मत्‍ति 15:10 - बान्‍तावा राई

¹⁰ येसुआ म़ना मुक्‍लाचि खोक्‍कोएदा म़बुत्‍तुचि खोन्‍कि मोचि म़लोचि, “एनानुम खोन्‍कि तुप्‍तानुम।

मत्‍ति 15:10 Referans Kwoze

कलस्‍सि 1:9

खोन्‌ओसा आम्‍नुओ तुक्‌वादा आन्‍कान्‍का एनुम्‍काओ लेन्‌दाङ्‌का झारा लावामि खारु खोन्‍कि तुप्‍माआ निनाम्‍हाङ्‌ओ अ़चुमिन्‍मा नुलोक तुप्‍मा त़ऱम्‍ने निकिना आम्‍नुओ निम्‍पाङ आन्‍कान्‍का यामात्‍मा मान्‍छित्‌युक्‍तुम्‍का।

लुका 24:45

खोन्‍किना साम्‍कालिन तुप्‍मा निकि खोसाआ मोचिओ अ़चुतुप्‍माताया म़होत्‍तुप़चिकि मोचि म़लोचि, “ओवात्‍नि छाप्‍तायुङ्‌सा: ख्रिस्‍तआ दुखा आङ्‌मादोत खोन्‍कि सुम्‌कालेन्‌दा सुवादाओदाङ्‌का खोन्‍मालोन्‍माङादोत,

एफिसि 1:17

अ़ङ्‌का यामात्‍ङा, आन्‍हाङ्‌पा येसु ख्रिस्‍तओ अ़चुनिनाम्‍हाङ, साम्‍स़रिओ निनाम्‍हाङ पापाआ खानानिन खोक्‍कोसोओ झारा अ़चुतायादा लावामि खारु खोन्‍कि साम ऩप़न्‍ने, खोन्‌ओसा खानानिन्‌आ खोक्‍को नुलोक सिन्‍मा त़ऱम्‍ने।

मत्‍ति 24:15

येसु म़य़ङा, “खानानिन्‌आ दानिएल निनाम्‍हाङ्‌य़ङ खाकालुलाम्‍पा चेप्‍माय़ङ कालुक चिप्‍माकात्‍तुओ सेङ्‌याङ्‌ओदा एप्‌याङ्‌ओ त़खाम।” (काखिप्‌चिआ ओ य़ङ अ़तुप्‍ने)

मत्‍ति 13:19

साङ्‌आ हाङ्‌होन्‌ओ अ़तुक्‌वादा य़ङ्‌खान एनु, खोन्‍कि मो अ़तुप्‍तुन, मोन्‍ग़रि सैताना ताकि मोसोओ अ़साकोङ्‌वादा दि वेत्‍ताओ, मो ङाप्‍तुखात्‍तु। लाम्‌दात्‍नि म़छुक्‍ताओ बिउचि ओचिङा ओ।

याकुब 1:5

खानानिन्‌एदा साङ खारु अ़तोक्‍निनिन्‌नालो निनाम्‍हाङ्‌एदा दोत्‍ने, खोन्‍कि खोक्‍कोसाआ तोक्‍पो मिन्‍माआ यामान्‍सान्‍माङ मो अ़प़।

मत्‍ति 15:9

मोचिआ सोज्‍जे अ़ङ्‌का ऩब़क्‍ङा, मेन मोचिओ अ़चुचिन्‍मा म़नाचिआ म़चिन्‍तुचिओ अ़चुय़ङ्‌हुप ओन्‍ङा ओ।’”

मत्‍ति 15:11

दि म़नाओ अ़दोदाङ्‌का वाङ, मो य़ङ्‌आ खो अ़पोप्‍तुन, मेन दि म़नाओ अ़दोदाङ्‌का बुङ्‌खादा लोन, मो य़ङ्‌आ खो पोप्‍तु।”