खाङ्‌मुमा 11:3 - बान्‍तावा राई

³ अ़ङ्‌को ह़वाङ अ़ङ्‌सालुम्‍स़ङ्‌चि बोराओ तित हुम्‍मेत्‍तुङ्‌च़ङ्‌कि छुत्‍तुङ्‌च़ङ खोन्‍कि अ़क हजारा ह्‍वा सये साथिकालेन्‌तारि निनाम्‍हाङ्‌ओ अ़चुय़ङ खालुमेत्‍तुङ्‌च़ङ।”

खाङ्‌मुमा 11:3 Referans Kwoze

खाङ्‌मुमा 12:6

मो मेत्‍छामा लेक्‍लेक्‍लेक्‌वाओदा फुङ्‌सा, मोदा अ़क हजारा ह्‍वा सये साथिकालेन्‌तारि मो केन्‍मा निनाम्‍हाङ्‌आ मोसोओ निम्‍पाङ युङ्‌खा अ़चुम्‍सायुङ्‌सा।

खाङ्‌मुमा 11:2

मेन ब़क्‍खाखिम्‌ओ बुङ्‌खालिप्‍पाओ बुक्‍लुङ छिरुदो, मो मान्‍हाक्‍दो, देकिनालो मो निनाम्‍हाङ मान्‍सिन्‍कादाचि म़पुवायुङ्‌सा। मोचिआ बयालिस्‌कादोङ्‌वात्‌तारि सेङ्‌याङ्‌ओ सहरा अ़पोप।

खाङ्‌मुमा 13:5

अ़धिवा प़आ मो साक्‍स़ङ ऱफोक्‌वा खोन्‍कि निनाम्‍हाङ सुङ्‌मा य़ङ्‌चि चेप्‍मा दो प़। मो बयालिस्‌कादोङ्‌वात्‌तारि मोसोओ अ़पाङ याङ्‌मा पुवा।

छाम्‍माय़ङ 13:31

खोन्‍कि खोक्‍कोएनान गालिल्‌दाङ्‌का यरुसलेम्‌दा काबान्‍चिआ खोक्‍को ब़द्‍धेकालेन्‌तारि अ़खा, खोन्‍कि खोचि आइमित्‌ओ इस्राएलि आन्‍म़नाचिओ निम्‍पाङ खोक्‍कोसोओ अ़चुसालुम्‍स़ङ म़युङ्‌याङ।

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

लुका 24:48

खानानिन अ़ङ्‌तुक्‌वादाओ झारा य़ङ्‌चिओ अ़चुसालुम्‍स़ङ्‌चि ओ।

२ कोरिन्‍थि 13:1

ओ सुम्‌कादुओदु अ़ङ्‌का खानानिन्‌एदा बान्‍ङाङाओ। साम्‍कालिन य़ङ्‌याङ, “झारा लाहि ह़वाङ माङ्‌लो सुम्‍पाङ सालुम्‍स़ङ्‌चिओ अ़चुसालुम्‍स़ङ्‌लाम्‍पा झारा य़ङ अ़छ़ङ कान्‍मादोत।”

छाम्‍माय़ङ 2:32

ओ येसुङा निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोन्‍कि ओ य़ङ्‍ओ आन्‍कान झारा अ़सालुम्‍स़ङ युङिन्‌येन।

युहन्‍ना 15:27

खोन्‍कि खानानिन बुयादाङ्‌का अ़ङ्‌काएनान त़युङिन्‌येन्‌ओसाआ, खानानिन्‌आछाङ अ़ङ्‌सालुम्‍स़ङ प़मादोत।”

मत्‍ति 18:16

मेन खोसाआ आम्‌य़ङ अ़एनुन्‌नालो नि अ़क्‍छा ह़वाङ अ़क्‍नि खात्‍तुचि, खोन्‍किना ह़वाङ माङ्‌लो सुम्‌कापाङ सालुम्‍स़ङ्‌चिओ अ़चुसालुम्‍स़ङ्‌लाम्‍पा झारा य़ङ अ़छ़ङ कान्‍मादोत।

खाङ्‌मुमा 19:10

खोन्‍किना खो सेवा मेत्‍सि अ़ङ्‌का खोसोओ अ़लाङ्‌दा बोम्‍साङ्‌च़ङ। मेन खोसाआ अ़ङ्‌का अ़लोवाङ, “खाना अ़ङ्‌का ओवात्‍नि मुमा अ़नुनिन। अ़ङ्‌का येसुओ अ़छ़ङ सालुम्‍स़ङ काखुन आम्‍निछाचि खोन्‍कि अ़क्‍निओ आम्‌यावा काफाचि ओन्‍ङा ओ। निनाम्‍हाङ ब़क्‍तु!” देकिनालो येसु ख्रिस्‍तआ खाङ्‌अ़मुसाओ अ़छ़ङ्‌आङा निनाम्‍हाङ्‌य़ङ खाकालुचि मो अ़छ़ङ य़ङ्‌खान खालुमा सावा प़चि।

