मर्कुस 5:19 - बान्‍तावा राई

¹⁹ मेन येसुआ खो मान्‍प़अ़दा। खोन्‍कि खोक्‍कोसाआ खो अ़लोवा, “आम्‍खिम खारा, खोन्‍कि आम्‍म़नाचि निनाम्‍हाङ्‌आ आम्‍को निकि दे ऩमुवायुङ्‌सा, खोन्‍कि खाना देम सोमाऩतुक्‍तायुङ्‌सा, मोचि खाएत्‍तुचि।”

मर्कुस 5:19 Referans Kwoze

युहन्‍ना 4:29

“बानानिन्‌कि अ़क्‍छा म़ना खानुम, खोक्‍कोसाआ अ़ङ्‌का मुङ्‌च़ङ्‍ओ झारा काचिचि खाऩएत्‍ताङ। मात्‌दे, खोक्‍को ख्रिस्‍त ना माआङ?”

लुका 8:39

“आम्‍खिम लासाखारा खोन्‍कि निनाम्‍हाङ्‌आ आम्‍को निकि देम अ़धिवाङ काचि ऩमेत्‍तापुवाओ दुम खाएत्‍तुचि।” खोन्‍किना मो म़ना खारालावा खोन्‍कि येसुआ खोसोओ निकि अ़मेत्‍तापुवाओ अ़धिवाङ काचिओ अ़तुक्‌वादा सहरा भेप्‍लो खालुसु।

मर्कुस 5:20

खोन्‍किना मो म़ना खारालावा, खोन्‍कि येसुआ खोसोओ निकि झारा काचिचि अ़मुवाओ अ़तुक्‌वादा देकापोलिस्‌दा खालुमा पुङ्‌सु, खोन्‍कि झारा म़नाचि दोम्‍तुदोचि।