मत्‍ति 21:16 - बान्‍तावा राई

¹⁶ खोन्‍कि मोचिआ येसु अ़लोवा, “त़एनुम्‌योम, ओचि दे म़य़ङ्‌याङ?” खोन्‍कि येसुआ मोचि म़लासुलोचि, “उवा, एनुङ्‌योङ! दि खानानिन्‌आ साम्‍कालिन्‌दा मान्‍खिप्‍त़युक्‍तुम? ओवात्‍नि य़ङ्‌याङ, ‘छाचि खोन्‍कि ओम्‍पिवा कादुङ नुनुचिओ अ़चुदोलाम्‍पा, खानानिन्‌आ झारा ऩङ्‌चोन्‍मा त़लोइसुम्‌युङ्‌सुम।’”

मत्‍ति 21:16 Referans Kwoze

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 19:4

खोक्‍कोसाआ म़लासुलोचि, “खानानिन्‌आ साम्‍कालिन्‌दा मान्‍खिप्‍त़युक्‍तुम? ‘अ़पुङ्‌चिपुक्‌दाङ्‌काङा निनाम्‍हाङ्‌आ दुवाछा खोन्‍कि मेत्‍छाछा म़मुयुचि,

मत्‍ति 12:3

मेन खोक्‍कोसाआ मोचि म़लासुलोचि, “आराङ्‌ओ दाउद हाङ खोन्‍कि खोसोओ अ़यावाचि साम़सुवाङाओ ग़रि खो दे चुवा? दि खानानिन्‌आ साम्‍कालिन्‌दा मान्‍खिप्‍त़युक्‍तुम?

मर्कुस 2:25

खोन्‍कि खोक्‍कोसाआ मोचि म़लासुलोचि, “आराङ्‌ओ दाउद हाङ खोन्‍कि खोसोओ अ़यावाचि साम़सुवाङाओ ग़रि खो दे चुवा? दि खानानिन्‌आ साम्‍कालिन्‌दा मान्‍खिप्‍त़युक्‍तुम?

मत्‍ति 22:31

मेन म़सुवादाओचिओ अ़चुलामाखोन्‍मालोन्‍माओ अ़तुक्‌वादा निनाम्‍हाङ्‌आ खानानिन देत्‍नि ऩलोन्‌युङ्‌सिन, मो खानानिन्‌आ मान्‍खिप्‍त़युक्‍तुम?

मर्कुस 13:17

मोन्‍ग़रि बुक्‍खुन्‍दि मेत्‍छामाचि, खोन्‍कि उन्‍दादाओ नुनु नुवासि कादुङ छामाचि देम चाअ़त्‍लो म़लि!

लुका 21:23

मो लेन ता, मोन्‍ग़रि बुक्‍खुन्‍दि मेत्‍छामाचि, खोन्‍कि उन्‍दादाओ नुनु नुवासि कादुङ छामाचि देम चाअ़त्‍लो म़लि! देकिनालो हेन्‍खामादा अ़धिवाङ दुखा ताकि यहुदि रावाचिएदा ब़द्‍धे निनाम्‍हाङ्‌ओ अ़चुमाइसुङ कात।