लुका 9:45 - बान्‍तावा राई

⁴⁵ मेन अ़चुकाखेङ्‌पाचिआ ओ य़ङ मान्‍तुप्‌अ़दा। देकिनालो मो य़ङ मोचिएदाङ्‌का कुम्‍सायुङ्‌सा। खोन्‌ओसा मोचिआ मो य़ङ तुम्‍मा मान्‍ऱअ़दा। खोन्‍कि मोचिआ मोसोओ अ़तुक्‌वादा खोक्‍को सेन्‍मा अ़चुक़माकारा।

लुका 9:45 Referans Kwoze

लुका 18:34

मेन अ़चुकाखेङ्‌पाचिआ ओ य़ङ अ़क्‍छेप्‍छाङ मान्‍तुप्‌अ़दा। ओसोओ अ़तुप्‌य़ङ मोचिएदाङ्‌का कुम्‍सायुङ्‌सा खोन्‌ओसा येसु म़चेवाओ अ़तुक्‌वादा मोचिआ मान्‍तुप्‌अ़दा।

युहन्‍ना 12:16

ओ य़ङ्‌चिओ अ़तुप्‌य़ङ खोक्‍कोसोओ अ़चुकाखेङ्‌पाचिआ बुया मान्‍तुप्‌अ़दा। मेन निनाम्‍हाङ्‌आ येसु साऩङ्‌वा अ़मेत्‍ताचिआकि ओन्‍ङा ओ य़ङ खोक्‍कोसोओ अ़चुतुक्‌वादा छाप्‍ताओ खोन्‍कि ओ काचि खोक्‍कोसोओ निम्‍पाङ मोचि आप्‍पिआ अ़मुवाओ निकिना अ़सिन्‍ता।

लुका 2:50

मेन खोक्‍कोसाआ लोचिओ अ़तुप्‍माय़ङ खोचिआ तुप्‍माङा मान्‍ऱअ़दाचु।

मर्कुस 9:32

मेन अ़चुकाखेङ्‌पाचिआ खोक्‍को म़य़ङाओ य़ङ मान्‍तुप्‌अ़दा, खोन्‍कि मोसोओ अ़तुक्‌वादा खोक्‍को सेन्‍मा अ़चुक़माकारा।

युहन्‍ना 14:5

थोमाआ खोक्‍को लो, “हाङ्‌पो, खानानिन खादा त़खारिन्‌येन्‌ओ, आन्‍कान्‍का अ़सिन्‍तिमिन्‍का। खोन्‍नालो आन्‍कान्‍का लाम देत्‍नि सिन्‍मा ऱम्‍का?”

युहन्‍ना 12:34

म़ना मुक्‍लाचिआ खोक्‍को अ़लासालोवा, “ख्रिस्‍त अ़धुन म़युङ्‌ओ य़ङ आन्‍कान्‍का य़ङ्‌हुप्‌दाङ्‌का एनुम्‌युङ्‌सुम्‍का। खानानिन देत्‍नि य़ङ्‌मा त़ऱन, ‘म़नाओ अ़छा थेन्‍मादोत’? ओ म़नाओ अ़छा साङ ओ?”

मर्कुस 9:10

खोन्‍किना खोचिआ मो य़ङ अ़चुकोङ्‌दाङा अ़युङ्‌सा, मेन खोचि-खोचिएदा “स़मादामादाङ्‌का लामाखोन्‍मालोन्‍मानिओसो अ़तुप्‍माय़ङ दि ओ निकिना सेन्‍कासेन मुमा अ़पुङ्‌सा।”

मत्‍ति 16:22

पत्रुस्‌आ खोक्‍को अ़चित ह्‍यात्‍नि खात्‍तुकि यासान्‍मा पुक्‍तु, “निनाम्‍हाङ्‌आ ओवात्‍नि ऩमुन्‍मिन्‍ने, हाङ्‌पो! खानानिन देम्‍खाछाङ ओवात्‍नि त़लिसिमिन्‍ने!”

लुका 9:46

काखेङ्‌पाचिएदा “झारादाङ्‌का तोक्‍पो साङ लि?”निओ अ़तुक्‌वादा अ़क्‍छा निएदा दुम्‌तुमा अ़पुक्‍ता।

मत्‍ति 17:22

खोचि गालिल्‌दा म़लासान्‍कोवान्‍चिन्‌हिदा येसुआ मोचि “म़नाओ अ़छा म़नाचिओ अ़चुछुक्‌दा अ़पाक”नि म़लोचि।

युहन्‍ना 4:33

खोन्‌ओसा अ़चुकाखेङ्‌पाचि अ़क्‍छा निएदा म़य़ङा, “साङ-साङ्‌आ खोक्‍को चामायु अ़खुत्‍ता हे?”