खाङ्‌मुमा 12:4 - बान्‍तावा राई

⁴ मोसोओ अ़मिरिआ निनाम्‍मादुओ सुम्‌कालोक साङ्‌केन्‍माचि ब़उचिकि हेन्‍खामादा वेइसुधान्‍तुचि। नुनु छा लिछाङ मो ख़ङ्‌माखात्‍मा निम्‍पाङ मो अ़धिवा प़ नुनु छातोक्‍मा मुवाङाओ मेत्‍छामाओ अ़बुदा एवाङा।

खाङ्‌मुमा 12:4 Referans Kwoze

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।

युहन्‍ना 8:44

खानानिन आम्‍नुओ पापा सैतानाओ अ़छाचि ओ, खोन्‍कि आम्‍नुओ पापाओ अ़चुमिन्‍माचि तामालामानि खानानिन त़मिनिन। मो ना बुयादाङ्‌काङा कासेत्‍पा ओ, खोन्‍कि अ़छ़ङ्‌लिप्‍पा देम्‍खाछाङ अ़वाङ्‌निन, देकिनालो मोएदा अ़छ़ङ मात्‍द़ङ। मो सोज्‍जे चेप्‌हिदा मो अ़मिन्‍मालाम्‍पा चेप, देकिनालो मो सोज्‍जेओ खोन्‍कि झारा सोज्‍जेओसोओ अ़पा ओ।

खाङ्‌मुमा 9:19

मो युक्‌वाचिओ अ़चुसावा अ़चुदो खोन्‍कि अ़चुमिरिचिदाछाङ याआङा। मोचिओ अ़चुमिरिचि प़चिवा म़मुवाङा। मो मिरिचिओ अ़चुताङ याआङा, मोलाम्‍पा मोचिआ म़नाचि खेन म़वाइसुङुचि।

खाङ्‌मुमा 9:10

मोचिओ अ़चुमिरिचि खोन्‍कि अ़चुलिफुचि लुङ्‌छुमिओवा मुवाङा। मोचिओ अ़चुमिरिदा पाच्‌कादोङ्‌वात्‌तारि म़नाचि चाअ़त्‍लो दुखा प़मा सावा याआङा।

खाङ्‌मुमा 8:7

बुयाओ निनाम्‍हाङ काफाआ अ़थुथुरि मुत्‍तु, खोन्‍कि ह़एनान होलाङाओ नाङ खोन्‍कि मि ता, खोन्‍कि मो हेन्‍खामादा वेइसाधान्‍ता। खोन्‍कि हेन्‍खामादाओ सुम्‌कालोक्‌ओ स़ङ्‌ताङ्‌चिओ अ़क लोक खोन्‍कि झारा ल़क्‍ल़क्‍ल़क्‌वाओ घासाचि म़ह़त्‍ताखारा।

१ पत्रुस 5:8

चाप्‍चेत्‍तानिन्‍चिन खोन्‍कि चाप्‍चाप्‍चाप्‌वा युङानिन! आम्‍नुओ ङेङ सैताना काङुन धिनारावात्‍नि साङ धित्‍माकि चामा निकिना खालाम्‍सा हुलुक।

खाङ्‌मुमा 17:18

खाना त़खाओ मो मेत्‍छामा तोक्‍पो सहरा ओ, मोसाआ हेन्‍खामादाओ हाङ्‌चिदा हाङ मु।”

खाङ्‌मुमा 8:8

ह्‍वातात्‌ओतात निनाम्‍हाङ काफाआ अ़थुथुरि मुत्‍तु। खोन्‍कि मिआ लेराङाओ अ़क्‌तात अ़धिवो भ़ऱवाको धियाङ्‌वामादा वेइसादिसा। खोन्‍किना धियाङ्‌वामा सुम्‌कालोक्‌ओ अ़क लोक ह़ लिसा।

खाङ्‌मुमा 8:9

खोन्‍कि धियाङ्‌वामादा म़याआङाओ अ़ह़ङ्‌चि सुम्‌कालोक्‌ओ अ़क लोक म़सुवा, खोन्‍कि वाप्‍तेलाचिओ सुम्‌कालोक्‌ओ अ़क लोक लुक्‍ताखारा।

