मर्कुस 15:46 - बान्‍तावा राई

⁴⁶ खोन्‍किना योसेफ्‌आ अ़लुङ छ़साङाओ स़पोक रिप्‍खा बाङ्‌गाय़ तित खिरु, खोन्‍कि येसुओ अ़चुस़पोक क्रुस्‌दाङ्‌का धान्‍तुकि स़पोक रिप्‍खा छ़साङाओ तित्‌आ रिप्‍तु, खोन्‍कि लुङ्‌छ़ङ अ़क़प्‍ताकि अ़मुवायुङ्‌साओ अ़क्‌तात एप्‍मादा युङ्‌सु। खोन्‍कि खोसाआ अ़क्‌तात अ़धिवो लुङ्‌ताक एप्‍माओ अ़दोदा ध़सुदिप्‍तु।

मर्कुस 15:46 Referans Kwoze

युहन्‍ना 11:38

खोन्‍किना येसु हान्‍छाङ अ़चुमिन्‍मादा चाअ़त्‍लो लियाङ्‌सा एप्‍मादा म़खारा। मो एप्‍मा अ़क्‌तात बुक्‍ताङ ओ। मोसोओ अ़दोदा अ़क्‌तात लुङ्‍आ दिप्‍ताङा।

लुका 23:53

खोन्‍किना खोक्‍कोसोओ अ़चुस़पोक धान्‍तु, खोन्‍कि अ़नुवाक तित्‌आ फेप्‍तुकि लुङ्‌छ़ङ अ़क़प्‍ताकि अ़मुवायुङ्‌साओ अ़क्‌तात एप्‍मादा युङ्‌सु। मोदा बुया साङ्‌छाङ मान्‌युङ्‌अ़युक्‍ता।

मत्‍ति 28:2

मोदा अ़धिवो लुत्‍लि खारा! देकिनालो निनाम्‍हाङ्‌ओ अ़क्‍छा अ़चुकाफा निनाम्‍मादुङ्‌का धाकि लुङ्‌ताक ह्‍यात्‍नि ध़सुखाइसुकि मो दुङ्‌दा युङा।

मर्कुस 15:45

खोसाआ रात्‍खामिचिओ अ़चुकप्‍तानादाङ्‌का सिन्‍तुकिना पिलातस्‌आ येसुओ अ़स़पोक योसेफ खात्‍मा प़।

मर्कुस 15:47

मग्‍दला सहरादाओ मरियम खोन्‍कि योसेफ्‌ओ अ़मा मरियम्‌आ येसु एप्‍मादा युङ्‌साङाओ अ़खाङाचु।

युहन्‍ना 11:41

मोचिआ लुङ अ़चुमा। खोन्‍किना येसुआ धात्‍नि अ़चोआकिना म़य़ङा, “आपो, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ अ़ङ्‌यामात्‍मा त़एन्‍निप़नि।

युहन्‍ना 20:1

साताओ बुयाओ लेन अ़वाय़ङ खामान्‍दात्‌युक्‍ताहिदाङा मग्‍दला सहरादाओ मरियम एप्‍मादा ताला, खोन्‍कि मोसाआ एप्‍माओ अ़दो दिप्‍खा लुङ्‌ताक ध़साखाइसायुङ्‌साओ धिरु।