मर्कुस 16:15 - बान्‍तावा राई

¹⁵ खोन्‍कि येसुआ मोचि म़लोचि, “झारा हेन्‍खामादा खारानिन, खोन्‍कि झारा म़नाचि नुय़ङ्‌खान खाएत्‍तानुम्‍च़म!

मर्कुस 16:15 Referans Kwoze

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

मर्कुस 13:10

खोन्‍कि बुया झारा रावाचि नुय़ङ्‌खान खाएत्‍माचिदोत।

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

१ युहन्‍ना 4:14

निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 20:21

खोन्‍कि येसुआ मोचि म़लासुलोचि, “खानानिन सेवाङ्‌नि लिसानिन! देत्‍नि पापा निनाम्‍हाङ्‌आ अ़ङ्‌का ऩछुत्‍ताङ, मोवात्‍निङा अ़ङ्‌काछाङ खानानिन छुत्‍नानिन।”

कलस्‍सि 1:23

मोवात्‍नि लिमाओ निम्‍पाङ खानानिन आम्‍नुओ साकोङ्‌छ़ङ्‌दा ओह्‍यात्‍नि-मोह्‍यात्‍नि मान्‍लिमाङ युङ्‌मादोत, खोन्‍कि खानानिन्‌आ नुय़ङ्‌खान त़एनुम्‌हिदा निनाम्‍हाङ्‌आ ऩहिप्‍तिन्‌ओ य़ङ खोसाआ ऩप़न्‌निओ य़ङ्‌दा अ़छ़ङ लिमाकि युङ्‌मायुङ्‌मादोत। मो नुय़ङ्‌खान हेन्‍खामादाओ झारा म़नाचि खाम़एत्‍तायुङ्‌सा। अ़ङ्‌का पावल मो नुय़ङ्‌खान खाकालु हारुक लिसाङ्‌युङ्‌साङ।

रोमि 16:26

मेन हान अ़धुन युङ्‌युङ्‌ओ निनाम्‍हाङ्‌ओ अ़चुलोमाय़ङ्‌वा निनाम्‍हाङ्‌य़ङ खाकालुचिओ अ़चुछाप्‍माचिलाम्‍पा खाङ्‌म़मेत्‍तुयुङ्‌सुचि खोन्‍कि झारा रावाचि सिन्‍म़मेत्‍तुयुङ्‌सुचि, खोन्‌ओसा मोचि साकोङ्‌छ़ङ म़मुने, खोन्‍कि लोमावा च़मा म़ऱने।

रोमि 10:18

मेन अ़ङ्‌का खासेन्‍ङा, दि मोचिआ मान्‌एन्‌अ़युक? अ़नुछ्‍याङा मोचिआ अ़एनायुङ्‌सा, देकिनालो “मोचिओ अ़चुय़ङ्‌चि झारा हेन्‍खामादा तालायुङ्‌सा, खोन्‍कि मोचिओ अ़चुय़ङ्‌खान्‌आ हेन्‍खामा भेप्‍तायुङ्‌सा।”

खाङ्‌मुमा 14:6

खोन्‍किना निनाम्‍हाङ काफा नाम्‍चोक्‌ओ अ़रादु पियाङाओ अ़ङ्‌का खाङ। हेन्‍खामादा कायुङ झारा रावाचि, भुङ्‌चि, य़ङ्‌चि खोन्‍कि म़नाचि खाएत्‍मा अ़धुन्‌तारिओ नुय़ङ्‌खान मोएदा याआङा।

कलस्‍सि 1:6

निनाम्‍हाङ्‌ओ अ़नुछ्‍याओ अ़चुसोम्‍तुक्‍मा खानानिन्‌आ त़एनुम्‌कि त़तुप्‍तुम्‌ओ लेन्‌दाङ्‌का नुय़ङ्‌खान्‌आ आम्‍नुओ रादा अ़सिवा सिसुङु। मोवात्‍निङा ओ नुय़ङ्‌खान्‌आ झारा हेन्‍खामादा फेयाङ्‌सा काचि मुङु।

एफिसि 2:17

खोक्‍को म़ताकि खानानिन खाक्‍को अ़थाया त़लिसिन्‌ओचि सेवाङ्‌निओ नुय़ङ्‌खान खोन्‍कि अ़चुच़क्‌दाओचि सेवाङ्‌नि खाऩएत्‍तिन।