मर्कुस 11:33 - बान्‍तावा राई

³³ खोन्‌ओसा मोचिआ येसु अ़लासालोवा, “आन्‍कान्‍का अ़सिन्‍तिमिन्‍का।” खोन्‍कि येसुआ मोचि म़लोचि, “अ़ङ्‌काछाङ खाक्‍को पाङ्‌आ ओ काचिचि मुङ्‌योङ्‌च़ङ, मो खानानिन अ़लोनान्‍निमिन।”

मर्कुस 11:33 Referans Kwoze

२ कोरिन्‍थि 3:15

उवा, आइमित्‌तारि मोसाओ अ़य़ङ्‌हुप मोचिआ अ़खिप्‌हिदा अ़चुओ साकोङ्‌वाचिदा मुन्‍जेत्‌आ दिप्‍तुङु।

रोमि 1:28

खोन्‍कि मोचिआ निनाम्‍हाङ लोक्‍मा अ़खान्‍तुन्‍लो अ़खाओसा निनाम्‍हाङ्‌आ मोचिओ अ़त्‍लो अ़चुमिन्‍मा खोन्‍कि खान्‌अ़त्‍लो च़माथाङ्‌मादा मोचि म़लेरुखाइसुचि।

युहन्‍ना 9:27

खोसाआ मोचि लासुलोचि, “अ़ङ्‌का खानानिन आत्‍थुङा लोनाचिन्‍नानिन, मेन खानानिन्‌आ मान्‌एन्‍त़दोम। हान देकि खानानिन लामाएन्‍मा त़स़न्‌येन? खानानिन्‌छाङ खोक्‍कोसोओ अ़चुकाखेङ्‌पा लिमा त़लामिन्‌येन हे देत्‍नि?”

युहन्‍ना 3:10

येसुआ मो अ़लासालोवा, “खाना इस्राएल्‌दाओ काचिन्‍पा ओ, खोन्‍नुछाङ ओ य़ङ्‌चि त़तुप्‍तुन्‍चिन?

मत्‍ति 21:27

खोन्‌ओसा मोचिआ येसु अ़लासालोवा, “आन्‍कान्‍का अ़सिन्‍तिमिन्‍का।” खोन्‍कि येसुआ मोचि म़लोचि, “अ़ङ्‌काछाङ खाक्‍को पाङ्‌आ ओ काचिचि मुङ्‌योङ्‌च़ङ, मो खानानिन अ़लोनान्‍निमिन।”

मत्‍ति 16:4

अ़अ़त्‍पा खोन्‍कि साकोङ्‌छ़ङ मान्‍मुकादा म़नाचि म़दोम्‍दाओ बुन म़लाम, मेन खानानिन्‌आ निनाम्‍हाङ्‌य़ङ खाकालु योनाओ अ़बुन्‌दाङ्‌का नि बुन त़तोक्‍तिमिन।” खोन्‍किना मोचि म़छिरुदोचिकि येसु म़खारालोन्‍ता।

मत्‍ति 15:14

मोचि मान्‍नेत्‌दानुम्‍च़म। मोचि ना दोप्‍म़क बुसुवाचि ओ। अ़क्‍छा दोप्‍म़क्‌आ दोप्‍म़क म़ना तित्‍तुनालो खोचि ह़वाङ्‌माङ होक्‍लुम्‌दा वाङ्‌चि।”

मर्कुस 11:32

मेन ‘म़नादाङ्‌का’नि आन्‍कान य़ङिन म़ल़क?” मोचि मोवात्‍नि य़ङ्‌मा म़ना मुक्‍लाचिदाङ्‌का म़क़सा। देकिनालो झाराकापाङ्‌आ युहन्‍ना अ़नुछ्‍याओ निनाम्‍हाङ्‌य़ङ खाकालुनि अ़मित्‌याङ।

मर्कुस 12:1

खोन्‍किना येसुआ मोचिएदा दोय़ङ्‌लादा चेप्‍मा अ़पुङ्‌सा। “अ़क्‍छा म़नाआ अङ्‌गुराखा पाउ, खोन्‍कि खोसाआ अङ्‌गुराखाओ अ़ऱङ्‌कोप्‍नि उप्‍तु, खोन्‍कि अङ्‌गुरा खोक्‍खा अ़क्‌तात होक्‍लुम तु, खोन्‍कि अ़क्‌तात खा-खाङ्‌का तुङ मु। खोन्‍किना मो अङ्‌गुराखा हामाचामादा काचि कामुचि प़दोचिकि खो प़न्‍था खारा।