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

छाम्‍माय़ङ 3:15

खोन्‍कि खानानिन्‌आ अ़लुक्‍निन्‌ओ ह़ङ्‌म़ङ काप़पा येसु रोमि रात्‍खामिचि सेत्‍त़मेत्‍तुम्‍च़म, मेन निनाम्‍हाङ्‌आ खोक्‍को म़सुवादाओदाङ्‌का अ़लासाखोन्‍तालोइसा। खोक्‍को म़खोन्‍तालोन्‍ताओ आन्‍काच्‍या खायुङ्‌साचुवा।

खाङ्‌मुमा 20:4

खोन्‍किना अ़ङ्‌का हाङ्‌युङ्‌खाचि खोन्‍कि मोचिदा कायुङ्‌चि खाङ्‌च़ङ, मोचि छ़ङ्‌छेन्‍मा पाङ म़प़युङ्‌सुचि। खोन्‍कि येसुओ अ़चुसालुम्‍स़ङ्‌ओ निम्‍पाङ खोन्‍कि निनाम्‍हाङ्‌ओ अ़चुय़ङ खाअ़लुसाओसा अ़चुताङ म़क़प्‍ताओचि, खोन्‍कि मो साक्‍स़ङ खोन्‍कि मो साक्‍स़ङ्‌ओ अ़सेम्‍पोक मान्‍ब़क्‍कादाचि खोन्‍कि मोसोओ अ़सेप्‍मा अ़चुछुक त़ऱबुप्‌दा मान्‍पाक्‍कादाचि अ़ङ्‌का खाङ्‌च़ङ। मोचि म़लासाखोन्‍तालोन्‍ता, खोन्‍कि ख्रिस्‍तएनान अ़क हजाराकादोङ हाङ म़मुवा।

एफिसि 4:11

खोन्‍कि खोक्‍कोसोओ अ़चुओ मोहामाय़ङ्‌चि ओचिङा ओ, खा-खाक्‍को छाम्‍माय़ङ्‌चि, खा-खाक्‍को निनाम्‍हाङ्‌य़ङ खाकालुचि, खा-खाक्‍को नुय़ङ्‌खान खाकालुचि, खा-खाक्‍को साम्‍भुङ्‌दाओ काखाङ्‌चि खोन्‍कि खा-खाक्‍को काचिन्‌चि म़छेन्‍तुचि।

१ कोरिन्‍थि 12:28

निनाम्‍हाङ्‌आ साम्‍भुङ्‌दा बुयाओ छाम्‍माय़ङ्‌चि, ह्‍वातात्‌ओतात निनाम्‍हाङ्‌य़ङ खाकालुचि, सुम्‌कातात्‌ओतात काचिन्‌चि, खोन्‍किना म़दोम्‍दाओ काचि कामुचि, खोन्‍कि नुमा सावा कातोक्‌चि, निचि काफाचि, बुसुवाओ सावा कातोक्‌चि, खोन्‍कि अ़खाला-अ़खालाओ य़ङ्‌चि काचेप्‌चि म़छेन्‍तुचि।

युहन्‍ना 3:27

युहन्‍नाआ लासुलोचि, “निनाम्‍हाङ्‌आ मान्‍प़माङ्‌तारि साङ्‌आछाङ दित्‍छाङ मुमा अ़ऱन।

मत्‍ति 11:21

“अ़चाअ़त्‍मादा त़छुक्‍तिन खानानिन, खोराजिन्‌दाओ म़नाचि ओ! अ़चाअ़त्‍मादा त़छुक्‍तिन खानानिन, बेथसेदादाओ म़नाचि ओ! देकिनालो खानानिन्‌एदा मुमाय़ङ्‌ओ सावापोरिओ काचिचि तुरोस खोन्‍कि सिदोन्‌दा म़मुवाओदे मोचिआ आराङ्‌ङा घोक्‍सुवारोक्‍रोक्‌ओ तित म़हुम्‍सा खोन्‍कि थाबुत्‌आ म़सोप्‍तान्‍चिन्‌कि निनाम्‍हाङ्‌एदा म़लासाचिआओ।

लुका 10:13

“अ़चाअ़त्‍मादा त़छुक्‍तिन खानानिन, खोराजिन्‌दाओ म़नाचि ओ! अ़चाअ़त्‍मादा त़छुक्‍तिन, बेथसेदादाओ म़नाचि ओ! देकिनालो खानानिन्‌एदा मुमाय़ङ्‌ओ सावापोरिओ काचिचि तुरोस खोन्‍कि सिदोन्‌दा म़मुवाओदे मोचिआ आराङ्‌ङा घोक्‍सुवारोक्‍रोक्‌ओ तित म़हुम्‍सा खोन्‍कि थाबुत्‌आ म़सोप्‍तान्‍चिन्‌कि निनाम्‍हाङ्‌एदा म़लासाचिआओ।

खाङ्‌मुमा 11:6

निनाम्‍हाङ्‌ओ अ़चुय़ङ मोचिआ खाम़एत्‍तुङुचिओन वा अ़तानिन्‍ने निकिना निनाम्‍मा छेक्‍मा ऱमा सावा याक्‌याङ। खोन्‍कि चाक्‌वा ह़ मुमा खोन्‍कि खोचि खाउग़रि हेन्‍खामादा अ़खाला-अ़खालाओ चाअ़त्‍लो दुखाचि हेन्‍खामादा तात्‍मानि मिन्‍चि मो पाङ्‌छाङ मोचिएदा युङ्‌याङ।