लुका 6:15 - बान्‍तावा राई

¹⁵ मत्‍ति, थोमा, अल्‍फयस्‌ओ अ़छा याकुब, सिमोन कनानि।

लुका 6:15 Referans Kwoze

मत्‍ति 9:9

येसु मोदाङ्‌का म़खाराङाहिदा मत्‍ति अ़ऩङ मुवाङाओ अ़क्‍छा म़ना दाम्‍दु लात्‍खादा युङाङाओ अ़खा, खोन्‍कि येसुआ खो अ़लोवा, “अ़ङ्‌का त़ङ्‌ताङ।” खोन्‍कि खो पुवालोन्‍ता खोन्‍कि खोक्‍को त़ङ्‌तु।

छाम्‍माय़ङ 1:13

यरुसलेम म़तालाकि मोचि म़युङाङाओ खिम्‌ओ धाउछान्‌दु म़वाङा, मोदा बुया युङ्‌याङ्‌सा म़मुवाङा। मोदा काकोप्‍नान्‍चिन्‌चि पत्रुस, युहन्‍ना, याकुब, अन्‍द्रियास, फिलिप, थोमा, बारथोलोमाइ, मत्‍ति, अल्‍फयस्‌ओ अ़छा याकुब, हेन्‍कोप सोमाकातुक सिमोन खोन्‍कि याकुब्‌ओ अ़छा यहुदा म़याआङा।

मर्कुस 3:18

खोन्‍कि अन्‍द्रियास, फिलिप, बारथोलोमाइ, मत्‍ति, थोमा, अल्‍फयस्‌ओ अ़छा याकुब, थेदियस, सिमोन कनानि: अरामिक य़ङ्‌दा यहुदिचि हेन्‍कोप सोमाकातुक कनानि,

याकुब 1:1

निनाम्‍हाङ खोन्‍कि हाङ्‌पा येसु ख्रिस्‍तओ अ़हारुक याकुब्‌दाङ्‌का हेन्‍खामादा रावा-रावाचिओ अ़चुरादा त़रिसिन्‍चिन्‌ओ बारकाभुङ्‌चिएदा अ़ङ्‌सेवा!

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

गलाति 1:19

मेन हाङ्‌पाओ अ़चुनिछा याकुब्‌एदाङ्‌का नि खाक्‍कोछाङ छाम्‍माय़ङ्‌चि अ़ङ्‌का मान्‍धित्‍ङाच़ङ।

छाम्‍माय़ङ 15:13

खोचि चेवाचिआचिकिना याकुब पुवालोन्‍ताकि लासुलोचि, “ब़ब़, नाना खोन्‍कि निछाचि ओ, अ़ङ्‌य़ङ एनानुम!

युहन्‍ना 20:24

येसु म़ताहिदा बारकापाङ काखेङ्‌पाचिएदाओ अ़क्‍छा दिदुमस्‌नि लोवाङाओ थोमा मोचिएनान मात्‍द़ङ्‌याङ।

युहन्‍ना 11:16

खोन्‍किना दिदुमस्‌नि लोवाङाओ थोमाआ काखेङ अ़यावाचि लोचि, “आन्‍कान्‌छाङ खारिन्‍ने, खोन्‍कि खोएनान स़न्‍ने।”

लुका 5:27

खोन्‍किना मोदाङ्‌का म़खाराङाहिदा येसुआ लेबि अ़ऩङ मुवाङाओ अ़क्‍छा दाम्‍दु कालात्‍पा म़ना दाम्‍दु लात्‍खादा युङाङाओ अ़खा, खोन्‍कि खो अ़लोवा, “अ़ङ्‌का त़ङ्‌ताङ।”

मर्कुस 2:14

खोन्‍कि खोक्‍को मोदाङ्‌का म़खाराङाहिदा खोक्‍कोसाआ अल्‍फयस्‌ओ अ़छा लेबि दाम्‍दु लात्‍खादा युङाङाओ अ़खा, खोन्‍कि येसुआ खो अ़लोवा, “अ़ङ्‌का त़ङ्‌ताङ।” खोन्‍कि लेबि पुवालोन्‍ता खोन्‍कि खोक्‍को त़ङ्‌तु।

लुका 6:14

ओवात्‍नि छेन्‍माय़ङ्‌चि बारकापाङ ओचिङा ओ: येसुआ पत्रुस अ़ऩङ अ़पाक्‍ताओ सिमोन, सिमोन्‌ओ अ़निछा अन्‍द्रियास, याकुब, युहन्‍ना, फिलिप, बारथोलोमाइ,

लुका 6:16

याकुब्‌ओ अ़छा यहुदा खोन्‍कि यहुदा इस्‍करियोत, खोसाआ येसु लाप्‍तुप़चि।