ङ्‌ओ अ़छ़ङ य़ङ खोन्‍कि अ़नुवाक चिन्‍माय़ङ्‌दा त़पोन्‌कि खाना नुलोक ख्रिस्‍त येसु काब़त त़लि।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

१ कोरिन्‍थि 3:10

निनाम्‍हाङ्‌आ अ़ङ्‌का ऩपुवाङ्‌ओ अ़चुसोम्‍तुक्‍माआ अ़न्‍नुनु काले खिम्‍कामुआवात्‍नि छ़ङ अ़ङ्‌का युङ्‌सुङ, खोन्‍कि निचिआ मो दुङ्‌दा खिम मुयाङ्‌सा अ़खात। मेन झारा खिम कामुआ देत्‍नि मुमादोत खोसाआ मिन्‍मा पाक्‍मादोत।