रोमि 14:19 - बान्‍तावा राई

¹⁹ खोन्‌ओसा आन्‍कान दिसाआ सेवाङ्‌नि म़प़, मो य़ङ्‌चि त़ङ्‌तुम्‍च़म्‍ने खोन्‍कि मोसाआ अ़क्‍छा निएदा सोम्‍कुवा पोइसु।

रोमि 14:19 Referans Kwoze

एफिसि 4:29

आम्‍नुओ दोदाङ्‌का यासान्‍मा य़ङ अ़लोन्‍निन्‍ने, मेन ग़रिएनान तोङ्‌ओ खोन्‍कि अ़नुवाक यायोक अ़तोक्‌ओ ओन्‍ङा चेवानिन, ओ य़ङ्‌आ काएन्‌चिआ सोमातुक्‍मा अ़तोक्‍ने।

रोमि 12:18

लिमा ऱनालो झाराएनान सेवाङ्‌नि युङ्‌मा लामानिन।

रोमि 15:2

आन्‍कान झारासाआ आन्‍तेन्‍पाङ मित्‍मादोत, खोन्‍कि अ़नुवाक य़ङ्‌चिआ खोसोओ साकोङ्‌छ़ङ पोन्‍मा फासु।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

मर्कुस 9:50

युम अ़नुवाक ओ, मेन युम्‌ओ अ़लुमा माखात्‌नालो मो दिसाआ युम्‍पाक्‍पाक्‌वा खाना लामामुमा त़ऱ? खानानिन्‌एदा याक्‌याङ्‌ओ आम्‍नुओ युम्‌वाको अ़नुवाक य़ङ युङ्‌सानुम, खोन्‍कि अ़क्‍छा निएदा सेवाङ्‌नि युङानिन।”

मत्‍ति 5:9

सेवाङ्‌निओ निम्‍पाङ काचि कामुचि आसिखा कातोक्‌चि ओ, देकिनालो मोचि निनाम्‍हाङ्‌आ अ़ङ्‌छाचिनि म़लोचि।

१ पत्रुस 3:11

मो अ़अ़त्‍पादाङ्‌का लाने, खोन्‍कि अ़नुवाक काचि मुने। मोसाआ सेवाङ्‌नि लामुने खोन्‍कि मोङा त़ङ्‌तुने।

१ कोरिन्‍थि 14:26

खोन्‍नालो ब़ब़, नाना खोन्‍कि निछाचि ओ, आन्‍कान्‍का दे य़ङिन्‍का? खानानिन अ़क्‍नि त़कोविन्‍चिन्‌हिदा झाराकापाङ्‌एनान साम्‍ऱङ लुमा, चिन्‍मा, कोङ्‌दुम खालुमा, निय़ङ चेप्‍मा खोन्‍कि य़ङ्‌फान्‍मा लावामि सावा याक। ओ झारा य़ङ्‌चि साम्‍भुङ पोन्‍माओ निम्‍पाङ म़मुने।

१ कोरिन्‍थि 10:33

अ़ङ्‌काछाङ झाराकापाराआ झारासोओ अ़चुऩङानुमा काचि मुङाङा। अ़ङ्‌नुलोक अ़ङ्‌का अ़लाम्‍ऩङ, मेन ब़द्‍धेसोओ नुलोक लामुङ, खोन्‌ओसा मोचि म़लेन्‍ने।

२ तिमोथि 2:22

खोन्‌ओसा सावाछादाओ अ़अ़त्‍पा मिन्‍माचि छिरुचि, खोन्‍कि सेङ्‌याङ्‌ओ साकोङ्‌वाआ हाङ्‌पाओ अ़चुऩङ काब़क्‌चिएनान अ़क्‍नि साम्‌योक्‍मि, साकोङ्‌छ़ङ, सोमातुक्‍मा खोन्‍कि सेवाङ्‌निओ मित्‍चिऩङ्‌दा वाङा।

