रोमि 13:13 - बान्‍तावा राई

¹³ अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

रोमि 13:13 Referans Kwoze

गलाति 5:21

माइसुङ, सेत्‍चावा, ताकावा काच़ खोन्‍कि नि ओवाको य़ङ्‌चि ओवाको निचि ओचिओ अ़तुक्‌वादा अ़ङ्‌का खानानिन चाप्‍चेत्‍नानिन। खोन्‍कि बुयाछाङ चाप्‍चेत्‍नानिन्‌ओ। साङ्‌आ ओवाको काचिचि मुचि, निनाम्‍हाङ्‌ओ अ़चुहाङ्‌होन्‌ओ आसिखाओ पाङ्‌यि अ़लिनिन।

एफिसि 5:18

अङ्‌गुरा माङ्‌वाआ त़सेरिमिन्‍ने, देकिनालो मोसाआ खानानिन त़लुक्‍तिन, मेन सेङ्‌लावाआ भेप्‍तानिन।

१ थेसलोनिकि 4:12

खोन्‌ओसा हाङ्‌पाएदा साकोङ्‌छ़ङ मान्‍मुकादा म़नाचिआ खानानिन साया ऩमेत्‍तिन, खोन्‍कि निचिएदा देम्‍खाछाङ दोत्‍मा अ़दोत्‍निन।

१ युहन्‍ना 2:6

साङ निनाम्‍हाङ्‌एदा युङ्‌ङानि य़ङ, खो ख्रिस्‍तओ अ़चुच़माथाङ्‌मावात्‍नि कोन्‍मादोत।

एफिसि 5:15

खोन्‌ओसा देत्‍नि त़कोलिन, नुलोक मिन्‍मा पाक्‍तानुम्‌कि खानुम। अ़खारु मात्‍द़ङ्‌ओ म़नावात्‍नि माआङ, मेन खारुकातोक्‌वात्‍नि चुवानिन।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

लुका 21:34

खानानिन चाप्‍चेत्‍तानिन्‍चिन, माङ्‌नालोना आम्‍नुओ ताकावा च़मा, खाबात्‌आ सेत्‍मा, खोन्‍कि ‘देत्‍नि ह़ङ्‌मा’नि मिन्‍मा योक्‍माआ आम्‍नुओ मिन्‍मा तिमुखात्‍तु, खोन्‍किना वाय़वात्‍निङा अ़क्‍धुवा मो लेन तालाप।

१ थेसलोनिकि 5:17

अ़धुन यामारायुङ्‌सानिन,

फिलिप्‍पि 1:27

अ़च़वाङ य़ङ ओङा ओ, आम्‍नुओ ह़ङ्‌म़ङ्‌ओ च़माथाङ्‌माआ ख्रिस्‍तओ अ़चुनुय़ङ्‌खान खान्‍तुओ मुने। अ़ङ्‌का बान्‍ङाकि तुप्‍नानिन्‌नुछाङ माङ्‌लो अ़ङ्‌का अ़युङ्‌ऩङ्‌ऩङ्‌ङाने, अ़ङ्‌का ओ य़ङ आम्‍नुओ तुक्‌वादा एन्‍मा स़ङा, खानानिन अ़क्‌तात लावादा अ़क्‍नि त़लिसिन्‌कि त़एविन्‌ओ खोन्‍कि अ़क्‍मिन्‍माओ त़लिसिन्‌कि नुय़ङ्‌खान्‌ओ साकोङ्‌छ़ङ्‌ओ निम्‍पाङ अ़क्‍नि त़मुन्‌येन्‌ओ अ़ङ्‌का एन्‍मा तोक्‍तुङ्‌ने।

यहुदा 1:23

खा-खाक्‍कोचि मिओ दन्‍दादाङ्‌का लावालोत्‍तानुम्‍च़म्‌कि लेइसानुम्‍च़म। खा-खाक्‍कोचि सोमात़योक्‍तुम्‌योम्‍च़म्‌हिदा चाप्‍चेत्‍तानिन्‍चिन, हेवा काचिलाम्‍पा म़पोप्‍ताओचिओ अ़चुतित्‌छाङ चिप्‍माकात्‍तानुम।

