मत्‍ति 21:5 - बान्‍तावा राई

⁵ “सियोन्‌दा कायुङ म़नाचि ओ, खानुम, आम्‍नुओ हाङ खानानिन्‌एदा, सिम्‍नान्‍चिन्‍सा, गधा धुङ्‌दा म़वाङ्‌कि, गधाओ अ़क्‌तात अ़छादुङ्‌दुङ्‌का म़तायाङ।”

मत्‍ति 21:5 Referans Kwoze

मत्‍ति 11:29

अ़ङ्‌कोम खुयानुम, खोन्‍कि अ़ङ्‌काएदाङ्‌का चिन्‍तानिन्‍चिन, देकिनालो अ़ङ्‌मिन्‍मा नोत्‌याङ्‌ओ खोन्‍कि कासिम्‍नान्‍चिन मुङाङा। खोन्‍किना खानानिन्‌आ आम्‍नुओ ह़ङ्‌म़ङ्‌चिदा सावातोम्‍मा त़तोक्‍तुम।

मत्‍ति 2:6

‘खोन्‍कि खाना बेथलेहेम, यहुदियाओ थाम्‍पुक्‌दा, खाना यहुदादाओ हाङ्‌कामुचिओ अ़चुरादा देत्‍निकिछाङ अ़चुप्‍पो त़मुनानान, देकिनालो खानाएदाङ्‌का अ़क्‍छा हाङ्‌कामु लोन, खोन्‍कि खोक्‍कोसाआ इस्राएलि अ़ङ्‌म़नाचि म़तित्‍तुचि।’”

मत्‍ति 2:2

“यहुदिचिओ अ़चुहाङ म़लिसाओ अ़ऩङ्‌वा छा खादा म़युङ्‌याङ? आन्‍कान्‍का खोक्‍कोसोओ अ़चुसाङ्‌केन्‍मा बुसुहोन्‌या खाम्‍का, खोन्‍कि खोक्‍को ब़क्‍सि तान्‌युङ्‌सिन्‍का।”

२ कोरिन्‍थि 10:1

खा-खाक्‍को म़नाचि म़य़ङ, अ़ङ्‌का पावल, आम्‍नुओ बुदा खोन्‍कि सिम्‍ङान्‍च़ङ, मेन अ़थाया लिङाहिदा खानानिन्‌एदा छाक्‍लो लिङा! ख्रिस्‍तओ अ़चुसिम्‍मान्‍चिन खोन्‍कि अ़चुसोम्‍तुक्‍मालाम्‍पा अ़ङ्‌का खानानिन लोनाङ्‌नानिन।

युहन्‍ना 1:49

नथानेल्‌आ खोक्‍को लासुलो, “रब्‍बि, खानानिन निनाम्‍हाङ्‌ओ अ़चुछा ओ, खानानिन इस्राएल्‌दाओ हाङ ओ।”

मत्‍ति 21:6

काखेङ्‌पाचि खाराचि खोन्‍कि येसुआ मोचि लोचिओवा चुवाचि।

लुका 24:27

खोन्‍किना मोसाओ अ़छाप्‍लाखा खोन्‍कि नि झारा निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का अ़पुङ्‌साकि झारा साम्‍कालिन्‌दा येसुओ अ़तुक्‌वादा म़छाप्‍ताङाओ य़ङ्‌चिओ अ़चुतुप्‍माय़ङ्‌चि मोचि म़फोङ्‌सुप़चि।