मत्‍ति 7:2 - बान्‍तावा राई

² देकिनालो देत्‍नि खानानिन नि म़नाचि छ़ङ्‌त़छेन्‍तुम्‍च़म, मोवात्‍निङा निनाम्‍हाङ्‌आ खानानिन्‌छाङ छ़ङ्‌ऩछेन्‍तिन। खाउ हाक्‍खाआ नि म़नाचि खानानिन त़हाक्‍तुम्‍च़म, मो हाक्‍खाआङा खानानिन्‌छाङ निनाम्‍हाङ्‌आ ऩहाक्‍तिन।

मत्‍ति 7:2 Referans Kwoze

याकुब 2:13

देकिनालो साङ्‌आ सोमातुक्‍मा खाङ्‌मान्‍मुयुक्‍तु, निनाम्‍हाङ्‌आ खो छ़ङ्‌अ़छेन्‌हिदा सोमा ऩतुक्‍तुन। मेन सोमातुक्‍मा छ़ङ्‌छेन्‍माएदा छो।

मर्कुस 4:24

खोन्‍कि येसुआ मोचि म़लोचि, “खानानिन त़एनुम्‌ओ य़ङ्‌ओ अ़तुक्‌वादा मिन्‍मा पाक्‍तानुम! खाउ हाक्‍खाआ नि म़नाचि खानानिन त़हाक्‍तुम्‍च़म, मो हाक्‍खाआङा खानानिन्‌छाङ निनाम्‍हाङ्‌आ ऩहाक्‍तिन, खोन्‍कि मोदाङ्‌काछाङ च़लोक त़तोक्‍तुम।

लुका 6:38

पुवानुम्‍च़म, खोन्‍कि निनाम्‍हाङ्‌आछाङ खानानिन ऩप़न। खोक्‍कोसाआ ना स़क्‌याङ्‌सा, ङाङ्‌याङ्‌सा थोक्‍खात्‌याङ्‌लो आम्‍नुओ बोकोङ्‌दा च़लोक ऩपाक्‍तिन्‍प़न। खाउ हाक्‍खाआ नि म़नाचि खानानिन त़हाक्‍तुम्‍च़म, मो हाक्‍खाआङा खानानिन्‌छाङ निनाम्‍हाङ्‌आ ऩलासिन्‍हाक्‍तिन।”

खाङ्‌मुमा 18:6

देत्‍नि नि म़नाचि मुयुङ्‌सुचि मोवात्‍निङा मो मुवानुम। मोसाआ मुओ अ़काचिओ ह्‍वास़रो लासापुवानुम, मोसाआ अ़लाङ्‌चोक्‍खुङ्‌दा चुम्‍सुओ दुङ्‌मायुदाङ्‌का ह्‍वास़रो च़लोक ऱक्‍खाक्‍खाक्‌वाओ दुङ्‌मायुआ भेम्‍सापुवानुम।

२ कोरिन्‍थि 9:6

य़ङ ओङा ओ: “अ़क्‍चिलोक कापाक्‌आ अ़क्‍चिलोक्‌ङा कोउ, खोन्‍कि च़लोक कापाक्‌आ च़लोक्‌ङा कोउ।”

मत्‍ति 6:14

खानानिन्‌आ म़नाचिओ अ़चुहेवाचि त़लेत्‍तुम्‍च़म्‌नालो निनाम्‍मादु कायुङ आम्‍नुओ पापाआछाङ आम्‍नुओ हेवाचि ऩलेत्‍तिन्‍प़न।