खाङ्‌मुमा 8:10

सुम्‌कातात्‌ओतात निनाम्‍हाङ काफाआ अ़थुथुरि मुत्‍तु, खोन्‍कि नाम्‍चोक्‌दुङ्‌का बास़ङ्‌वा लेराङाओ अ़क्‌तात अ़धिवा साङ्‌केन्‍मा धा। मो होङ्‌कुचिओ सुम्‌कालोक्‌ओ अ़क लोक्‌दा खोन्‍कि चाक्‌वाओ अ़लित्‍खाचिदा मो धा।

खाङ्‌मुमा 8:11

मो साङ्‌केन्‍माओ अ़ऩङ “ख़क्‍लेप्‍पा” ओ। मोसाआ चाक्‌वाओ सुम्‌कालोक्‌ओ अ़क लोक ख़क्‍तुखाइसु, खोन्‌ओसा मो ख़क्‍ताओ चाक्‌वाआ ब़द्‍धे म़नाचि म़सुवा।

खाङ्‌मुमा 8:12

चारकातात्‌ओतात निनाम्‍हाङ काफाआ अ़थुथुरि मुत्‍तु, खोन्‍कि नाम, लादिप्‍मा खोन्‍कि साङ्‌केन्‍माओ सुम्‌कालोक्‌ओ अ़क लोक्‌दा वेरा, खोन्‌ओसा मोचिओ अ़चुसाम्‌ओ सुम्‌कालोक्‌ओ अ़क लोक कुन्‌यामा लिसा। खोन्‍कि लेन्‌ओ सुम्‌कालोक्‌ओ अ़क लोक अ़साम माखारा, मोवात्‍निङा अ़खाखुत्‌ओ सुम्‌कालोक्‌ओ अ़क लोक्‌छाङ कुन्‌यामा लिसा।

खाङ्‌मुमा 12:7

खोन्‍किना निनाम्‍मादु ङेन लिसा। तोक्‍पो निनाम्‍हाङ काफा मिखाएल खोन्‍कि मोसोओ अ़काफाचिआ मो अ़धिवा प़एनान ङेन म़मुवा। अ़धिवा प़ खोन्‍कि मोसोओ अ़काफाचिछाङ मिखाएल खोन्‍कि मोसोओ अ़काफाचिएनान मोचिओ अ़चुदेङ्‌सालाप्‍पादा ङेन म़मुवा।

खाङ्‌मुमा 13:2

अ़ङ्‌का खाङ्‌ओ मो साक्‍स़ङ स़ङ्‌चोङ्‌खेवात्‍नि काराङा, मोसोओ अ़लाङ्‌चि माक्‍साओवा म़मुवाङा, खोन्‍कि मोसोओ अ़दो धिनाराओवा मुवाङा। मो अ़धिवाङ प़आ मो साक्‍स़ङ आप्‍पि अ़सावा, अ़हाङ्‌युङ्‌खा खोन्‍कि तोक्‍पो पाङ प़।

खाङ्‌मुमा 13:4

म़नाचिआ अ़धिवाङ प़ अ़ब़क्‍ताङा, देकिनालो मोसोओ अ़पाङ साक्‍स़ङ प़युङ्‌सु। मोचिआ ओवात्‍नि य़ङ्‌सा साक्‍स़ङ्‌छाङ अ़ब़क्‍ता, “ओ साक्‍स़ङ्‌वाको नि साङ युङ्‌याङ कि? ओसोओ अ़देङ्‌सालाप्‍पादा साङ ङेन मुमा ऱ कि?”

खाङ्‌मुमा 16:13

खोन्‍किना अ़ङ्‌का अ़धिवा प़ओ अ़दोदाङ्‌का, साक्‍स़ङ्‌ओ अ़दोदाङ्‌का खोन्‍कि सोज्‍जेओ निनाम्‍हाङ्‌य़ङ खाकालुओ अ़चुदोदाङ्‌का भोप्‍रोकोक्‌वाकोचि सुम्‌कातात चिम्‍माकात्‌ओ लावाचि म़लोन्‍ताङाओ खाङ्‌च़ङ।

खाङ्‌मुमा 20:2

मोसाआ मो अ़धिवा प़लाउ, मो चोकोरोङ्‌धिप्‍पा माङ्‌लो सैतानानिछाङ लो, खोन्‍कि अ़क हजाराकादोङ्‌ओ निम्‍पाङ मो छ़सु।