२ युहन्‍ना 1:4

आम्‍छाचिएदा खा-खाक्‍कोचि निनाम्‍हाङ पापालाम्‍पा आन्‍कान म़लोवाओवा अ़छ़ङ्‌दा म़कोलाङाओ धिरुङ्‌च़ङ्‌कि अ़न्‍नुनु अ़ङ्‌ऩङानुवा।

याकुब 4:5

“निनाम्‍हाङ्‌आ आन्‍कान्‌एदा म़पाक्‍तापुवाओ लावा अ़न्‍नुनु ऩङ्‌च़आ भेप्‍तुयुङ्‌सु”नि साम्‍कालिन्‌दा छाप्‌याङ्‌ओ य़ङ खानानिन्‌आ सोज्‍जेनि त़मित्‍तुम्‌योम?

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

फिलिप्‍पि 2:3

देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

एफिसि 5:8

देकिनालो अ़क्‍दु खानानिन कुइयामादा त़युङिन्‌येन्‌ओ, मेन हान हाङ्‌पाएदा खानानिन त़उसिन्‌युङ्‌सिन। खोन्‌ओसा साम्‌ओ अ़छाचिवात्‍नि कोलानिन।

एफिसि 4:17

हान अ़ङ्‌का हाङ्‌पाओ अ़चुओ ऩङ्‌दा क़न्‍नान्‍चिन्‍सा य़ङ्‌ङा, खोन्‍कि हाङ्‌पादा सालुम्‍स़ङ प़ङ, निरावाचि देत्‍नि मोचिओ अ़चुमित्‍माचिओ सोज्‍जेदा म़ह़ङ, मोवात्‍नि खानानिन हान्‌दाङ्‌का मोह्‍यात्‍नि मान्‍ह़ङ्‌दानिन।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

गलाति 5:19

पोक्‌ओ हेवामि च़माथाङ्‌माओ काचिचि छेङ्‌छेङ्‌छेङ्‌वा म़मुयाङ। मोचि ताङ्‌लान, पोप्‍मा, हात्‍मा,

छाम्‍माय़ङ 2:15

खानानिन त़मित्‍तुम्‍च़म्‌वा ओचि म़सेत्‌ओ दुङ्‌मायु म़दुङाकि सेरुङुचिओ माआङ, देकिनालो ओन्‍ग़रि ना अ़वाय़ङ्‌ओ नौ ओन्‍ङा साङायुङ्‌सा।

लुका 16:19

येसुआ म़लोचि, “अ़क्‍छा कातोक म़ना युङाङा। मो अ़धुन अ़नुवाक तित हुम्‍साकि अ़लेन्‍खिन्‍तुम अ़ऩङानुनान्‍चिन्‍सा अ़ताकावा च़याङ्‌सा युङाङा।

लुका 1:6

मोचि ह़वाङ्‌साआ निनाम्‍हाङ्‌ओ अ़चुमिन्‍मावात्‍नि अ़नुवाक ह़ङ्‌म़ङ ह़ङाङाचि। निनाम्‍हाङ्‌ओ झारा लोमाय़ङ्‌चि खोन्‍कि य़ङ्‌हुप्‌चि खोचिआ मान्‍धान्‍केमाङ अ़मुवाचुचि।

१ कोरिन्‍थि 3:3

हान्‍छाङ खानानिन हेन्‍खामादाओवात्‍निङा त़मुन्‌येन, देकिनालो आम्‍नुओ रादा ऩङ्‌च़ खोन्‍कि खिमा युङ्‌याङ्‍ओसा दि खानानिन पोक्‌दाओ माआङ कि? दि खानानिन ओ हेन्‍खामादाओ म़नाओ अ़च़माथाङ्‌मावा काच़ मान्‍लित़दान कि?