मर्कुस 12:40 - बान्‍तावा राई

⁴⁰ मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

मर्कुस 12:40 Referans Kwoze

लुका 20:47

मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

मत्‍ति 23:33

खानानिन प़चि ओ! अ़छ़क्‌एनान्‌ओ प़ओ अ़छाचि, खानानिन सित्‍म़ङ दुखातोक्‍खादाओ दन्‍दादाङ्‌का देत्‍नि त़लेरिन?

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मत्‍ति 6:7

खोन्‍कि यात़मारिन्‌येन्‌हिदा निनाम्‍हाङ मान्‍सिन्‍कादाचिवात्‍नि अ़तुप्‍माय़ङ मात्‍द़ङ्‌ओ ब़द्‍धे य़ङ्‌चिदा यामान्‍मात्‌दानिन। देकिनालो ब़द्‍धे य़ङ्‌चि लाय़ङ्‌याङ्‌सा यामारिन्‌हिदा म़एन्‍प़नि मोचि म़मिन।

२ तिमोथि 3:6

देकिनालो मोचिदाओ खा-खाक्‍को खिम-खिम्‌दा म़वाङ्‌कि हेवाआ तिमुङुचिओ खोन्‍कि झाराकापाराओ मिन्‍माचिआ लाउचिओ मान्‍ऱकादा मेत्‍छामाचि म़क़म्‍तुचि।

मत्‍ति 23:14

[अ़चाअ़त्‍मादा त़छुक्‍तिन साय्‌योक काचिन खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो मेन्‍मित्‍माचिओ अ़चुखिम्‌चि त़ङाप्‍तुम्‍च़म, खोन्‍किना म़नाचिआ साम्‌योक्‍मिनि ऩमित्‍तिन्‍काने निकिना खानानिन ब़द्‍धे मेत्‍लोदा यात़मारिन। खोन्‌ओसा निचिदाङ्‌का च़लोक खानानिन दन्‍दा त़तोक्‍तुम।]

मर्कुस 12:39

खोन्‍कि यावायोक्‍खिम्‌चिदा मुलो युङ्‌खाचिदा खोन्‍कि खाबाचा चाखाचिदा सायातोक्‍खादा युङ्‌मा अ़चुऩङानु।

२ कोरिन्‍थि 11:20

खाक्‍को अ़क्‍छा म़नाआ खानानिन हारुक त़मुन माङ्‌लो खानानिन ऩच़न्‍तिन माङ्‌लो खानानिन त़लुत्‍तिन माङ्‌लो खो आप्‍पि ऱक्‍भाक मु माङ्‌लो आम्‍नुओ खोम्‍ताङ्‌मादा त़फेङ्‌सिन्‌नुछाङ खानानिन्‌आ झारा त़आङ्‌तुम।