मर्कुस 1:21 - बान्‍तावा राई

²¹ खोन्‍कि येसु अ़चुकाखेङ्‌पाचिएनान कफर्नहुम म़खारा, खोन्‍कि सावातोम्‍खा-लेन यावायोक्‍खिम्‌दा म़वाङाकिना म़चिन्‍तुचि।

मर्कुस 1:21 Referans Kwoze

मर्कुस 6:2

खोन्‍कि सावातोम्‍खा-लेन्‌दा येसुआ यावायोक्‍खिम्‌दा चिन्‍मा म़पुङ्‌सुचि। खोन्‍कि ब़द्‍धेकापाङ खोक्‍कोसोओ अ़चुय़ङ काएन्‌चि दोम्‍तुदोचि, खोन्‍कि य़ङ्‌मा अ़पुङ्‌सा, “खादाङ्‌का ओ म़नाआ ओ झारा तायाचि तोक्‍तुचि? साङ्‌आ खोक्‍को ओवाको ताया अ़पुवा ओ? देत्‍नि खोक्‍कोसाआ ओवाको म़दोम्‍दाओ काचिचि अ़चुछुक्‌लाम्‍पा म़मुङुचि ओ?

मर्कुस 1:39

खोन्‍किना येसु झारा गालिल्‌दा मोचिओ अ़चुयावायोक्‍खिम्‌चिदा खालुयाङ्‌सा खोन्‍कि चाकावालावाचि लोन्‌याङ्‌सा म़कोला।

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

छाम्‍माय़ङ 17:2

पावल अ़धुन चुवाङावा यावायोक्‍खिम्‌दा वाङा। खोसाआ सुम्‌कासातातारि साम्‍कालिन्‌ओ अ़तुक्‌वादा मोदाओ म़नाचिएनान दुम्‍म़तुसा।

छाम्‍माय़ङ 18:4

झारा सावातोम्‍खा-लेन पावल यहुदिचिओ अ़चुयावायोक्‍खिम्‌दा खाराकि यहुदिचि खोन्‍कि ग्रिक्‌चिएनान दुम्‍तुसाङा, खोन्‍कि मोचि हाङ्‌पाएदा साकोङ्‌छ़ङ मुवानिन्‌नि लोङुचि।

मत्‍ति 4:13

खोन्‍कि नासरत अ़छिरादाकि कफर्नहुम म़खारा खोन्‍कि मोदा म़युङा। कफर्नहुम सहरा जबुलुन खोन्‍कि नप्‍तालिओ खाहुप्‌दाओ गालिल धियाङ्‌वामाओ अ़केम्‌दा छुक।

लुका 13:10

यहुदिचिओ सावातोम्‍खा-लेन्‌दा येसुआ अ़क्‌तात यावायोक्‍खिम्‌दा म़चिन्‍तुङुचि।

लुका 10:15

कफर्नहुम्‌दाओ म़नाचि ओ! दि निनाम्‍मादु साऩङ्‌वा तोक्‍तिन्‍कानि खानानिन त़मिनिन्‌येन? खानानिन सित्‍म़ङ दुखा तोक्‍खायु त़धान।”

लुका 4:16

येसु म़पोयाओ नासरत तेन्‌दा म़तादिसाकि अ़धुन्‌वात्‍निङा यहुदिचिओ सावातोम्‍खा-लेन्‌दा यावायोक्‍खिम्‌दा म़खारा खोन्‍कि साम्‍कालिन खिप्‍सि म़एवा।

मर्कुस 10:1

खोन्‍किना येसुआ मो तेन अ़छिरादाकि यर्दन याङ्‌वामाओ अ़ह्‍याउधेत यहुदिया धिखाहुप्‌ह्‍यात्‍नि म़खारा। खोन्‍कि म़ना मुक्‍लाचि खोक्‍कोएदा म़लासान्‍कोवान्‍चिन, खोन्‍कि खोक्‍कोसाआ अ़धुन्‌वात्‍निङा मोचि चिन्‍मा म़पुङ्‌सुचि।

मर्कुस 2:1

अ़क्‍चित लेन्‌कि येसु कफर्नहुम म़लासाकिना खोक्‍को खिम्‍दाङा म़युङ्‌याङ्‌निओ य़ङ म़नाचिआ अ़एना।

मर्कुस 1:20

खोक्‍कोसाआ च़क्‍नि खोचि म़बुत्‍तुचि, खोन्‍कि खोचिआ अ़चुपा जब्‍दिया काफाचिएनान नावादा अ़छिरादाचु खोन्‍कि येसु अ़त़ङ्‌ताचु।

मर्कुस 1:29

खोन्‍कि येसु मोन्‍ग़रिङा यावायोक्‍खिम अ़छिरादाकि याकुब खोन्‍कि युहन्‍नाएनान सिमोन खोन्‍कि अन्‍द्रियास्‌ओ अ़चुखिम्‌दा म़खारा।

मर्कुस 1:33

खोन्‍कि झारा सहरादाओ म़नाचि खिम्‌ओ अ़बुक्‍लुङ्‌दा म़कोवान्‍चिन।

मर्कुस 3:1

येसु आदेङ्‌माङ्‌छाङ यावायोक्‍खिम्‌दा म़लासावाङा। मोदा अ़क्‍छा अ़छुक छोवाखाराओ म़ना युङाङा।

लुका 4:23

खोन्‍कि येसुआ मोचि म़लोचि, “हान ब़द्‍धे म़नाचिआ अ़एनाओ ओ दोय़ङ्‌ला नुछ्‍याङा खानानिन्‌आ अ़ङ्‌का त़लोङाऩङ, ‘ओक्‍तोकामेत! खाना आप्‍पि नुसान्‍चिन। कफर्नहुम तेन्‌दा खाना त़मुओ सावा काचि आन्‍कान्‍काआ एनुम्‌युङ्‌सुम्‍का, मो काचि ओक्‍को आम्‍तेन्‌दाछाङ मु।’”