१ तिमोथि 1:4

खाना मोचि सोज्‍जेओ दोय़ङ्‌ला खोन्‍कि अ़चुसुन्‍तुम्‌चिओ अ़लुक्‍निन्‌ओ अ़चुसुन्‍तुम य़ङ्‌चिदा वान्‍मान्‍चिन मान्‍प़दोचि। ओसाआ निनाम्‍हाङ्‌ओ अ़चुकाचि माआङ दुम्‍तुमा य़ङ्‌चि ओन्‍ङा लोइसुचि, मोसाआ म़नाचि साकोङ्‌छ़ङ्‌दा निनाम्‍हाङ्‌ओ अ़चुमित्‍चिऩङ्‌वाको ह़ङ्‌म़ङ ह़ङ्‌मा अ़प़न्‍चिन।

२ कोरिन्‍थि 12:19

दि खानानिन त़मित्‍तुम्‌युङ्‌सुम्‌योम, ओन्‌तारि आन्‍कान्‍का आम्‍नुओ बुदा आन्‍कान्‍का आप्‍पि रात्‍तिन्‌येन्‍चिन्‍का ओ? सोमातुक्‍नाङ्‌नानिन्‌ओ यावाचि ओ, आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुपाङ्‌आ चेविन्‌येन्‍का, खोन्‍कि झारा खानानिन काछो मुमा निम्‍पाङ ओ।

१ कोरिन्‍थि 7:15

मेन साकोङ्‌छ़ङ मान्‍मुकादाआ छित्‍मानि मिन्‌नालो छित्‍मा पुवानुम। मोवात्‍नि ओ ग़रिदा साकोङ्‌छ़ङ कामुपा निछा माङ्‌लो निछामा फोङ। निनाम्‍हाङ्‌आ आन्‍कान सेवाङ्‌नि युङ्‌मा निकि म़बुत्‍ताओ।

१ कोरिन्‍थि 8:1

हान सेम्‍पोक्‌चि प़माय़ङ चामायुओ अ़तुक्‌वादा खाम्‍ने। आन्‍कान सिन्‍तुम्‌योम, आन्‍कान झाराएदा आन्‍खारु याक्‌याङ। खारुआ ऱक्‍भाक तारु, मेन सोम्‍तुक्‍माआ उन्‍निज़ङ्‌नि मुयाङ्‌सा खात्‍तु।

१ कोरिन्‍थि 10:23

खाना त़य़ङ, “देनुछाङ च़मा नु।” मेन झारा य़ङ्‌आ नुलोक म़मुनिन। खाना त़य़ङ, “देनुछाङ च़मा नु।” मेन झारा य़ङ्‌आ म़फानिन।

१ कोरिन्‍थि 14:3

मेन निनाम्‍हाङ्‌य़ङ खाकालु मो म़नाचिएनान्‌ङा चेप। मोचिओ सावा पोन्‍मा, राक पोन्‍मा खोन्‍कि सोम्‍सेत्‍माओ निम्‍पाङ खो चेप।

१ कोरिन्‍थि 14:4

साङ नि य़ङ चेप खोसाआ अ़सावा पोइसु। मेन निनाम्‍हाङ्‌य़ङ खाकालुआ साम्‍भुङ्‍ओ अ़सावा पोइसु।

१ कोरिन्‍थि 14:5

खानानिन झारा निय़ङ्‌चि चेवानिन्‌नि अ़ङ्‌का मिन्‍ङा, मेन मोदाङ्‌का च़लोक निनाम्‍हाङ्‌य़ङ खालुसानिन्‌नि अ़ङ्‌का मिन्‍ङा। साम्‍भुङ्‍ओ लावामि पोन्‍मा निम्‍पाङ अ़क्‍छाआ अ़तुप्‍माय़ङ अ़फान्‍तुन्‌नालो नि य़ङ्‌दा काचेप्‌दाङ्‌का निनाम्‍हाङ्‌य़ङ खाकालु अ़च़वाङ ओ।

एफिसि 4:12

खोन्‌ओसा, ख्रिस्‍तओ अ़चुपोक पोन्‍ने खोन्‍कि ब़त्‍माओ काचिचि कामु निनाम्‍हाङ्‍ओ अ़चुम़नाचि म़चुम्‍नान्‍चिन्‍ने निकिना खोक्‍कोसाआ ओवात्‍नि अ़मुवा।