मत्‍ति 13:21 - बान्‍तावा राई

²¹ मेन मोसोओ अ़भेन अ़मेत्‍तुन्‌ओसा मो अ़क्‍चित लेन ओन्‍ङा ह़ङ, खोन्‍कि निनाम्‍हाङ्‌ओ अ़चुय़ङ्‌दा साकोङ्‌छ़ङ मुवाओसा अ़चाअ़त्‍मा माङ्‌लो ल़क्‍मा ताहिदा निनाम्‍हाङ्‌ओ अ़चुय़ङ साकोङ्‌छ़ङ मुमादा मो च़क्‍नि देङ्‌ला।

मत्‍ति 13:21 Referans Kwoze

मत्‍ति 11:6

अ़ङ्‌तुक्‌वादा मान्‍केङ मान्‍मुकादा म़ना अ़नुछ्‍याङा आसिखा कातोक ओ।”

एफिसि 3:17

खोन्‍कि साकोङ्‌छ़ङ्‌लाम्‍पा ख्रिस्‍त आम्‍नुओ साकोङ्‌वाचिदा म़याक्‍ने, खोन्‍कि सोम्‍तुक्‍मादा आम्‍नुओ भेन पाक्‍तुओ खोन्‍कि छ़ङ युङ्‌सानुम निम्‍पाङ अ़ङ्‌का यामात्‍ङा।

२ तिमोथि 1:15

एसियादा कायुङ झारासा अ़ङ्‌का ऩछिराङ्‌दाङ्‌युङ्‌साङ्‌ओ खाना त़सिन्‍तुङुङा, मोचिएदाओ फुगेलस खोन्‍कि हर्मोगेनस्‌आछाङ अ़छिराङ्‌दाङ्‌युङ्‌साङ्‌च़ङ।

फिलिप्‍पि 1:6

खोन्‍कि अ़ङ्‌का सोम्‍कुवा मुङा, निनाम्‍हाङ्‌आ खानानिन्‌एदा अ़क्‌तात अ़नुवाक काचि अ़पुङ्‌साओ, खोक्‍कोसाआ येसु ख्रिस्‍त म़लाताओ लेन्‌तारि मो अ़ताला।

गलाति 6:15

सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ, मेन अ़ऩङ्‌वा लावामि ह़ङ्‌म़ङ तोक्‍मा अ़च़वाङ ओ।

गलाति 6:12

ख्रिस्‍तओ अ़चुक्रुस्‌ओ अ़तुक्‌वाआ दुखादा ऩछुक्‍निन्‍ने निम्‍पाङ पोक्‌दा नुलोक खाङ्‌मुमान्‍चिन कालाम्‌चिआ खानानिन सिप्‍मायाम्‍बुन पाक्‍मा राकाङ्‌थेत्‍नि ऩमुन।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

युहन्‍ना 6:26

येसुआ मोचि म़लासुलोचि, “अ़नुछ्‍याङा अ़ङ्‌का खानानिन लोनानिन, खानानिन म़दोम्‍दाओ बुन्‌चि त़तुप्‍तुम्‍च़म्‌कि माआङ, मेन आम्‍नुओ बुक खासालो पेम्‍पाक त़चोम्‌ओसाआ अ़ङ्‌का त़लाम्‍ङाङाऩङ।

लुका 8:13

लुङ्‌खावादा म़छुक्‍ताओ बिउचि ओङा ओ: साङ्‌आ निनाम्‍हाङ्‌ओ अ़चुय़ङ एनुकि अ़ऩङानुयाङ्‌सा मो लोउ। मेन मोसोओ अ़भेन अ़मेत्‍तुन्‌ओसा मोसाआ निनाम्‍हाङ थुत्‍मेत्‍लो ओन्‍ङा साकोङ्‌छ़ङ मु, मेन चिन्‍माखाङ्‌माओ ग़रिदा अ़साकोङ्‌छ़ङ्‌दाङ्‌का देङ्‌ला।

मर्कुस 4:17

मेन मोसोओ अ़भेन अ़मेत्‍तुन्‌ओसा मो अ़क्‍चित लेन ओन्‍ङा ह़ङ, खोन्‍कि निनाम्‍हाङ्‌ओ अ़चुय़ङ्‌दा साकोङ्‌छ़ङ मुवाओसा अ़चाअ़त्‍मा माङ्‌लो ल़क्‍मा ताहिदा निनाम्‍हाङ्‌ओ अ़चुय़ङ साकोङ्‌छ़ङ मुमादा मो च़क्‍नि देङ्‌ला।

मत्‍ति 26:33

पत्रुस्‌आ येसु अ़लासालोवा, “आम्‍नुओ तुक्‌वाआ झारा देङ म़लानुछाङ अ़ङ्‌का देम्‍खाछाङ अ़लाऩङ।”

मत्‍ति 26:31

खोन्‍किना येसुआ अ़चुकाखेङ्‌पाचि म़लोचि, “खानानिन झारासा आय़खाखुत त़छित्‍ङादाङाऩङ, देकिनालो ओवात्‍नि छाप्‍तायुङ्‌सा, ‘अ़ङ्‌का अ़ङ्‌भेरा काखाङ धात्‍तुङ, खोन्‍कि भेराओ अ़लोकाचि फात्‍ताफेला म़लि।’

मत्‍ति 24:13

मेन साङ आदेङ्‌तारि साकोङ्‌छ़ङ मुयुङ, मो लेन।

मत्‍ति 13:57

खोन्‌ओसा मोचिआ खोक्‍को अ़सुङ्‌ता खोन्‍कि साकोङ्‌छ़ङ मान्‍मुअ़दा। मेन येसुआ मोचि म़लोचि, “निनाम्‍हाङ्‌य़ङ खाकालु अ़तेन्‌दा खोन्‍कि आप्‍पि अ़खिम्‌दा साया ऩमेत्‍तुन, मेन नि झारादा साया अ़मेत।”

मत्‍ति 13:6

नाम बानाहिदा मो अ़लिम्‌चि म़राङ्‌ताखारा खोन्‍कि मोचिओ अ़चुभेन ह्‍युहुत्‌युतारि खात्‍मा मान्‍ऱओसा म़युलाखारा।

मत्‍ति 10:22

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि आङ्‌तुकि युङ, खो लेन।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

२ तिमोथि 4:10

देकिनालो देमास्‌आ, ओ आइमित्‌ओ हेन्‍खामा सोमातुक्‍तुकि अ़ङ्‌का अ़छिराङ्‌दाङ्‌युङ्‌साङ, खोन्‍कि खो थेसलोनिके खारायुङ्‌सा। क्रेसेन्‍स गलातिया खारायुङ्‌सा, खोन्‍कि तितस दलमातियादा।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

मत्‍ति 13:20

लुङ्‌खावादा म़छुक्‍ताओ बिउचि ओचिङा ओ, साङ्‌आ य़ङ्‌खान एनुकि अ़ऩङानुयाङ्‌सा मो च़क्‍नि लोउ,

याकुब 3:2

देकिनालो आन्‍कान झारासा ब़द्‍धे फिसुम्‍च़म। साङ चेप्‌ओ य़ङ्‌दा देम्‍खाछाङ अ़फिसुन्‌नालो खोसाआ झारा अ़याम क़म्‍मा ऱ, खोन्‍कि खो लाहि मात्‍द़ङ्‌ओ म़ना लि।