लुका 24:36 - बान्‍तावा राई

³⁶ मोचिआ मो दुम्‌ओ अ़तुक्‌वादा खाअ़लुसाङाचुहिदाङा येसु मोचिओ अ़चुरादा म़एवाकि मोचि म़लोचि, “खानानिन सेवाङ्‌नि लिसानिन!”

लुका 24:36 Referans Kwoze

२ थेसलोनिकि 3:16

हान सेवाङ्‌निओ हाङ्‌पाआ खानानिन अ़धुन खोन्‍कि झाराकापाराआ सेवाङ्‌नि ऩमुन्‍ने। हाङ्‌पा खानानिन झाराएदा म़युङ्‌ने।

लुका 10:5

खाक्‍को खिम्‌दा त़वाङिन, बुया ‘ओ खिम्‌दा निनाम्‍हाङ्‌ओ अ़चुसेवाङ्‌नि युङ्‌ने’नि लोवानुम्‍च़म।

मर्कुस 16:14

आदेङ एघारकापाङ अ़चुकाखेङ्‌पाचि चा चासि म़युङाङाहिदा खोचिएदा येसु खाङ्‌म़मुसान्‍चिन। खोन्‍कि खोचिओ अ़चुसाकोङ्‌छ़ङ मान्‍मुदामा खोन्‍कि अ़चुओ ऱफोक्‌वादा मोचि याम़सान्‍तुचि, देकिनालो खोक्‍को म़खोन्‍तालोन्‍ताओ काखाङ्‌चिओ अ़चुय़ङ्‌छाङ मोचिआ साकोङ्‌छ़ङ मान्‍मुअ़दा।

खाङ्‌मुमा 1:4

एसियादाओ सात्‌कातात साम्‍भुङ्‌चिएदा युहन्‍नाओ अ़सेवा। खोक्‍कोसोओ अ़चुहाङ्‌मुखा बुदाओ सात्‌कातात लावादाङ्‌का खानानिन सोमातुक्‍मा खोन्‍कि सेवाङ्‌नि लिसानिन। खोक्‍को म़युङ्‌याङ, म़युङाङा, खोन्‍कि म़तायाङ।

१ कोरिन्‍थि 15:5

खोन्‍कि खोक्‍को केफास्‌एदा, खोन्‍किना झारा बारकापाङ्‌माङ्‌एदा खाङ्‌म़मुसान्‍चिन।

युहन्‍ना 20:26

आथ्‌कालेन्‌कि खोक्‍कोसोओ अ़चुकाखेङ्‌पाचि खिम्‍हुत्‌या म़लासान्‍कोवान्‌युङ्‌सान्‍चिन। थोमाछाङ मोचिएनान युङाङा। लाप्‍तिखोप्‌चि म़छेक्‍ताङा, मेन येसु म़ताकि अ़चुरादा म़एवा, खोन्‍कि म़लोचि, “खानानिन सेवाङ्‌नि लिसानिन!”

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

मत्‍ति 10:13

खोन्‍कि मो खिम्‍लुम्‍पाआ साऩङ्‌वा ऩमेत्‍तिन्‌नालो आम्‍नुओ सेवाङ्‌निओ आसिखा मो खिम्‌दा ताने। मेन मोचिआ साऩङ्‌वा ऩमेत्‍तिमिन्‌नालो खानानिन्‌आ त़प़म्‍च़म्‌ओ सेवाङ्‌नि खानानिन्‌एदा लाताने।

छाम्‍माय़ङ 1:3

येसु क्रुस्‌दा म़सुवा खोन्‍कि खोक्‍को म़खोन्‍तालोन्‍ताकि चालिस्‌कालेन्‌तारि छाम्‍माय़ङ्‌चिएदा ब़द्‍धेकादु खाङ्‌म़मुसान्‍चिन। मोन्‍ग़रि खोक्‍को खोचिएनान निनाम्‍हाङ्‌ओ अ़चुहाङ्‌होन्‌ओ अ़तुक्‌वादा म़चेवा। खोक्‍कोसाआ मो म़नाचिएनान हान्‍छाङ ह़ङ्‌ङाङा निकिना ब़द्‍धे अ़नुछ्‍याओ सालुम्‍स़ङ्‌चि खाङ्‌अ़मुसा।

१ कोरिन्‍थि 15:7

खोन्‍किना याकुब खोन्‍कि झारा छाम्‍माय़ङ म़नाचिएदा खोक्‍को खाङ्‌म़मुसान्‍चिन।