लुका 8:24 - बान्‍तावा राई

²⁴ खोन्‍किना अ़चुकाखेङ्‌पाचि येसुएह्‍यात्‍नि म़खाराकि ओवात्‍नि य़ङ्‌सा खोक्‍को अ़थिन्‍ता, “काचिन्‍पो, काचिन्‍पो, आन्‍कान वालुम्‍माखात्‍मा मुन्‌येन!” खोन्‍कि येसु म़थिन्‍तालोन्‍ताकि ह़क खोन्‍कि म़धुङ्‌साङाओ अ़लोङ्‌वात्‌चि म़रेन्‍तुचि, खोन्‍कि मोन्‍ग़रिङा सिप्‍ताकि सेम्‍ताखारा।

लुका 8:24 Referans Kwoze

लुका 4:39

येसु मोसोओ अ़च़क्‌दा म़एवाकि माङ्‌धिन अ़रेन्‍ता खोन्‍कि मो माङ्‌धिन्‌आ लेरु, खोन्‍किना च़क्‍नि मो पुवालोन्‍ताकि खोचि ब़रुचि।

लुका 5:5

खोन्‍कि सिमोन्‌आ येसु लो, “काचिन्‍पो आन्‍कान्‍काआ ना नाम्‍तात्‍लो काचि मुन्‍काकिछाङ दित्‍छाङ मान्‍लाप्‌दान्‍का। मेन खानानिन त़य़ङिन्‌येन्‌ओसा अ़ङ्‌का बोप्‍छ़क वेत्‍तुङ्‌ने।”

मत्‍ति 14:30

मेन ह़क बानाङाओ खाकि खोसोओ अ़क़माकारा, खोन्‍कि चाक्‌वादा वालुम्‍मा पुक्‍तुकि खो पारा, “हाङ्‌पो, अ़ङ्‌का लेन्‍नि।”

मत्‍ति 8:25

खोन्‍कि अ़चुकाखेङ्‌पाचि म़खाराकि ओवात्‍नि य़ङ्‌सा खोक्‍को अ़थिन्‍ता, “हाङ्‌पो लेन्‍नि, आन्‍कान वालुम्‍माखात्‍मा मुन्‌येन।”

मर्कुस 4:39

येसु म़थिन्‍तालोन्‍ताकि ह़क अ़रेन्‍ता, खोन्‍कि धियाङ्‌वामा अ़लोवा, “सेम्‍ता! छेक्‍तालावा!” खोन्‍किना ह़क छेक्‍ता खोन्‍कि मोदा झारा सेम्‍ताखारा।

लुका 4:35

ओ अ़एनाकि येसुआ मो चाकावालावा रेन्‌याङ्‌सा अ़लोवा, “वाइवेत युङा, खोन्‍कि ओ म़नादाङ्‌का लोन्‍ताखारा!” खोन्‍कि चाकावालावाआ मो म़ना झारासोओ अ़चुबुदा धाम्‍सुकि खेन्‌मान्‌वान्‍माङ लोन्‍ताखारा।

लुका 8:25

येसुआ अ़चुकाखेङ्‌पाचि म़लोचि, “खाउ, आम्‍नुओ साकोङ्‌छ़ङ?” मोचि म़क़साकिना दोम्‍तुदोचि खोन्‍कि अ़क्‍छा निएदा सेन्‍कासेन म़मुवा, “ओक्‍को साङ ओ? मोवात्‍नि ह़क खोन्‍कि धियाङ्‌वामाआछाङ खोक्‍कोसोओ अ़चुलोमाय़ङ य़ङ्‌चि म़काङ्‌याङ!”