मत्‍ति 21:11 - बान्‍तावा राई

¹¹ म़ना मुक्‍लादाओचिआ अ़लासालोवा, “ओ गालिल्‌दाओ नासरत्‌दाङ्‌का म़ताओ निनाम्‍हाङ्‌य़ङ खाकालु येसु ओ।”

मत्‍ति 21:11 Referans Kwoze

युहन्‍ना 6:14

खोक्‍कोसाआ अ़मुवाओ म़दोम्‍दाओ बुन अ़खाकि मो म़नाचि म़य़ङा, “हेन्‍खामादा काता निनाम्‍हाङ्‌य़ङ खाकालु अ़नुछ्‍या ओक्‍कोङा ओ।”

युहन्‍ना 7:40

ओ य़ङ काएन खा-खाक्‍को म़नाचि म़य़ङा, “ओ म़ना ना अ़नुछ्‍याङा तामादोराङाओ निनाम्‍हाङ्‌य़ङ खाकालुङा ओ।”

लुका 7:16

झाराकापाङ म़क़साकि निनाम्‍हाङ्‌ओ अ़चुऩङ लोङ्‌याङ्‌सा म़य़ङा, “अ़क्‍छा अ़धिवाङ निनाम्‍हाङ्‌य़ङ खाकालु आन्‍कान्‌एदा म़तायुङ्‌सा। निनाम्‍हाङ आप्‍पिओ अ़चुम़नाचि फासि म़युवायुङ्‌सा।”

छाम्‍माय़ङ 7:37

ओ निनाम्‍हाङ्‌य़ङ खाकालु मोसाआ इस्राएलिचि लोचि, ‘निनाम्‍हाङ्‌आ अ़ङ्‌का ऩछेन्‍ताङ्‌वात्‍नि आम्‍नुओ आप्‍पिओ म़नाचिदाङ्‌का अ़क्‍छा आम्‍नुओ निम्‍पाङ निनाम्‍हाङ्‌य़ङ खाकालु अ़छेन।’

युहन्‍ना 9:17

खोचिआ मो दोप्‍म़क अ़लासासेना, “खोक्‍कोसाआ खाकाखाङ त़मुवा, हान खोक्‍कोसोओ अ़तुक्‌वादा खाना दे त़य़ङ?” खोसाआ लासुलोचि, “खोक्‍को निनाम्‍हाङ्‌य़ङ खाकालु ओ।”

मत्‍ति 2:23

खो खाराकि नासरत्‌निओ सहरादा युङा। ओवात्‍नि निनाम्‍हाङ्‌य़ङ खाकालुचि म़चेवाओ य़ङ ताला: “खोक्‍को नासरिनि लो।”

युहन्‍ना 4:19

मो मेत्‍छामाआ खोक्‍को अ़लोवा, “हाङ्‌पो खानानिन निनाम्‍हाङ्‌य़ङ खाकालुओवा अ़ङ्‌का लुङाङा।

युहन्‍ना 1:21

खोन्‍कि मोचिआ खो अ़सेना, “खोन्‍नालो दि? खाना एलिया ओ?” खोसाआ लासुलोचि “अ़ङ्‌का एलिया माआङ।” खोन्‍कि मोचिआ अ़सेना “दि खाना मोसाआ य़ङाओ मो निनाम्‍हाङ्‌य़ङ खाकालु ओ?” खोसाआ लासुलोचि “माआङ।”

मर्कुस 6:15

मेन नि म़नाचि म़य़ङाङा, “ओ ना निनाम्‍हाङ्‌य़ङ खाकालु एलियाङा ओ।” खोन्‍कि निचि म़य़ङाङा, “ओ ना आराङ्‌ओ निनाम्‍हाङ्‌य़ङ खाकालुचिवात्‍निओ अ़क्‍छा निनाम्‍हाङ्‌य़ङ खाकालुङा ओ।”

लुका 24:19

येसुआ मोचि म़सेनुचि, “खाक्‍को य़ङ?” मोचिआ अ़लासालोवाचु, “नासरत्‌ओ येसुओ अ़तुक्‌वादा। खोक्‍को अ़क्‍छा निनाम्‍हाङ्‌य़ङ खाकालु म़युङाङा, खोन्‍कि निनाम्‍हाङ्‌ओ खोन्‍कि झारा म़नाचिओ निम्‍पाङ काचि म़मुवाङाहिदा खोन्‍कि म़चिन्‍तुङुचिहिदा सावापोरि म़मुवाङा।

युहन्‍ना 1:25

खोत्‍निओसा मोचिआ खो अ़सेना, “खाना ख्रिस्‍त्‌छाङ माआङ, एलियाछाङ माआङ, मो निनाम्‍हाङ्‌य़ङ खाकालुछाङ माआङ्‌नालो देकि बप्‍तिस्‍मा त़प़ङुचि?”

लुका 13:33

देत्‍निङानुछाङ आय़, माङ्‌कोलेन खोन्‍कि अ़छिन्‍तु अ़ङ्‌का यरुसलेम्‌ह्‍यात्‍नि खात्‍माङादोत। देकिनालो यरुसलेम बुङ्‌खाया खाक्‍कोछाङ निनाम्‍हाङ्‌य़ङ खाकालु अ़स़निन।

लुका 7:39

ओ खाकि येसु काबुत फरिसि अ़मिन्‍मादा आप्‍पि मिना, “ओ म़ना निनाम्‍हाङ्‌य़ङ खाकालु ओनालो ना खोक्‍को कानोप मेत्‍छामा दियाको हेवामिओ निकिना सिन्‍मादोराङाओ।”

मत्‍ति 21:10

येसु यरुसलेम्‌दा म़ताला, खोन्‍कि झारा सहरादा अ़चुचोङ्‌माङ काराकि म़नाचिआ सेन्‍मा अ़पुक्‍ता, “ओक्‍को साङ ओ?”

मत्‍ति 21:26

‘म़नादाङ्‌का’नि आन्‍कान य़ङिन्‌नालो म़ना मुक्‍लाचि किरुम्‌योम्‍च़ङ। देकिनालो झारा म़नाचिआ युहन्‍ना निनाम्‍हाङ्‌य़ङ खाकालुनि अ़मित्‌याङ।”

मत्‍ति 21:46

मोचिआ खोक्‍को लाप्‍मा अ़लाप्‍ता, मेन मोचि म़ना मुक्‍लाचिदाङ्‌का म़क़सा, देकिनालो म़नाचिआ खोक्‍को अ़क्‍छा निनाम्‍हाङ्‌य़ङ खाकालुनि अ़मित्‍ताङा।