मर्कुस 10:33 - बान्‍तावा राई

³³ “एनानुम, आन्‍कान यरुसलेम्‌ह्‍यात्‍नि खारिन्‌येन। मोदा म़नाओ अ़छा मुलो काब़क्‍पाचि खोन्‍कि य़ङ्‌हुप काचिन्‍पाचिओ अ़चुछुक्‌दा अ़पाक। मोचिआ खो सेत्‍मादोत निकिना लाहि अ़पाक, खोन्‍कि निरावाचिओ अ़चुछुक्‌दा अ़पाक।

मर्कुस 10:33 Referans Kwoze

मत्‍ति 27:2

खोन्‍किना मोचिआ येसु अ़छ़साकि रोमि धिखाहुप काखाङ पिलातस्‌एदा अ़खात्‍ता।

मर्कुस 8:31

खोन्‍किना येसुआ अ़चुकाखेङ्‌पाचि “म़नाओ अ़छाआ ब़द्‍धे दुखा आङ्‌मादोत, अ़धुवाचि, मुलो काब़क्‍पाचि, खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत, मेन सुम्‌कालेन्‌दा लाखोन्‍लोन्‌नि लोयाङ्‌सा खोचि चिन्‍मा म़पुक्‍तुचि।”

मत्‍ति 26:66

खानानिन दे त़य़ङिन म़ल़क?” मोचिआ अ़लासालोवा, “ओ सेत्‍माङा खान्‍तु।”

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

याकुब 5:6

खानानिन फित्‍चि मान्‍मुकादा साम्‌योक्‍मि म़नाचि खानानिन्‌आ लाहि त़पाक्‍तुम्‍च़म्‌कि त़सेरुम युङ्‌सुम्‍च़म।

छाम्‍माय़ङ 20:22

हान एनानुम, अ़ङ्‌का सेङ्‌लावाओ अ़लोमाय़ङ काङ्‌साङ्‌कि यरुसलेम्‌ह्‍यात्‍नि खात्‍ङाङा। मोदा दे लिङाओ अ़ङ्‌का अ़सिन्‍ऩङ्‌ऩङ।

छाम्‍माय़ङ 13:27

मेन यरुसलेम्‌दा कायुङ म़नाचि खोन्‍कि खोचिओ अ़चुबुसुवाचिआ येसु कालेन्‍पा निकिना मान्‍सिन्‌अ़दा। मोचिआ झारा सावातोम्‍खा-लेन्‌दा अ़खिप्‍ताङाओ निनाम्‍हाङ्‌य़ङ खाकालुचिओ अ़चुय़ङ मान्‍तुप्‌अ़दाकिना येसु स़माओ दन्‍दा अ़पुवा, खोन्‍कि निनाम्‍हाङ्‌य़ङ खाकालुचि म़चेवाओ य़ङ अ़तासाला।

युहन्‍ना 19:11

येसुआ अ़लासालोवा, “खानानिन्‌आ धानाङ्‌का मान्‍तोक्‍त़दोम्‌ओदे अ़ङ्‌काएदा आम्‍नुओ पाङ दित्‍छाङ मान्‍लिओ। खोन्‌ओसा अ़ङ्‌का आम्‍नुओ छुक्‌दा कापाक प़ तोक्‍पो हेवामि ओ।”

युहन्‍ना 18:28

खोन्‍किना मोचिआ येसु कैयाफास्‌ओ अ़खिम्‌दाङ्‌का रोमि हाङ्‌मुखा खिम्‌ह्‍यात्‍नि अ़खात्‍ता। मोन्‍ग़रि अ़वाय़ङ्‌साऱङ लिसायुङ्‌सा। पोप्‍तिन्‌कि काक्‍माखात्‍मा चानुचा चामा अ़तोक्‍तिमिन निकिना मोचि रोमि हाङ्‌मुखा खिम्‌दा मान्‌वाङ्‌चि।

लुका 23:21

मेन मोचि ओवात्‍नि य़ङ्‌याङ्‌सा म़पारायुङ्‌सा, “मो क्रुस्‌दा ख़न्‍तासेरानुम! मो क्रुस्‌दा ख़न्‍तासेरानुम!”

लुका 9:22

खोन्‍कि खोक्‍को म़य़ङा, “अ़ङ्‌का म़नाओ अ़छाआ ब़द्‍धे दुखा आङ्‌मादोत खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत मेन खो सुम्‌कालेन्‌दा स़दाओदाङ्‌का लाखोन्‍लोन।”

मर्कुस 15:1

अ़वाय़ङ खादात्‍मा मुवाङाहिदा मुलो काब़क्‍पाचि, म़नाचिओ अ़चुअ़धुवाचि, खोन्‍कि मोसाओ अ़य़ङ्‌हुप काचिन्‍पाचिकिना धियायोक्‍खादाओचि झारा याम़योआ। खोन्‍कि येसु अ़छ़साकि मोचिआ रोमि हाङ्‌काचि कामु पिलातस्‌एदा अ़खात्‍ता।

मर्कुस 14:64

ओसाआ निनाम्‍हाङ्‌ओ अ़सायापेप्‍तुओ खानानिन्‌आ त़एनुम्‌युङ्‌सुम! खानानिन देत़य़ङिन म़ल़क?” खोन्‍कि मोचि झारासा सेत्‍माङा खान्‍तु निकिना खोक्‍को अ़ह़त्‍ता।

मर्कुस 9:31

देकिनालो खोक्‍कोसाआ अ़चुओ काखेङ्‌पाचि म़चिन्‍तुचि खोन्‍कि म़लोचि, “म़नाओ अ़छा अ़लाप्‌कि म़नाचिओ अ़चुछुक्‌दा अ़पाक। मोचिआ खो अ़सेत, मेन सुम्‌कालेन्‌दा खो लाखोन्‍लोन।”

मर्कुस 9:12

येसुआ मोचि म़लासुलोचि, “अ़नुछ्‍या, एलिया बुया ता, खोन्‍कि झारा य़ङ्‌चि लासुतोङ्‌सुचि। खोन्‍नुछाङ म़नाओ अ़छाआ चाअ़त्‍लो दुखा आङ्‌मा खोन्‍कि झारासा ऩङाअ़छित निकिना साम्‍कालिन्‌दा देत्‍नि छाप्‌याङ?

युहन्‍ना 18:32

खोक्‍कोसोओ अ़चुस़मा खाउ पाराआ लिओ मोसोओ अ़तुक्‌वा खाङ्‌मुयाङ्‌सा येसु म़चेवाओ य़ङ तालाने निकिना ओवात्‍नि लिसाओ।