मत्‍ति 18:3 - बान्‍तावा राई

³ खोन्‍किना येसुआ म़लोचि, “अ़नुछ्‍या अ़ङ्‌का खानानिन लोनानिन, आम्‍नुओ मिन्‍मा त़फान्‍तुम्‌कि मो छावात्‍नि त़लिसिमिन्‌नालो खानानिन देम्‍खाछाङ निनाम्‍मादुओ अ़चुहाङ्‌होन्‌दा वाङ्‌मा त़ऱन्‍मिन।

मत्‍ति 18:3 Referans Kwoze

१ पत्रुस 2:2

अ़ऩङ्‌वा म़पुक्‍तान्‍चिन्‌ओ छाचिवात्‍नि अ़च़क़ल़क लावामि ओम्‍पिवा अ़न्‍नुनु मित्‍मा सुवानिन, खोन्‌ओसा खानानिन ओलाम्‍पा लेन्‍मादा पोन्‌याङ्‌सा खात्‍मा त़ऱन्‍ने।

मत्‍ति 19:14

मेन येसुआ म़लोचि, “छाचि अ़ङ्‌काएदा तामा पुवानुम्‍च़म, मोचि मान्‍छेक्‍दानुम्‍च़म। देकिनालो निनाम्‍हाङ्‌होन ओ छाचिवाकोचिओ निकिङा ओ।”

१ कोरिन्‍थि 14:20

ब़ब़, नाना खोन्‍कि निछाचि ओ, मिन्‍मादा छाचिवात्‍नि मान्‍लिदानिन। अ़अ़त्‍पाओ निम्‍पाङ छाचिवात्‍नि लिसानिन, मेन मिन्‍मा काचिदा काले लिसानिन।

युहन्‍ना 3:5

येसुआ अ़लासालोवा, “अ़नुछ्‍याङा अ़ङ्‌का खाना लोना, म़ना चाक्‌वा खोन्‍कि लावाआ अ़लानिन्‍लिनिन्‌नालो निनाम्‍हाङ्‌ओ अ़चुहाङ्‌होन्‌दा वाङ्‌मा अ़ऱनिन।

युहन्‍ना 3:3

येसुआ मो अ़लासालोवा, “अ़नुछ्‍याङा अ़ङ्‌का खाना लोना, म़ना अ़ऩङ्‌वा लिकि अ़लानिन्‍लिनिन्‌नालो मोसाआ निनाम्‍हाङ्‌ओ अ़चुहाङ्‌होन खाङ्‌मा अ़तोक्‍तुन।”

लुका 13:24

“चुकुवाहुत्‍हुत्‌ओ लाप्‍तिखोप्‌दाङ्‌का निनाम्‍हाङ्‌ओ अ़चुहाङ्‌होन्‌दा वाङ्‌मा लामानिन। देकिनालो अ़ङ्‌का खानानिन लोनानिन, ब़द्‍धे म़नाचि वाङ्‌मा म़लाम, खोन्‍नुछाङ ऩऱनिन।

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

छाम्‍माय़ङ 28:27

देकिनालो ओ म़नाचिओ अ़चुओ मिन्‍माचि मान्‍तुप्‍कादा लिसायुङ्‌सा। खोन्‍कि मोचिओ अ़चुओ नाबाक खामान्‌एन्‍कादा लिसायुङ्‌सा, खोन्‍कि मोचिआ अ़चुओ म़क अ़सिप्‍तायुङ्‌सा। माङ्‌नालो मोचिआ अ़चुओ म़क्‌आ खाङ्‌मा अ़रुवाओ, खोन्‍कि अ़चुओ नाबाक्‌आ अ़एनाओ, खोन्‍कि अ़चुसाकोङ्‌वाआ अ़तुप्‍ताओ। खोन्‍कि अ़ङ्‌काएदात्‍नि म़लासाओ, खोन्‍कि अ़ङ्‌का मोचि नुसुङ्‌च़ङ्‌ओ।’

युहन्‍ना 1:51

खोन्‍किना खोक्‍कोसाआ मो अ़लोवा, “अ़नुछ्‍या, अ़ङ्‌का खाना लोना, खाना निनाम्‍मा होत्‌ओ खोन्‍कि निनाम्‍हाङ्‌ओ अ़चुकाफाचि म़नाओ अ़छाएदा म़लोन्‌याङ्‍ओ खोन्‍कि म़धायाङ्‌ओ त़खाचि।”

मत्‍ति 5:20

देकिनालो अ़ङ्‌का खानानिन लोनानिन, आम्‍नुओ साम्‌योक्‍मि य़ङ्‌हुप काचिन्‍पाचि खोन्‍कि फरिसिचिदाङ्‌का च़लोक अ़नुवाक मान्‍लिमाङ्‌तारि खानानिन देम्‍खाछाङ निनाम्‍हाङ्‌होन्‌दा वाङ्‌मा त़ऱन्‍मिन।

लुका 22:32

मेन सिमोन, आम्‍साकोङ्‌छ़ङ अ़मानिन्‍ने निकि यामात्‍नाप़नायुङ्‌ना। खोन्‍कि खाना अ़ङ्‌काएदात्‍नि त़लाकि आम्‍बुवा निछाचि फासुचि।”

मर्कुस 4:12

खोन्‌ओसा मोचिआ चोप्‍मा ना अ़चोप मेन ऩखान, एन्‍मा ना अ़एन, मेन ऩतुप्‍तुन, माङ्‌नालोना मोचि अ़चुहेवाचिदाङ्‌का निनाम्‍हाङ्‌एह्‍यात्‍नि म़लासाओ, खोन्‍कि मोचिओ अ़चुहेवा म़लेत्‍तुप़चिओ।”

२ पत्रुस 1:11

खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

मत्‍ति 19:23

खोन्‍किना येसुआ अ़चुकाखेङ्‌पाचि म़लोचि, “अ़नुछ्‍या अ़ङ्‌का खानानिन लोनानिन, कातोक म़ना निनाम्‍हाङ्‌होन्‌दा वाङ्‌मा ब़द्‍धे चाअ़त।

मत्‍ति 13:15

देकिनालो ओ म़नाचिओ अ़चुओ मिन्‍माचि मान्‍तुप्‍कादा लिसायुङ्‌सा। खोन्‍कि मोचिओ अ़चुओ नाबाक खामान्‌एन्‍कादा लिसायुङ्‌सा। खोन्‍कि मोचिआ अ़चुओ म़क अ़सिप्‍तायुङ्‌सा। माङ्‌नालो मोचिआ अ़चुओ म़क्‌आ खाङ्‌मा अ़रुवाओ, खोन्‍कि अ़चुओ नाबाक्‌आ अ़एनाओ, खोन्‍कि अ़चुसाकोङ्‌वाआ अ़तुप्‍ताओ। खोन्‍कि अ़ङ्‌काएदात्‍नि म़लासाओ, खोन्‍कि अ़ङ्‌का मोचि नुसुङ्‌च़ङ्‌ओ’।

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:5

खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:2

खोन्‌ओसा खानानिन मान्‍तोक्‍कादा म़नाचि त़प़म्‍च़म्‌हिदा आम्‍नुओ बुदा थुथुरि मान्‍मुत्‌दानुम, मोवात्‍नि ना यावायोक्‍खिम्‌चिदा खोन्‍कि लाम्‌चिदा म़नाचिएदाङ्‌का चोन्‍लुमाओ निम्‍पाङ कोङ्‌क़त्‌वाचि म़च़। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 5:18

अ़नुछ्‍या अ़ङ्‌का खानानिन लोनानिन, देम्‍खातारि निनाम्‍मा खोन्‍कि हेन्‍खामा अ़मानिन्‍खात्‍निन, मोन्‌तारि झारा य़ङ मान्‍तालामाङ देत्‍निकिछाङ निनाम्‍हाङ्‌ओ अ़चुय़ङ्‌हुप्‌दाङ्‌का अ़चुप्‍पो य़ङ माङ्‌लो अ़क सिवाछाङ अ़मानिन्‍खात्‍निन।

मत्‍ति 18:2

खोक्‍कोसाआ अ़क्‍छा अ़चुप्‍पो छा अ़बुत्‍ताकि खोचिओ अ़चुरादा एप्‌अ़मेत्‍ता।

मत्‍ति 18:4

मेन साङ ओ छावात्‍नि सिम्‍नान्‍चिन, मो निनाम्‍हाङ्‌होन्‌दा झारादाङ्‌का तोक्‍पो लि।